20:00 17.07.2019
Գյումրիում մի ամբողջ թաղամաս կա, որտեղ մարդիկ բնակվում են 1926 թվականի երկրաշարժից հետո ժամանակավորի կարգավիճակով կառուցված մի հարկանի հողե տներում: Դրանք արդեն 100-ամյա պատմություն ունեն: «Բարաքներ» կոչվող թաղամասի տների մեծ մասը վթարային է, բազմակի փլուզումներ տեսած: Օրինակը Մարինե Համբարյանի տունն է, որտեղ առաստաղի հերթական փլուզումն է եղել: Ամեն տարի մետաղե կոնստրուկցիաներ են ավելացնում առաստաղի իջվածքը կանխելու համար, բայց անօգուտ:
Գյումրու Ղուկասյան փողոցի 11 շարքի 10-րդ տունը 94 տարի առաջ է կառուցվել: Նախկին հասցեն կոչվել է պետբարաք: Հասցեն փոխվել է, բայց դարձյալ նկարագիրը նույնն է՝ գետնափոր բարաք: Այստեղ 4 սերունդ է մեծացել, բայց սերնդափոխությունից չեն փոխվել բնակարանային պայմանները:
Տան առաստաղը ծանր հենակներն են պահում, դրանց դերը տանում են նաև տան պահարանները: Գիշեր-ցերեկ առաստաղից ճռռոցներ են լսվում, ու նույն հատվածներից ամեն օր փայտե տանիքից հող է թափվում: Արդեն հենակներն էլ չեն պահում, խոնավությունից ճկված առաստաղի ծանրությանը մետաղե հենակն էլ չի դիմացել: Արդեն մի քանի ամիս է՝ սենյակները հոսանքազրկված են, միայն միջանցքում լույս կա: Կաթոցներից ու պատերի խոնավությունից հոսանքալարերն են վնասվել: Խիստ վթարային, բնակության համար ոչ պիտանի տանը Մարինեն ապրում է աղջկա հետ:
Կնոջ առողջական լուրջ խնդիրներն առաջ են եկել նաև այս պայմանների պատճառով: Հենաշարժական և նյարդային համակարգի խանգարումներն ու հոդացավերը հանգիստ չեն տալիս: 3-րդ կարգի հաշմանդամ Մարինեի անփոխարինելի օգնականները, աղջկանից բացի, հարևաններն են:
Համբարյանների ընտանիքը հաշվառված է եղել անօթևանության հերթացուցակում, 2000 թվականին բնակարան են հատկացրել, հետո Բնակբաշխման հանձնաժողովը չեղյալ է համարել որոշումը՝ պատճառաբանելով, թե սեփական տուն ունեք՝ նկատի ունենալով գետնափոր բարաքը:
17 տարի առաջ մասնագետները տունը գնահատել են 3-րդ, մասնակի 4-րդ աստիճանի վնասվածության և գրությամբ հաստատել, որ այն բնակության համար պիտանի չէ: Ընդհանուր առմամբ՝ Բարաքներ թաղամասի գրեթե բոլոր տները վթարային են: Դրանք մինչև 88-ի երկրաշարժը նախատեսված էր քանդել ու բնակիչներին ապահովել բնակարաններով։ Մի մասին հասցրին, հետո աղետի գոտում նրանց մասին մոռացան:
Մարինե Համբարյանի ընտանիքին տևական բողոքներից հետո քաղաքապետարանը 2002 թվականին առաջարկել էր վթարային տունը քանդել, տարածքը տալ համայնքին ու հերթագրվել որպես անօթևան: Այս առաջարկից հրաժարվել էին՝ վստահ չլինելով, որ իրենց բնակարան կհատկացվի:
Գյումրիում հիմա նման վիճակում հայտնված 95 ընտանիք կա, որոնք երկրաշարժին սեփական տուն են կորցրել կամ սեփական տարածքն են քաղաքապետարանին հանձնել, բայց պետությունը նրանց բնակարանի շահառու չի ճանաչում: Իսկ Համբարյաններին օգնելու ու նման վիճակից դուրս բերելու խնդրի առնչությամբ քաղաքապետարանը, ըստ էության, ասելիք չուներ, անելիք, պարզվեց՝ նույնպես: Պատասխանն էլ այսպիսին էր՝ սեփական տների պահպանությունը քաղաքապետարանինը չէ, բնակչին օգնել չեն կարող, քանի որ պահուստային բնակֆոնդ չունեն:
23:11 03.04.2025
ԱԽ քարտուղարը կգործուղվի Բելգիայի Թագավորություն
23:00 03.04.2025
Քննարկվել են ՀՀ բուհերի և Իլիայի համալսարանի միջև համագործակցության հնարավորություններն ու հեռանկարներըԱպրիլի 3-ին Վրաստանում ՀՀ դեսպան Աշոտ Սմբատյանը հանդիպեց Թբիլիսիի Իլիայի համալսարանի ռեկտոր, պրոֆեսոր Նինո Դոբորջգինիձեի հետ: Այս մասին հայտնել են Վրաստանում ՀՀ դեսպանությունից։ Հանդիպմանը քննարկվեցին ՀՀ բուհերի և Իլիայի համալսարանի միջև համագործակության հաստատման հնարավորություններն ու հեռանկարները։ ...
22:49 03.04.2025
Երևանի Էրեբունի վարչական շրջանի մի շարք հասցեներում գազ չի լինի«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ ապրիլի 4-ին ժամը 10:00-ից մինչև ժամը 16:00-ն, կդադարեցվի Երևան քաղաքի Էրեբունի վարչական շրջանի Սարի թաղի 7-րդ փողոցի թիվ 67 բազմաբնակարան շենքի, 7-րդ փողոցի, 7-րդ փողոց նրբանցքի, 9-րդ փողոց նրբանցքի, 12-րդ, 13-րդ, 13-րդ փողոց նրբանցքի, 14-րդ, 15-րդ, 16-րդ, 17-րդ, 18-րդ, 19-րդ, 19ա, 21-րդ փողոցների առանձնատների գազասպառողների […] ...
22:38 03.04.2025
Մխիթար Հայրապետյանը հանդիպել է Էստոնիայի արդարադատության և թվայնացման նախարարի հետՀՀ ԲՏԱ նախարար Մխիթար Հայրապետյանն ապրիլի 3-ին Էստոնիա կատարած աշխատանքային այցի շրջանակում հանդիպել է Էստոնիայի արդարադատության և թվայնացման նախարար Լիիսա֊Լի Պակոստայի հետ: Հանդիպմանը մասնակցել են նաև ՀՀ ԲՏԱ նախարարի առաջին տեղակալ Գևորգ Մանթաշյանն ու Հայաստանի տեղեկատվական համակարգերի գործակալության տնօրեն Ներսես Երիցյանը: Կողմերն ընդգծել են, որ երկկողմ այցերը կնպաստեն ոլորտային հարաբերությունների խորացմանը, մասնավորապես թվային կառավարման, կիբեռանվտանգության […] ...
22:29 03.04.2025
Գյումրիից սկսվում է այն ազդակը, որ իշխանությունները պրոբլեմ ունեն․ Գուրգեն Սիմոնյանը՝ Գյումրիի ընտրությունների մասինՎերջին օրերին մեր երկրում ամենաթեժ ու ամենաքննարկված ներքաղաքական թեման Գյումրիի ընտրություններն են։ Միևնույն ժամանակ դրանք ամենաինտրիգայինն ու ամենաքաղաքականացվածն էին։ Թեմայի շուրջ «Հեռանկարն» այսօր զրուցել է Շնորհապետական կուսակցության նախագահ, քաղաքական գիտությունների թեկնածու Գուրգեն Սիմոնյանի հետ։ Արդյո՞ք այս ընտրությունները ձախողում էին իշխանությունների համար, սա հետընթաց էր, թե՞ առաջընթաց, իսկ հետագա զարգացումների ո՞ր սցենարն է ավելի հավանական։ Այս […] ...
22:18 03.04.2025
Քննարկվել է քաղաքացիների առաջարկների հիման վրա Իրական Հայաստանի գաղափարախոսության շուրջ կատարվող աշխատանքների ընթացքըԱպրիլի 3-ին տեղի է ունեցել «Քաղաքացիական պայմանագիր» կուսակցության Նախաձեռնող խմբի նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Քննարկվել է քաղաքացիների առաջարկների հիման վրա Իրական Հայաստանի գաղափարախոսության շուրջ կատարվող աշխատանքների ընթացքը։ ՀՀ ԱԺ պատգամավոր Թագուհի Ղազարյանը հանդես է եկել զեկույցով և պատասխանել նիստի մասնակիցների հարցերին։ ...
22:10 03.04.2025
Երևանում «Lexus»-ը կոտրել է ճանապարհային երթևեկության ցուցանակը և հայտնվել մայթինԱպրիլի 3-ին, արտակարգ դեպք է տեղի ունեցել Երևանում: Ժամը 02:00-ի սահմաններում, «Lexus» մակնիշի ավտոմեքենան Նժդեհի փողոցում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել բազալտե եզրաքարին, անցել հետիոտնի համար նախատեսված հատվածը, կոտրել ճանապարհային երթևեկությունը կարգավորող ցուցանակներն ու տեղադրված «Իդրամ» վճարային տերմինալը և հայտնվել մայթին՝ դեղատան աստիճանների մոտ: Ինչպես հայտնում է shamshyan.com-ը, մոտ 2 […] ...
