18:05 21.05.2019
Հացադուլի և ինքնավնասման դեպքերի թվով առաջին տեղում է «Նուբարաշեն» ՔԿՀ-ն. այս մասին այսօր ասել են քրեակատարողականներում վերահսկողություն իրականացնող հասարակական դիտորդների խմբի նախագահն ու ներկայացուցիչները:
Ըստ դիտորդների՝ 2018 թվականին հացադուլ է հայտարարել 201 մարդ, ինքնավնասում է իրականացրել 612-ը: Հասարակական խմբի անդամներն այն համոզմանն են, որ դեպքերն ավելացել են նաև Հայաստանում կատարված փոփոխությունների պատճառով: Մարդիկ նորի հետ կապված հույսեր ու ակնկալիքներ ունեն և այդկերպ հիշեցնում են իրենց մասին:
Ընդհանուր առմամբ՝ դժգոհությունների մեծ մասը վերաբերում է բուժսպասարկմանը: 2018 թվականին 43 ահազանգ է եղել: Արդարադատության նախարարության ներկայացուցիչները, որոնք մասնակցել են ասուլիսին, ասել են, որ «Քրեակատարողական բժշկության կենտրոն» ՊՈԱԿ ունենալու գործընթացն ընթացքի մեջ է, իսկ ՔԿՀ-ներում բուժանձնակազմի համալրման ուղղությամբ որոշակի աշխատանքներ տարվում են:
«ՔԿՀ-ներում, իրոք, առկա են մի շարք խնդիրներ: Դրա հաշվառմամբ է, որ մենք նախաձեռնեցինք բժշկական օգնության և սպասարկման ոլորտի բարեփոխումները: Մի շարք վերապատրաստումների հետ կապված միջոցառումներ են իրականացվել»,- այսօր հրավիրված ասուլիսի ժամանակ ասել է ՀՀ ԱՆ քրեակատարողական քաղաքականության մշակման բաժնի պետ Արփի Սարգսյանը:
ԱՆ ներկայացուցիչը նաև ասել է, որ այսօր դատապարտյալների կողմից որոշակի անվստահություն կա բուժանձնակազմի նկատմամբ: Նրանք ևս դիտարկվում են որպես ՔԿՀ ծառայողներ: Հենց այդ հանգամանքը հաշվի առնելով է նախաձեռնվել «Քրեակատարողական բժշկության կենտրոն» ՊՈԱԿ-ի ստեղծումը:
«Պետք է նշեմ, որ ՊՈԱԿ-ը դեռևս փաստացի իր գործունեությունը չի ծավալում: Այդուհանդերձ, ՊՈԱԿ-ի ստեղծման փաստաթղթերն ուժի մեջ են մտել: Հաշվի առնելով, որ ՊՈԱԿ-ի բավարար չափով գործարկման համար մեզ ֆինանսական միջոցներ են անհրաժեշտ, մի փոքր հետաձգեցինք, որպեսզի կարողանանք հայթայթել այդ միջոցները»,- հավելել է Արփի Սարգսյանը:
Ինչ վերաբերում է հարցին, թե ինչ կարգավիճակ պետք է ունենան ՊՈԱԿ-ի աշխատակիցները, ԱՆ ներկայացուցիչն ասել է հետևյալը.
«ՊՈԱԿ-ի աշխատակիցները, բնականաբար, քրեակատարողական ծառայողներ չեն համարվելու: Դա անկախության որոշակի խնդիրներ կարող է առաջացնել և առաջացրել է պրակտիկայում: ՊՈԱԿ-ի բժիշկներն անկախ են լինելու քրեակատարողական ծառայությունից և չեն ունենալու քրեակատարողական ծառայողի կարգավիճակ: Այս պահին քննարկվում է, թե ինչ ծավալով սոցիալական երաշխիքներ պետք է նրանց տրամադրվեն»:
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
