Մասնագետները շոգերն ընկնելուն պես առաջարկում են առանձնահատուկ կերպով հետևել սննդակարգին: Տավարի, խոզի, հորթի միսը, օրինակ` դժվարամարս է, ուստի նրանք առաջարկում են յուղոտ մսի փոխարեն ուտել հատապտուղներ, միրգ ու բանջարեղեն: Սպիտակ մսից հրաժարվել, սակայն, չարժե:
«Ամռանն օրգանիզմը ջրազրկվում է, դանդաղում է նյութափոխանակությունը, մարսողական համակարգի աշխատանքը, յուղոտ մթերքներն ավելորդ ծանրաբեռնվածություն են ստեղծում օրգանիզմի համար՝ բարդացնելով շոգի դեմ առանց այդ էլ դժվար պայքարը»,- կարծում են սննդաբանները:
Նրանք խորհուրդ են տալիս նախընտրել բուսական սնունդ և քիչ քանակությամբ կենդանական սպիտակուց: Արտերկրում գտնվելիս սննդաբաններն առաջարկում են հատապտուղ և միրգ գնելիս անպայման արտոնագիր պահանջել ու պարզել, թե որքան քիմիկատներ են պարունակում դրանք. պեստիցիդների ու քիմիկատների ավելցուկը կարող է ալերգիկ ռեակցիաներ առաջացնել:
