Ամենասեքսուալ ֆուտբոլիստը, Մադրիդի Սուրբը. այսօր ծնվել է Իկեր Կասիլյասը

Իսպանիայի գավաթ, սուպերգավաթ, և ոչ մեկ անգամ: Հաղթանակ Չեմպիոնների լիգայում, Եվրոպայի և աշխարհի առաջնություններում։ Ֆուտբոլի պատմության մեջ լավագույն դարպասապահներից մեկը:
 Իկեր Կասիլյաս, նույն ինքը Սան Իկեր, Սուրբ Իկեր, Մադրիդի Սուրբ։

«Մի զույգ ձեռնոց ունեի. հորաքույրս էր նվիրել։ Ամառ-ձմեռ դարպասապահի այդ ձեռնոցներով էի շրջում: Դպրոց գնալիս էլ առանց լացելու չէի բաժանվում դրանցից»:

Մանկության տարիներին տղային բախտ վիճակվեց լինել «Բեռնաբեու» մարզադաշտում և հետևել Մադրիդի «Ռեալի» հանդիպումներից մեկին: Ինչպես հետո ինքն էր նշում՝ դրանք իր մանկության ամենավառ պահերն էին:

Հայրը, նկատելով տղայի տաղանդը, ոչ մեծ հույսերով նրան տարավ Մադրիդի «Ռեալի»  ֆուտբոլային ակադեմիա: Սակայն Իկերը հաջողությամբ հաղթահարեց ուժեղ մրցակցությունը և ընդունվեց ակադեմիա: Այդ ժամանակ նա 8 տարեկան էր, և Իկերի ճանապարհը դեպի մեծ ֆուտբոլ սկսված էր:

Կասիլյասը 11 տարեկան էր, երբ հայտնվեց Վիսենտե դել Բոսկեի թիմում: Տղան աչքի էր ընկնում իր տաղանդով և աշխատասիրությամբ, իսկ դա չնկատելն անհնար էր: Շուտով եկավ նաև երազանքի իրականանալու ժամանակը:

Դա 1997 թվականի նոյեմբերն էր, Իկերը 16 տարեկան էր և նրան հրավիրեցին Մադրիդի «Ռեալի» գլխավոր թիմ: Այդ մասին Իկերին հայտնեց  քոլեջի տնօրենը, և նա դպրոցից միանգամից ուղևորվեց օդանավակայան՝ դեպի Նորվեգիա՝ դեպի մեծ ֆուտբոլ:

Առաջին անգամը

Առաջին անգամ նա Մադրիդի «Ռեալի» գլխավոր թիմի դարպասը պահեց 1999 թվականի սեպտեմբերի 12-ին։ Խաղն ավարտվեց 2-2:
Կասիլյասից շատ քիչ ժամանակ պահանջվեց ՝ այստեղ էլ դառնալու առաջինն ու անփոխարինելին:

Ամենաերիտասարդը

2000 թ.-ին Կասիլյասը դարձավ ամենաերիտասարդ դարպասապահը, որը երբևէ խաղացել է Չեմպիոնների լիգայի եզրափակչում, երբ Մադրիդի «Ռեալը» հաղթեց «Վալենսիային» 3-0 հաշվով։ Այդ խաղից ընդամենը չորս օր առաջ Կասիլյասը դարձել էր 19 տարեկան։

Իկերը 2 անգամ հաղթել է Եվրոպայի առաջնությունը, մեկ անգամ՝ աշխարհի:

«Ամեն անգամ քնելուց առաջ ես մտածում եմ, թե ինչպես եմ անցկացրել օրս: Չեմ կարողանում քնել, երբ գոլ եմ բաց թողնում: Փոքրուց ինձ սովորեցրել են հաղթել: Անգամ եթե հաղթում ենք 5:1 հաշվով, մրցակցի խփած այդ միակ գոլն ինձ սպանում է»:

Մադրիդի Սուրբը

Իսպանացիները Կասիլյասին «Սուրբ» մականունը  տվեցին 2002 թվականին Իռլանդիայի դեմ հրաշալի և տպավորիչ խաղից հետո: Եվ միայն Ժոզե Մոուրինյոյի որոշմամբ 10 տարվա ընթացքում առաջին անգամ Սուրբ Իկերը պահեստայինների նստարանին էր նստելու: 2012-ի դեկտեմբերի 22-ին էր՝ «Ռեալի» տարեվերջյան հանդիպմանը:

Մարզչի հետ ունեցած հակամարտությանը գումարվեց անսպասելի վնասվածքը, որին հաջորդեց ապաքինման ծանր 8 ամիսը:

  «Ես չեմ պատրաստվում հեռանալ «Մադրիդից»: Ես կվերանվաճեմ իմ տեղը: Ես հավատում եմ»:

Սակայն ճակատագիրն ու ղեկավարներն այլ պլաններ ունեին:

Մադրիդից Պորտուգալիա
2015 թվականի հուլիսի 11-ին Կասիլյասը պորտուգալական թիմի անդամ էր։

DORTMUND, GERMANY – OCTOBER 24: Goalkeeper Iker Casillas of Madrid looks dejected during the UEFA Champions League group D match between Borussia Dortmund and Real Madrid CF at Signal Iduna Park on October 24, 2012 in Dortmund, Germany. (Photo by Boris Streubel/Getty Images)

Ավելի քան 500 խաղ, բազմաթիվ հետ մղած գնդակներ, հարյուրավոր հաղթանակներ ու նվաճումներ թողնելով Մադրիդում, հրաժեշտ տալով Սանտյագո Բեռնաբեուին և միլիոնավոր երկրպագուների, Մադրիդի Սուրբը լքեց Մադրիդը:

Ամենասեքսուալ ֆուտբոլիստ

Կասիլյասը 4 տարի  հանդիպում էր «Միսս Իսպանիա 2003» Եվա Գոնսալեսի հետ:

Հաջորդ սիրավեպը մոդել Ադրիանա Արտինեսի հետ էր, բայց այն կարճատև էր:

Երրորդ սիրավեպի մասին հանրությունն իմացավ Եվրո 2012-ի խաղերից հետո, երբ ուղիղ եթերում ֆուտբոլիստը համբուրեց սպորտային լրագրող Սառա Կարբոներոյին և վերջում էլ ավելացրեց՝ կհանդիպենք տանը:

Իկերն ու Սառան հանդիպում են 2009 թվականից: Երբ Իսպանիան Կոնֆեդերացիայի գավաթի կիսաեզրափակիչը պարտվելուց հետո լրագրողը հարցազրույց վերցնելիս Կասիլյասին և ամբողջ թիմին մեղադրեց վատ խաղի մեջ:

Նրանք ամուսնացան 2016 թվականի մարտի 20-ին՝ իսպանական Բոադիլիա-դել -Մոնտե քաղաք-պետությունում՝ փոքրաթիվ հյուրերի մասնակցությամբ, որոնց մեջ էր նաև նրանց առաջնեկը՝ 2-ամյա Մարտինը:

2016 թվականին Իկերի և Սառայի աստղային ընտանիքը համալրվեց ևս մեկով՝ ծնվեց Լուկասը, նրանց երկրորդ որդին:

Խորհուրդ Կասիլյասից

«Ճակատագիրը մեզ տարբեր իրավիճակների մեջ է դնում, բայց,  ի վերջո, միայն Դուք պետք է դուրս գաք այդտեղից: Ամեն ինչ կախված է ՄԻԱՅՆ ՁԵԶԱՆԻՑ»: