22:13 31.05.2019
«Սասստեքս» ընկերության աշխատակիցների հետ են այսօր հանդիպել թեթև արդյունաբերության աշխատողների արհմիության նախագահը, ընկերության ղեկավարներն ու Շիրակի մարզպետարանի պատասխանատուները:
Հիշեցնենք, որ 3 օր է` Գյումրու կարի արտադրամասի շուրջ 120 աշխատակիցներ գործադուլ են անում: Խնդիրն առաջ է եկել այն բանից հետո, երբ անցած ամսվա կատարած աշխատանքի դիմաց ցածր աշխատավարձ է վճարվել` սահմանված նվազագույն 55.000 դրամից պակաս:
Ըստ աշխատողների` մինչև հիմա իրենց չեն բացատրել, թե ինչպես է սահմանվում իրենց աշխատավարձի չափը, բացի դրանից, հետո էլ պատասխանատուները աշխատավարձի կրճատումը պատճառաբանել են արտադրանքի ցածր որակով:
Գործադուլավոր աշխատակիցների հետ հանդիպելու էր եկել նաև «Սասստեքս» ընկերության տնօրեն Ֆրանկ Մաչասեկը:
Նրա խոսքերով` Գերմանիա ուղարկված պատվերների 30-40 տոկոսը ետ է գալիս վատ որակի պատճառով: Հիմա գերմանացի գնորդներն արդեն կասկածի տակ են առնում` հետագայում Հայաստանին պատվերներ տա՞ն, թե՞ ոչ: Աշխատողներն էլ հակադարձեցին տնօրենին, թե այդ դեպքում, ինչո՞ւ են իրենց մոտ աշխատող գերմանացի մասնագետները իրենց թողարկած ապրանքը գնահատում որակյալ ու ոչ մի առարկություն տեղում չեն անում:
Այս և այլ մի շարք հարցեր ևս անպատասխան մնացին: Օրինակ այն, թե ինչու են շաբաթ օրը բացակայելու համար աշխատողից 3000 դրամ պահում, կամ 2 ամիս հիվանդանոցում բուժում ստացողի անաշխատունակության թերթիկն անտեսում ու չվճարում: Հաշվապահը խոստացավ այս հարցն էլ վերանայել:
Աշխատակիցներին ընկերությունը պայմանագրով պարտավորվել է առաջին 3 ամիսը ամսական նվազագույն աշխատավարձի չափով՝ 55.000 դրամ վճարել, իսկ հետո, վարձատրությունը լինելու էր գործարքային: Թե ինչպես է սահմանվել գործավարձի գնահատումը, աշխատողները տեղյակ չեն, բայց ստացել են 11.000, 26.000, 36.000 դրամ աշխատավարձ: Այն, որ աշխատանքն արագ չէ, ասում են՝ պատճառը մեքենաների պակասն է, օդափոխության համակարգ էլ չկա:
Շիրակի մարզպետի տեղակալ Վարդան Գրիգորյանն հետաքրքրվեց, թե ինչպես են գործարքային գնահատումն անում, որ պահպանեն նվազագույն աշխատավարձի շեմը, ինչը, ըստ էության, չի էլ պահպանվում: Օրենսդրության հետ կապված անհամապատասխանությունը հարթել է պետք ու ընկերության սահմանած գործավարձի արժեքները պետք է վերանայվեն: Խնդրով խոստացավ զբաղվել թեթև արդյունաբերության աշխատողների արհմիության հանրապետական կոմիտեի նախագահ Սրապիոն Առաքելյանը:
Ըստ էության, այս կոնֆլիկտը լուծված համարվեց, աշխատակիցները խոստացան երկուշաբթի օրվանից աշխատանքի դուրս գալ, իսկ մնացած խնդիրները կլուծվեն ընթացքում:
16:50 04.04.2025
Գևորգ Պապոյանն ու Նուբար Աֆեյանը քննարկել են Հայաստանի ներդրումային միջավայրի բարելավման և գրավչության բարձրացման վերաբերյալ հարցերՀՀ էկոնոմիկայի նախարար Գևորգ Պապոյանն այսօր ընդունել է հայազգի գործարար և բարերար Նուբար Աֆեյանին: Հանդիպմանը ներկա է եղել նաև նախարարի տեղակալ Լիլյա Սիրականյանը։ Հանդիպման ընթացքում քննարկվել են պետություն-մասնավոր հատվածի արդյունավետ համագործակցության շրջանակներում մասնավոր ներդրումային ֆոնդ ստեղծելու հայեցակարգը, ինչպես նաև Հայաստանի ներդրումային միջավայրի բարելավման և գրավչության բարձրացման վերաբերյալ հարցեր։ Նախարարը նշել է, որ որ ներդրումները կարող […] ...
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
