12:21 14.11.2017
Ռուսաստանից С-400 համակարգեր գնելու հետ միաժամանակ Թուրքիան չի հրաժարվում եվրոպական համանման համակարգերի գնման վերաբերյալ բանակցություններից։ Ներկա փուլում Ս-400 համակարգերի վերաբերյալ արդեն կա նախագահների մակարդակով քաղաքական ծանրակշիռ պայմանավորվածություն։ Իսկ եվրոպական (Ֆրանսիայի և Իտալիայի համատեղ արտադրության) SAMP-T տիպի համակարգեր գնելու վերաբերյալ շարունակվում են բանակցությունները։
Բրյուսելում ՆԱՏՕ-ի պաշտպանության նախարարների հանդիպման ընթացքում թուրքական կողմը Ֆրանսիայի և Իտալիայի գործընկերների հետ նախնական համաձայնության է հասել՝ համատեղ ստեղծել հակաօդային պաշտպանության համակարգ և ժամանակի ընթացքում տեղայնացնել (Թուրքիայում կազմակերպել) դրա ամբողջական արտադրությունը։
Պատճառն այն է, որ Թուրքիան իրեն չի կարող Ռուսաստանի գերին դառնալ պաշտպանության նման կարևոր ոլորտում։ Ռուսական զենիթահրթիռային համակարգեր գնելը նշանակում է, որ Թուրքիան ավելի ուշ ստիպված է լինելու գնել դրա հրթիռները, ժամանակ առ ժամանակ ստիպված է լինելու համակարգերը սպասարկել (նորոգել, արդիականացնել) Ռուսաստանի օգնությամբ։ Իսկ եթե Ռուսաստանի հետ հարաբերությունների սրում լինի, ինչպես 2015 թվականի նոյեմբերին, երբ թուրքերը սիրիական սահմանին խոցեցին ռուսական ինքնաթիռ, ապա Թուրքիան կմնա առանց համակարգերի սպասարկման ու զինամթերքի։
Իսկ եվրոպական Eurosam Consortium ընկերության հետ համագործակցությունը թույլ կտա Թուրքիային գոնե ժամանակի ընթացքում դուրս գալ այլ երկրներից իր կախվածությունից ու սեփական բանակի համար զենքի արտադրությունը տեղափոխել սեփական դաշտ։
Սրան էին միտված նաև Թուրքիայի բանակցությունները ԱՄՆ-ի հետ, երբ С-400 համակարգեր գնելու պայմանավորվածությունը ձեռք բերելուց առաջ թուրքական կողմը փորձում էր իրեն հարմար պայմաններով գնել ամերիկյան Patriot նմանատիպ համակարգեր։ Հարմար պայմաններն այս դեպքում Թուրքիայի համար նշանակում էին ոչ միայն բուն համակարգերի գնում, այլ արտադրության տեխնոլոգիաների ներկրում ու ժամանակի ընթացքում տեղում արտադրության կազմակերպում։ Գործարքը չկայացավ, քանի որ ամերիկյան կողմը չհամաձայնեց փոխանցել տեխնոլոգիաները։
Ի սկզբանե նույն ոճով էին ընթանում Թուրքիայի բանակցությունները նաև Ռուսաստանի հետ։ ժամանակ առ ժամանակ թուրքական որևէ կողմի պաշտոնյա մամուլին հայտնում էր, որ իրենք անպայման պետք է պայմանագրով ստանան նաև տեխնոլոգիաներ։ Այնուհետև մամուլի միջոցով գալիս էր ռուսական կողմի պատասխանը՝ տեխնոլոգիաների փոխանցում չի լինելու։
Նույնիսկ այն բանից հետո, որ արդեն կա բարձր մակարդակի պայմանավորվածություն Ս-400 համակարգերի առևտրի վերաբերյալ, ավելի պասիվ, բայց շարունակվում են մամուլի միջոցով այդ «փոխհրաձգությունները»։
13:31 01.11.2024
2024-ին գրանցվել է կարմրուկով վարակման 556 դեպք2024-ին արձանագրվել է կարմրուկով վարակման 556 դեպք, նրանցից 335-ը երեխա է, 221-ը՝ մեծահասակ: Այս մասին հայտնում է ԱՆ հիվանդությունների վերահսկման և կանխարգելման ազգային կենտրոնը։ ...
13:20 01.11.2024
Մետրոյի ղեկավարությունը համապատասխան վերլուծություններ է կատարում՝ պարզելու ծանրաբեռնվածության պատճառներն ու գտնելու լուծումներ․ հայտարարությունԱյսօր, սոց ցանցերում մեր քաղաքացիները մետրոյի ուղևորափոխադրումների վերաբերյալ հրապարակումներ են անում և իրենց դժգոհություններն արտահայտում պիկ ժամերին ստեղծված անհարմարություններից։ Թեմայի վերաբերյալ Երևանի մետրոպոլիտենը հայտարարություն է տարածել։ «Հաշվի առնելով ստեղծված իրավիճակն ու մարդկանց աննախադեպ հոսքը՝ մետրոյի ղեկավարությունը համապատասխան վերլուծություններ է կատարում՝ պարզելու ծանրաբեռնվածության պատճառներն ու գտնելու արդյունավետ լուծումներ՝ քաղաքացիներին պատճառված անհարմարությունները հնարավորինս արագ վերացնելու նպատակով։ Պատճառված […] ...
13:12 01.11.2024
Գեղարքունիքի մարզում հոկտեմբեր ամսին ծնվել է 161 երեխա2024 թվականի հոկտեմբեր ամսին Գեղարքունիքի մարզային ենթակայության ծննդօգնություն իրականացնող առողջապահական հիմնարկներում ծնվել է 161 երեխա, որից 93-ը՝ տղա, 68-ը՝ աղջիկ: 161 երեխաներից՝ 33-ը ծնվել են Գավառի բժշկական կենտրոնում, 79-ը՝ Մարտունու ծննդատանը, 33-ը՝ Սևանի բժշկական կենտրոնում, 13-ը՝ Վարդենիսի բժշկական կենտրոնում և 3-ը՝ Ճամբարակի առողջության կենտրոնում։ ...
13:06 01.11.2024
Ինչպիսի եղանակ է սպասվում առաջիկա օրերինԵրևանում նոյեմբերի 1-2-ին, 5-6-ին սպասվում է առանց տեղումների եղանակ։ Նոյեմբերի 3-ի երեկոյան ժամերին, 4-ին հնարավոր է կարճատև անձրև։ Մարզերում նոյեմբերի 1-ի ցերեկը, 2-ին, 3-ի գիշերը, 5-6-ին սպասվում է առանց տեղումների եղանակ։ Նոյեմբերի 3-ի ցերեկը, 4-ին հանրապետության առանձին շրջաններում սպասվում են տեղումներ, լեռնային գոտիներում՝ ձյան տեսքով։ Քամին՝ հարավարևմտյան՝ 2-5մ/վ։ Օդի ջերմաստիճանը նոյեմբերի 3-4-ի ցերեկն աստիճանաբար կնվազի […] ...
12:58 01.11.2024
Աշխատանքային այցով Կոլումբիայում գտնվող Վահագն Խաչատուրյանը հեռախոսազրույցներ է ունեցել ՀՀ շրջակա միջավայրի և արտաքին գործերի նախարարների հետԿոլումբիայի Կալի քաղաքում անցկացվող Կենսաբազմազանության մասին կոնվենցիայի Կողմերի 16-րդ համաժողովի (COP16) եզրափակիչ լիագումար նիստի քվեարկության արդյունքներով քվեարկության մասնակից երկրների ձայների մեծամասնությամբ որոշում է կայացվել 2026 թվականին կայանալիք ամենամյա համաժողովն (COP17) անցկացնել Հայաստանի Հանրապետությունում: Այս կապակցությամբ աշխատանքային այցով Կոլումբիայում գտնվող Հանրապետության նախագահ Վահագն Խաչատուրյանը հեռախոսազրույցներ է ունեցել ՀՀ շրջակա միջավայրի նախարար Հակոբ Սիմիդյանի և ՀՀ արտաքին […] ...
12:42 01.11.2024
Տեղի է ունեցել «Մեծանուն հայեր. Երվանդ Մանարյանի ծննդյան 100-ամյակ» թեմային նվիրված նամականիշի մարման արարողությունըՀՀ վարչապետ Նիկոլ Փաշինյանի մասնակցությամբ հոկտեմբերի 31-ին՝ Հովհաննես Թումանյանի անվան ազգային տիկնիկային թատրոնում, տեղի է ունեցել «Մեծանուն հայեր. Երվանդ Մանարյանի ծննդյան 100-ամյակ» թեմային նվիրված նամականիշի մարման պաշտոնական արարողությունը: Նամականիշի մարումն իրականացրել են ՀՀ վարչապետի աշխատակազմի ղեկավար Արայիկ Հարությունյանը, ՀՀ կրթության, գիտության, մշակույթի և սպորտի նախարար Ժաննա Անդրիասյանը, ՀՀ բարձր տեխնոլոգիական արդյունաբերության նախարարի տեղակալ Գևորգ Մելիքսեթյանը, […] ...
