21:47 21.06.2019
«Հյուսիս-հարավ» ավտոճանապարհի շինարարությունը հասել է Երևան-Գյումրի մայրուղու Հոռոմի խաչմերուկի հատված: Ճանապարհի մի մասն արդեն խճապատված է, մյուսում կոմունիկացիոն ցանցերն են նորացնում: Ամբողջությամբ նոր կառուցվող ջրատարի համար 2 օր է՝ Մարալիկ քաղաքը, Ախուրյանի և Արթիկի տարածաշրջանների 13 գյուղ խմելու ջուր չի ստանում:
Տասնյակ գյուղեր սնուցող մայր ջրատարը «Հյուսիս-հարավ» ճանապարհի շինարարության ծրագրում ենթակառուցվածքների նորացման բաղադրիչներից է: Կարևոր ու կենսական նշանակության մայր ջրատարը անհրաժեշտ է եղել տեղափոխել շիննախագծի պահանջով:
Մարալիկի ջրատարը Մանթաշի ջրամբարից ջուր չի վերցնում, սնուցող աղբյուրը Ղազանչիի ջրավազանն է: Հայտնի է, որ Արթիկի գյուղերը հիմնականում խմելու ջուր ստանում են Մանթաշից, այն էլ՝ անորակ: Բայց բացի Մարալիկից ու Ախուրյանից՝ այս ջրատարից օգտվող մի քանի գյուղ ունի Արթիկի տարածաշրջանը ու, կարելի է ասել, շահեկան վիճակում են՝ Ղազանչիի մաքուր ջուրն են ստանում:
Մայր ջրատարը կապահովագրվի վթարներից, բայց դարձյալ հին ու մաշված կմնան համայնքների ներքին ցանցերը, որոնցում վթարներ էլի կլինեն, ջրի ցածր ճնշման պատճառով էլ տնտեսություններին ջուր չի հասնի: Սարատակ գյուղի բնակիչները դարձյալ բողոքում են: Գյուղի բարձրադիր հատվածում ապրողներն օրերով ջուր չեն ունենում։
Միայն տնտեսությունները չէ, որ բողոքում են: Գյուղի մանկապարտեզը հոսող ջուր չի ստանում տարին 12 ամիս, միշտ ջրհորի ջուրն են օգտագործել: Խնդիրը չլուծվեց անգամ վերանորոգումից հետո, ավելին` պոմպով ջրհորից հասնող ջրագիծն էլ են կտրել:
60-ից ավելի երեխա է հաճախում գյուղի մանկապարտեզ: Տնօրենն ու աշխատակիցները ստիպված ամեն օր 100 մետր հեռավորության վրա գտնվող ջրհորից են ջուր կրում, կամ էլ երեխաների ծնողներն են շշերով բերում։
Ջրմուղից ասել են, որ մանկապարտեզին նոր ջրագիծ է պետք, ինչի համար մեծ գումար է անհրաժեշտ, որն էլ համայնքի բյուջեն պետք է տա: Երբ հարցը հասել է գումարին, գյուղապետարանում ասել են` փող չունեն: Մանկապարտեզի տնօրենn արդեն դիմում է գրել ջրմուղին, որ մասնագետներ ուղարկեն, վերջնական չափագրում կատարեն, որպեսզի համոզվեն, որ մանկապարտեզի համար ոչ թե նոր ջրագիծ է պետք անցկացնել, այլ եղածի միացումները կարգավորել, ինչի համար մեծ գումարներ չեն ծախսվի: Այս դիմումի պատասխանին սպասելու են 20 օր:
08:20 11.04.2025
Հանրահատ Ջենիֆեր Լոպեսը հանդես կգա «Հանրապետական» ստադիոնումՀռչակավոր երգչուհի Ջենիֆեր Լոպեսը հրապարակել է իր Up All Night համերգային տուրի ժամանակացույցը: Ամերիկուհու շրջագայության վերջին համերգը կկայանա Երևանում: Համերգը տեղի կունենա օգոստոսի 3-ին «Հանրապետական» ստադիոնում: Երգչուհին 33 օրում ելույթ կունենա 17 քաղաքներում, որոնցից 7-ը՝ Իսպանիայում: ...
08:15 11.04.2025
CNN. ԱՄՆ-ը չի լինելու առաջինը, ով կապ ունի Չինաստանի հետ մաքսատուրքերի հարցումԱՄՆ-ը մտադիր չէ առաջինը կապ հաստատել Չինաստանի հետ մաքսատուրքերի շուրջ բանակցությունների համար, հայտնում է CNN-ը՝ վկայակոչելով ԱՄՆ վարչակազմի բարձրաստիճան պաշտոնյաներին։ Նրանց խոսքով՝ ԱՄՆ նախագահ Դոնալդ Թրամփն իր ենթականերին ասել է, որ Չինաստանը պետք է անի առաջին քայլը, քանի որ, Վաշինգտոնի կարծիքով, հենց Պեկինն է սրել առևտրային հակամարտությունը՝ իր պատասխան մաքսատուրքերով։ Միաժամանակ, CNN-ը մատնանշում է, որ […] ...
08:05 11.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
08:00 11.04.2025
Էմիլիանո Մարտինեսի սադրանքը ՊՍԺ-ի դեմ խաղից առաջ«Ասթոն Վիլայի» դարպասապահ Էմիլիանո Մարտինեսը ՊՍԺ-ի դեմ Չեմպիոնների լիգայի քառորդ եզրափակչի առաջին խաղից առաջ կրկին ծաղրել էր Ֆրանսիայի հավաքականին: Արգենտինացին Փարիզում զբոսնել էր մի գլխարկով, որի վրա Ֆրանսիայի հավաքականի խորհրդանիշն է, որը, սակայն, ծածկված է Արգենտինայի հավաքականի նվաճած տիտղոսներով՝ աշխարհի գավաթով, Ամերիկայի գավաթով ու Ֆինալիսիմայով: Մարտինեսը, մեղմ ասած, սիրված չէ Ֆրանսիայում, քանի որ աշխարհի առաջնության […] ...
23:59 10.04.2025
Ավտոտնակների փոխարեն՝ բարեկարգ բակԵրևանի բոլոր վարչական շրջաններում իրականացվում է բակերի բարեկարգում: Այս մասին հայտնել են Երևանի քաղաքապետարանից: Ապօրինաբար կառուցված ավտոտնակները քանդվում են, ընդլայնվում են բակային տարածքները: Մասնավորապես Արաբկիր վարչական շրջանում՝ Նիկողայոս Տիգրանյան փողոցի 10 հասցեում, հեռացվում է շուրջ 10 ավտոտնակ: Տեղում կառուցվելու է խաղահրապարակ, հարակից հատվածները կանաչապատվելու են: Կատարվող աշխատանքներին հետևել է Երևանի քաղաքապետի առաջին տեղակալ Արմեն Փամբուխչյանը: ...
23:54 10.04.2025
Թբիլիսին պատրաստ է աջակցել Երևանի և Բաքվի միջև կարգավորման գործընթացինՎրաստանը միշտ բաց է երկխոսության համար և պատրաստ է նպաստել Հարավային Կովկասում երկարատև խաղաղության հաստատմանը: Այս մասին հայտարարել է Վրաստանի արտաքին գործերի նախարար Մակա Բոճորիշվիլին Դելֆիի տնտեսական ֆորումի շրջանակներում կազմակերպված քննարկման ժամանակ: Բոճորիշվիլին նշել է, որ Թբիլիսին պատրաստ է աջակցել Ադրբեջանի և Հայաստանի միջև կարգավորման գործընթացին։ Նրա խոսքով՝ Վրաստանը ցանկանում է օգնել երկու կողմերին երկխոսության […] ...
