21:30 22.06.2019
Վերջին օրերին շրջանառվող լուրերի համաձայն՝ փակվելու է Գյումրու քաղաքապետ Սամվել Բալասանյանի ընտանիքին պատկանող «Անուշարան» գործարանը: SHANTNEWS-ը պարզաբանում ստանալու համար հեռախոսազրույց է ունեցել գործարանի տնօրեն Յուրա Նազարյանի հետ, որը կտրականապես հերքել է տարածված լուրերը:
«Նման բան չկա, «Անուշարանը» աշխատում է և շարունակելու է աշխատել: Ուղղակի մենք ներկայիս գործարանի տարածքից ուզում ենք տեղափոխվել մեկ այլ, ավելի հարմարավետ տարածք, որտեղ խմորեղեն պատրաստելու համար կլինեն անհրաժեշտ պայմաններ: Գործարանը չի փակվում, մենք շարունակում ենք աշխատել»,- պարզաբանել է գործարանի տնօրենը:
Յուրա Նազարյանը հավաստիացրել է, որ շրջանառվող լուրերը, թե աշխատակիցներին տուն են ուղարկել՝ ասելով, թե երկուշաբթի օրվանից այլևս աշխատանքի կարող եք չգալ, իրականությանը չեն համապատասխանում:
«Ոչ մի աշխատող չի կրճատվել կամ ազատվել աշխատանքից, հարկադիր պարապուրդի անցնելու խնդիր նույնպես չկա մեր առաջ դրված, նույնիսկ մեկ օր չենք դադարելու աշխատել, նույն կազմով կտեղափոխվենք այլ մասնաշենք: Այս պահին միջոցառման եմ մասնակցում, ինձ մոտ փաստաթղթեր չկան, որ աշխատակիցների հստակ թիվը ձեզ ասեմ, բայց վստահեցնում եմ, որ կրճատված աշխատակիցներ չունենք»,- ասել է Յուրա Նազարյանը՝ ավելացնելով, որ նոր տեսականի արտադրելու համար արտասահմանից նոր սարքավորումներ ու վառարաններ են պատվիրել, որոնք շուտով կլինեն Գյումրիում:
Գործարանի տնօրենը նաև նշել է, որ նոր տարածքի համար արդեն քննարկվում են մի քանի տարբերակներ, դեռևս հստակ հասցե նշել չի կարող, քանի որ վերջնական որոշում դեռ չեն կայացրել, իսկ այսպիսի խոսակցություններ տարածելը համարում է իրենց գործունեության դեմ ուղղված միտումնավոր արարք:
«Շտաերն են փորձում մեզ վնասել, նման խոսակցություններ որոշ ժամանակ առաջ էլի տարածվեցին, արդյունքում արտադրանքի որոշ ծավալ հետ ուղարկվեց գործարան, մեծ վնասներ կրեցինք: Որոշ մարդիկ շատ կցանկանային, որ մենք չշարունակենք մեր գործունեությունը, բայց նորից եմ կրկնում՝ «Անուշարանը» չի փակվել ու չի էլ փակվելու»,- ասել է Յուրա Նազարյանը:
Հեռախոսազրույցի ավարտին գործարանի տնօրենը ասել է նաև, որ նոր ծրագրեր ունեն, որոնց իրականացման համար էլ նոր տարածք են ցանկանում տեղափոխվել, բայց փակագծերը բացել այդպես էլ չի ցանկացել:
08:20 11.04.2025
Հանրահատ Ջենիֆեր Լոպեսը հանդես կգա «Հանրապետական» ստադիոնումՀռչակավոր երգչուհի Ջենիֆեր Լոպեսը հրապարակել է իր Up All Night համերգային տուրի ժամանակացույցը: Ամերիկուհու շրջագայության վերջին համերգը կկայանա Երևանում: Համերգը տեղի կունենա օգոստոսի 3-ին «Հանրապետական» ստադիոնում: Երգչուհին 33 օրում ելույթ կունենա 17 քաղաքներում, որոնցից 7-ը՝ Իսպանիայում: ...
08:15 11.04.2025
CNN. ԱՄՆ-ը չի լինելու առաջինը, ով կապ ունի Չինաստանի հետ մաքսատուրքերի հարցումԱՄՆ-ը մտադիր չէ առաջինը կապ հաստատել Չինաստանի հետ մաքսատուրքերի շուրջ բանակցությունների համար, հայտնում է CNN-ը՝ վկայակոչելով ԱՄՆ վարչակազմի բարձրաստիճան պաշտոնյաներին։ Նրանց խոսքով՝ ԱՄՆ նախագահ Դոնալդ Թրամփն իր ենթականերին ասել է, որ Չինաստանը պետք է անի առաջին քայլը, քանի որ, Վաշինգտոնի կարծիքով, հենց Պեկինն է սրել առևտրային հակամարտությունը՝ իր պատասխան մաքսատուրքերով։ Միաժամանակ, CNN-ը մատնանշում է, որ […] ...
08:05 11.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
08:00 11.04.2025
Էմիլիանո Մարտինեսի սադրանքը ՊՍԺ-ի դեմ խաղից առաջ«Ասթոն Վիլայի» դարպասապահ Էմիլիանո Մարտինեսը ՊՍԺ-ի դեմ Չեմպիոնների լիգայի քառորդ եզրափակչի առաջին խաղից առաջ կրկին ծաղրել էր Ֆրանսիայի հավաքականին: Արգենտինացին Փարիզում զբոսնել էր մի գլխարկով, որի վրա Ֆրանսիայի հավաքականի խորհրդանիշն է, որը, սակայն, ծածկված է Արգենտինայի հավաքականի նվաճած տիտղոսներով՝ աշխարհի գավաթով, Ամերիկայի գավաթով ու Ֆինալիսիմայով: Մարտինեսը, մեղմ ասած, սիրված չէ Ֆրանսիայում, քանի որ աշխարհի առաջնության […] ...
23:59 10.04.2025
Ավտոտնակների փոխարեն՝ բարեկարգ բակԵրևանի բոլոր վարչական շրջաններում իրականացվում է բակերի բարեկարգում: Այս մասին հայտնել են Երևանի քաղաքապետարանից: Ապօրինաբար կառուցված ավտոտնակները քանդվում են, ընդլայնվում են բակային տարածքները: Մասնավորապես Արաբկիր վարչական շրջանում՝ Նիկողայոս Տիգրանյան փողոցի 10 հասցեում, հեռացվում է շուրջ 10 ավտոտնակ: Տեղում կառուցվելու է խաղահրապարակ, հարակից հատվածները կանաչապատվելու են: Կատարվող աշխատանքներին հետևել է Երևանի քաղաքապետի առաջին տեղակալ Արմեն Փամբուխչյանը: ...
23:54 10.04.2025
Թբիլիսին պատրաստ է աջակցել Երևանի և Բաքվի միջև կարգավորման գործընթացինՎրաստանը միշտ բաց է երկխոսության համար և պատրաստ է նպաստել Հարավային Կովկասում երկարատև խաղաղության հաստատմանը: Այս մասին հայտարարել է Վրաստանի արտաքին գործերի նախարար Մակա Բոճորիշվիլին Դելֆիի տնտեսական ֆորումի շրջանակներում կազմակերպված քննարկման ժամանակ: Բոճորիշվիլին նշել է, որ Թբիլիսին պատրաստ է աջակցել Ադրբեջանի և Հայաստանի միջև կարգավորման գործընթացին։ Նրա խոսքով՝ Վրաստանը ցանկանում է օգնել երկու կողմերին երկխոսության […] ...
