13:28 22.05.2019
«Արսենալի» ֆուտբոլիստները ծափահարություններով են ընդունել Հենրիխ Մխիթարյանի` Բաքու չմեկնելու որոշումը։ Եվրոպա լիգայի եզրափակչին չմասնակցելու մասին ֆուտբոլիստն ասել է մարզման ժամանակ, և թիմակիցները ողջունել են դա, ինչը հայտնվել է տեսախցիկների օբյեկտիվներում։
Henrikh Mkhitaryan tells his Arsenal team-mates he won't be playing in the Europa League final – and every single one applauded. 👏👏👏 pic.twitter.com/uXLxFjQqSe
— The Sun Football ⚽ (@TheSunFootball) May 21, 2019
Մխիթարյանի այս քայլին ըմբռնումով է մոտենում նրա մարզիչը․ ասում է՝ իր երկիրն էլ քաղաքական խնդիրներ ունի, և այդ պայմաններում Մխիթարյանի անձնական, ընտանեկան որոշման հարց է՝ մեկնել Ադրբեջան, թե ոչ։
«Այսօր առավոտյան ես խոսեցի Հենրիխ Մխիթարյանի հետ, դա շատ անձնական որոշման հարց է։ Հստակ է, որ նա ուզում է օգնել մեզ, խաղալ թիմի հետ։ Բայց խոսեցինք և՛ Մխիթարյանի, և՛ նրա ընտանիքի հետ ու որոշեցինք, որ նա չի գա մեզ հետ։
Ես ինքս Բասկերի երկրից եմ, և այնտեղ նույնպես մեծ քաղաքական խնդիր կա։ Մեր այդ խնդիրը լուծվել է ընդամենը 5-6 տարի առաջ, և ես կարող եմ հասկանալ Մխիթարյանի որոշումը։ Այն շատ անձնական ու ընտանեկան հարց է, և դա նաև երկրի հարց է․ ես չեմ կարող նրան ստիպել գալ մեզ հետ, քանի որ հարգում եմ նրան։
Ինձ համար շատ կարևոր է, որ նա մեզ հետ լինի և օգնի իր կարողություններով, իր որակներով, բայց այս խնդրի լուծումն ինձնից կախված չէ։ Եվ ես 100 տոկոսով հարգում եմ նրա որոշումը»,- ասել է «Արսենալի» մարզիչ Ունաի Էմերին։
Այս ամենը զայրույթ է առաջացնում նաև թիմի ղեկավարության մոտ։ Բայց զայրույթն ուղղված է ոչ թե Մխիթարյանին, այլ ՈՒԵՖԱ-ին, որի որոշմամբ էլ լիգայի եզրափակիչն անցկացվում է հենց Բաքվում։ Թիմի մարզական տնօրեն Վինայի Վենկատեշամն ասել է, որ թեև իրենք արդեն որոշակիորեն արտահայտել են իրենց դժգոհությունը, բայց պատրաստվում են ՈՒԵՖԱ-ի ներկայացուցիչների հետ նստել սեղանի շուրջ ու իրենց զայրույթը հայտնել նրանց։
«Մենք հասկանում ենք, որ Մխիթարյանը չի կարողանա մեկնել Բաքու, և դա շատ տխուր փաստ է: Ամեն օր չէ, որ կարող եք եվրոպական խոշոր եզրափակիչ խաղի հնարավորություն ունենալ: Իսկ Մխիթարյանը ստիպված է բաց թողնել այդ խաղը, և դա ամոթ է»,- ասել է թիմի ներկայացուցիչը։
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
