21:12 17.06.2019
Շիրակի մարզի ձկնորսները բողոքում են Բավրայի մաքսակետում Վրաստանի տարածքից թարմ ձկան տեղափոխման քանակի սահմափակումների դեմ: Արդեն մի քանի օր է՝ մարզի ձկնորսներին չեն թույլատրում 5 կգ-ից ավելի ձուկ տեղափոխել Հայաստան։
Նշենք, որ Շիրակի մարզից մոտ 130 ձկնորս հիմնականում Ջավախքի շրջանում է ձկնորսություն անում, քանի որ մարզում ձկնային պաշարները քիչ են, տարածքներն էլ՝ սահմանափակ։ Իրենց խնդիրները ձկնորսներն այսօր ներկայացրել են Շիրակի մարզպետարանում։
Շիրակի մարզի ձկնորսների համար արդեն 5 տարի է, որ Վրաստանի Կարծախի լիճը դարձել է այն վայրը, որտեղ սիրողական ձկնորսությամբ զբաղվելով՝ ընտանիքի եկամուտ են ապահովում: Հարևան երկրի ջրային տարածքը հարուստ է ձկնատեսակներով, շատ լինելուց բացի, նաև խոշոր են: Որսն էլ թույլատրվում է ոչ թե ցանցով, այլ կարթով: Ձկան հաջողակ որսն էլ անարգել ու առանց կգ-ի սահմանափակումների միշտ տեղափոխվել է Շիրակի մարզ: Բայց մի քանի օր է՝ Բավրայի մաքսակետում ձկնորսները բախվում են մի խնդրի՝ նրանց արգելվում է 5 կգ-ից ավելի ձուկ անցկացնել։
Մարզի ձկնորսները հայ-վրացական սահմանն անցնելու, ձուկ բռնելու համար 10 լարի են վճարում: Բայց հակառակն էլ է լինում, կարող է ամբողջ օրը լճի մոտ անցկացնեն ու առանց ձկան վերադառնան։ Մարզի ձկնորսները Հայաստանի տարածքում ձկնորսությամբ զբաղվելու համար ունեն լիցենզիաներ, ըստ որոնց՝ պարտադիր կատարում են բնապահպանական մուծումներ: Բայց տեղի լճերում ու ջրամբարներում որսի պաշարներ ու տարածք չկա։
Հայ-թուրքական սահմանին գտնվող Ախուրյանի ջրամբարին հարակից ընդամենը 500 մետր տարածք է հատկացրել ռուսական սահմանապահ ուղեկալը, իսկ որսի թույլտվություն ունեցող ավելի քան 4000 ձկնորս կա մարզում: Ձկնորսների բողոքը հասել էր մարզպետարան: Ուզում էին հստակ պարզաբանումներ լսել, թե ինչ օրենքով ու կարգով է մաքսային անցակետում սահմափակում դրվել ձկան քանակի տեղափոխման համար:
Նրանք վստահ էին, որ քաղցրահամ ջրի ձուկ է, որի տեղափոխման սահմանափակման արգելք չպետք է լինի: Տեղում ձկնորսությամբ զբաղվելու խնդիրը կարգավորելու համար մարզպետարանում առաջարկեցին ձկնորսներին գրություն ներկայացնել, որը կուղարկվի Ռուսական սահմանապահ ուղեկալին, որպեսզի թույլատրվի Ախուրյանի ջրամբարի ձկնորսական տարածքը 500 մ-ից դարձնել 2000 մետր։ Մարզպետարանն այս առաջարկի մասին պատասխան կունենա մի քանի օրից։
Պետական եկամուտների կոմիտեի մամուլի ծառայությունից տեղեկացանք, որ Բավրայի մաքսակետում Վրաստանի տարածքից թարմ ձկան տեղափոխման քանակի սահմափակումների մասին որոշումը նոր չէ, որ ընդունվել է։ Դեռ 2017 թվականին Եվրասիական տնտեսական հանձնաժողովի որոշմամբ՝ սահմանվել էր անձնական օգտագործման ապրանքների ցանկ, որոնց թվում նաև ձուկն է։
Ըստ այդ որոշման՝ Հայաստան կարող է անվճար ձուկ կամ այլ ապրանքներ արտահանվել առավելագույնը 5 կգ, ավելին տեղափոխելու համար պետք է վճարել։ Ըստ ՊԵԿ մամուլի պատասխանատուի՝ մոտ 2 տարի առաջ ընդունված այս որոշումն ընդամենը կիրառության է դրվել։ Այն փոփոխության ենթարկելու համար պետք է կառավարությունը միջնորդի, քանի որ այս որոշումը գործում է ԵԱՏՄ բոլոր երկրների համար։
23:59 03.04.2025
Ապրիլի 13-19-ը Երևանում կկայանա Հոկեյի աշխարհի առաջնությունըՀՀ սփյուռքի գործերի գլխավոր հանձնակատար Զարեհ Սինանյանը հանդիպել է Հայաստանի հոկեյի ֆեդերացիայի գլխավոր քարտուղար Արամ Սարգսյանի և Հայաստանի հոկեյի լիգայի խորհրդի անդամ Նատալյա Կազանցևայի հետ։ Այս մասին հոյտնել են Սփյուռքի գլխավոր հանձնակատարի գրասենյակից: Հանդիպման ընթացքում քննարկվել է այս տարվա ապրիլի 13-19-ը Երևանում կայանալիք Հոկեյի աշխարհի առաջնությունը, որտեղ Հայաստանի հավաքականը հանդես կգա 15 տարվա դադարից հետո։ […] ...
23:56 03.04.2025
Ադրբեջանի առաջ քաշած նախապայմանները ձգձգում են խաղաղության համաձայնագրի ստորագրման գործընթացը. Ֆրանսիայի ԱԳ նախարարՖրանսիայի՝ Եվրոպայի և արտաքին գործերի նախարար Ժան-Նոել Բարոյի հայտարարության առնչությամբ Ապրիլի 2-ին Ֆրանսիայի Ազգային ժողովի արտաքին հարաբերությունների հանձնաժողովի՝ միջազգային վերջին զարգացումներին նվիրված նիստի ընթացքում, պատասխանելով նախագահական մեծամասնությունը ներկայացնող «Միասին» խմբակցության պատգամավոր Մոդ Պետիի հարցին, Ֆրանսիայի՝ Եվրոպայի և արտաքին գործերի նախարար Ժան-Նոել Բարոն ընդգծել է, որ Ֆրանսիան առաջիններից է, ով ողջունել է Հայաստանի և Ադրբեջանի միջև […] ...
23:47 03.04.2025
Նոր Զելանդիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալինԱպրիլի 2-ին ԱԳ նախարարի տեղակալ Մնացական Սաֆարյանն ընդունել է Հայաստանի Հանրապետությունում Նոր Զելանդիայի դեսպան Մարկ Ջուլիան Թրեյնորին (նստավայրը՝ Մոսկվա)՝ հավատարմագրերի պատճենը հանձնելու կապակցությամբ։ Այս մասին հայտնել են ԱԳՆ-ից: Նախարարի տեղակալ Սաֆարյանը շնորհավորել է նորանշանակ դեսպանին իր առաքելությունն սկսելու առթիվ և արդյունավետ գործունեություն մաղթել երկկողմ կապերի հետագա զարգացման ուղղությամբ։ Կողմերն ընդգծել են, որ երկու երկրներն իրենց […] ...
23:41 03.04.2025
Կայացավ «Արտիստը՝ դպրոցին» ծրագրի եզրափակիչ գալա համերգը«Արամ Խաչատրյան» համերգասրահում կայացավ «Արտիստը՝ դպրոցին» ծրագրի եզրափակիչ գալա համերգը։ Այս մասին հայտնել են Երևանի քաղաքապետարանից: Շուրջ երկու ամիս ՀՀ վաստակավոր արտիստ, աշխարհահռչակ թավջութակահար Նարեկ Հախնազարյանը վարպետության դասեր անցկացրեց Երևանի երաժշտական և արվեստի դպրոցներում՝ փոխանցելով իր անգնահատելի փորձն ու ներշնչելով նոր սերնդին։ Այսօր բեմում մեր երեխաները հանդես եկան Նարեկ Հախնազարյանի կողքին, նրա ղեկավարությամբ։ ...
23:35 03.04.2025
ԵԽ պատգամավորները Հայոց ցեղասպանության հիշատակին նվիրված նիստում դատապարտել են ԼՂ-ից հայերի բռնի տեղահանումըԵվրոպական խորհրդարանը ապրիլի 3-ին Հայոց ցեղասպանության 110-րդ տարելիցին նվիրված նիստ է անցկացրել՝ միաժամանակ լրջագույն ուշադրություն դարձնելով Լեռնային Ղարաբաղից էթնիկ հայերի բռնի տեղահանությանը։ «Արմենպրես»-ի հաղորդմամբ՝ այս մասին հայտնում է Հանուն արդարության և ժողովրդավարության Եվրոպայի հայկական ֆեդերացիայի (EAFJD) կայքէջը։ Եվրոպացի բազմաթիվ պատգամավորներ հստակ զուգահեռներ են անցկացրել պատմական ողբերգության և վերջին տարիների իրադարձությունների միջև՝ ընդգծելով Թուրքիայի ու Ադրբեջանի՝ […] ...
23:19 03.04.2025
ԲԴԽ-ում Եվրոպայի խորհրդի երևանյան գրասենյակի պատվիրակության հետ քննարկվել են դատաիրավական ոլորտի բարեփոխումներըԲարձրագույն դատական խորհրդում տեղի է ունեցել աշխատանքային քննարկում դատական իշխանության ներկայացուցիչների և Եվրոպայի խորհրդի երևանյան գրասենյակի ներկայացուցիչների մասնակցությամբ։ Հանդիպմանը ներկա են եղել նաև Բարձրագույն դատական խորհրդի անդամ Երանուհի Թումանյանցը, Դատական դեպարտամնետի ղեկավարի տեղակալ Արշակ Վարդապետյանը, Եվրոպայի խորհրդի երևանյան գրասենյակի ղեկավարի տեղակալ Վեդրան Յան-Քյելդսենը, ԵԽ «Աջակցություն դատաիրավական բարեփոխումների իրականացմանը Հայաստանում» ծրագրի ղեկավար Արման Զրվանդյանը և Դատական […] ...
