17:36 17.06.2019
Հայաստանի Հանրապետության Ազգային անվտանգության ծառայության և ՀՀ քննչական կոմիտեի կողմից ձեռնարկված լայնածավալ համալիր օպերատիվ -հետախուզական միջոցառումների և քննչական գործողությունների արդյունքում բացահայտվել է տարիներ առաջ ՀՀ Ազգային պատկերասրահից գեղանկարների հափշտակության դեպքը: Այս մասին տեղեկացնում են ՀՀ ԱԱԾ-ից:
Մասնավորապես, Ազգային անվտանգության ծառայությունում օպերատիվ տվյալներ էին ստացվել, որ ՀՀ երկու քաղաքացիներ ցանկանում են վաճառել «Հայաստանի Ազգային պատկերասրահ» ՊՈԱԿ-ից գողացված Մատիաս Բրասաուի «Որսորդը» և Իսահակ Լևիտանի «Էտյուդ. Գարնանային բնանկար» առանձնակի արժեք ներկայացնող կտավները:
Ստուգմամբ պարզվել էր, որ դեռևս 2012թ. հունիսին ՀՀ քննչական կոմիտեում հարուցվել էր քրեական գործ «Հայաստանի Ազգային պատկերասրահ» ՊՈԱԿ-ի ցուցասրահից և տնօրենի աշխատասենյակից 1951-1992թթ. ընկած ժամանակահատվածում տասը թանգարանային առարկաների, այդ թվում՝ վերը նշված կտավների գողության դեպքի առթիվ: Սակայն հանցագործությունը չէր բացահայտվել, հափշտակված թանգարանային առարկաները չէին հայտնաբերվել, իսկ քրեական գործի վարույթն էլ կասեցվել էր՝ որպես մեղադրյալ ներգրավման ենթակա անձը հայտնի չլինելու հիմքով:
Հանցագործության դեպքը բացահայտելու, Հայաստանի Ազգային պատկերասրահից հափշտակված առարկաները հայտնաբերելու նպատակով ՀՀ Ազգային անվտանգության ծառայության, ՀՀ քննչական կոմիտեի աշխատակիցների կողմից, ինչպես նաև ՀՀ ոստիկանության ԿՀԴՊ ԳՎ ծառայողների աջակցությամբ, իրականացվել են համալիր օպերատիվ-հետախուզական միջոցառումներ և քննչական գործողություններ, որոնց արդյունքում, վերը նշված կտավների վաճառքի գործարքն ավարտվելուց անմիջապես հետո, հայտնաբերվել և բերման են ենթարկվել մշակութային առանձնակի արժեք ներկայացնող առարկաների վաճառքն իրականացրած և ենթադրյալ հանցագործությանն առնչություն ունեցած անձինք: Վերջիններիս մոտ հայտնաբերվել և առգրավվել են նշված գեղանկարները:
Միջոցներ են ձեռնարկվում դեպքի բոլոր հանգամանքների օբյեկտիվ, բազմակողմանի և լրիվ հետազոտումն ապահովելու, դեպքին հնարավոր առնչություն ունեցող անձանց ամբողջական շրջանակը պարզելու և նրանց հայտնաբերելու ուղղությամբ:
Նախաքննությունը շարունակվում է:
Ծանուցում. ենթադրյալ հանցանքի համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
10:40 03.04.2025
Միջազգային գործընկերների հետ քննարկվել է սննանկության ոլորտում իրականացվող բարեփոխումների ընթացքըԱրդարադատության նախարարի տեղակալ ՏիգրանԴադունցն ընդունել է Հայաստանում գտնվող Ասիական զարգացման բանկի և Զարգացման ֆրանսիական գործակալության համատեղ առաքելության ներկայացուցիչներին: Քննարկվել է ԱԶԲ և ԶՖԳ հետ համատեղ իրականացվող բյուջետային աջակցության վարկային ծրագրի Ենթածրագիր 3-ի վարկային միջոցների ներգրավման նպատակով կազմված քաղաքականության աղյուսակով նախատեսված միջոցառումների ընթացքը: Տիգրան Դադունցը ներկայացրել է սնանկության ոլորտում իրականացվող բարեփոխումների ընթացքը, մասնավորապես՝ Սնանկության նոր օրենսգրքի […] ...
10:33 03.04.2025
Էլ կլասիկո՝ Իսպանիայի գավաթի եզրափակչումԻսպանիայի գավաթի խաղարկության կիսաեզրափակչի պատասխան խաղում «Բարսելոնան» մրցակցի դաշտում 1-0 հաշվով հաղթել է Մադրիդի «Աթլետիկոյին»։ Հաղթական գոլը 27-րդ րոպեին խփել է Ֆերան Տոռեսը։ Հանսի Ֆլիկի գլխավորած թիմը երկխաղյա դիմակայությունում հաղթել է 5-4 հաշվով և ապրիլի 26-ին Սևիլիայի «Օլիմպիական» ստադիոնում տիտղոսը կվիճարկի Մադրիդի «Ռեալի» հետ։ ...
10:25 03.04.2025
Տարադրամի փոխարժեքներն ապրիլի 3-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389․5 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 422 դրամ, վաճառքի նվազագույն արժեքը՝ 428 դրամ: Ռուսական ռուբլու առքի առավելագույն արժեքն է 4․59 դրամ, վաճառքի նվազագույն արժեքը՝ 4․71 դրամ։ ...
10:19 03.04.2025
Արմեն Գրիգորյանը և Մագդալենա Գրոնոն քննարկել են Հարավային Կովկասի անվտանգային իրավիճակըԱպրիլի 3-ին ՀՀ ԱԽ քարտուղար Արմեն Գրիգորյանն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը քննարկվել է Հարավային Կովկասի անվտանգային իրավիճակը, առկա մարտահրավերները: Զրուցակիցները մտքեր են փոխանակել Հայաստանի և Ադրբեջանի հարաբերությունների կարգավորման գործընթացի շուրջ: ԱԽ քարտուղարը մեկ անգամ ևս վերահաստատել է Հայաստանի պատրաստակամությունը շուտափույթ կնքելու Խաղաղության համաձայնագիրը, որը տարածաշրջանը […] ...
10:17 03.04.2025
Դիլիջանի թունելը կիսով չափ հոսանքազրկվել էԱպրիլի 3-ին ժամը՝ 10։00-ի դրությամբ, Դիլիջանի թունելը կիսով չափ հոսանքազրկվել է Դիլիջանի տարածաշրջանի կողմից եկող մալուխի վնասվելու պատճառով։ Այս մասին հայտնում է «Ճանապարհային դեպարտամենտ» հիմնադրամը։ ...
10:00 03.04.2025
Al Jazeera․ Գազայում Իսրայելի գործողությունների հետևանքով զոհերի թիվը 24 ժամում հասել է 77-իԳազայի հատվածում վերջին 24 ժամվա ընթացքում իսրայելական բանակի գործողությունների հետևանքով զոհերի ընդհանուր թիվը հասել է 77-ի։ Այս մասին հայտնում է քաթարական Al Jazeera հեռուստաալիքը՝ հղում անելով պաղեստինյան անկլավի առողջապահության նախարարությանը։ Ավելի վաղ Առողջապահության նախարարությունը տվյալներ էր ներկայացրել վերջին 24 ժամվա ընթացքում 24 սպանվածի և 55 վիրավորի մասին։ Միաժամանակ, վարչությունը նշել է, որ մարտի 18-ին Գազայում […] ...
