«Գահերի խաղը» ավարտվեց. բացահայտումներ և հետաքրքիր փաստեր հեռուստասերիալի մասին – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.22
  • RUBLE
    4.63
  • 431.28
WEATHER
+19.09 oC

«Գահերի խաղը» ավարտվեց. բացահայտումներ և հետաքրքիր փաստեր հեռուստասերիալի մասին

19:12 20.05.2019

«Գահերի խաղ» հեռուստասերիալի եզրափակիչ եթերաշրջանի վերջին սերիան արդեն ցուցադրվել է: SHANTNEWS.am-ը մի շարք ռեկորդներ գրանցած սերիալի մասին մի քանի հետաքրքիր փաստ է ներկայացնում:

Եվ սկսվեց…

Երբ ամերիկացի գրող Ջորջ Մարտինը դեռ 1996թ. հրատարակեց իր «Սառույցի և կրակի երգ» ստեղծագործությունը, չէր էլ ենթադրում, որ տարիներ անց ու տարիներ շարունակ, այն լինելու է ամենապահանջված գրքերից մեկը: Վաճառքի առաջին իսկ օրից այն այնքան սիրվեց ամերիկացիների կողմից, որ ընդամենը 2 ամիս անց տարբեր կինոարտադրողներ հեղինակին առաջարկում էին գնել էկրանավորման իրավունքը: Ամեն մի նոր հրատարակության հետ գիրքն ավելի պահանջված էր դառնում, հեղինակը՝ ավելի հայտնի:

Ֆիլմի կարևորագույն սյուժետային գծերը պատմում են միջնադարյան Եվրոպան հիշեցնող աշխարհում մի քանի իշխանական տոհմի մրցակցությունից սկսված քաղաքացիական պատերազմի, տապալված արքայական դինաստիայի ներկայացուցչի` իշխանությունը վերականգնելու փորձերի ու ողջ մարդկությանը սպառնացող գերբնական ուժի և դրան դիմակայող մարտիկների մասին:

Գիրքը էկրաններին

Գիրքը էկրաններին հայտնվեց ամերիկյան HBO հեռուստաալիքի շնորհիվ: Առաջին եթերաշրջանի պրեմիերան 2011 թվականի ապրիլի 17-ին: Ֆիլմի վարկանիշը գերազանցեց գրքի վարկանիշը: Սերիալն ամերիկյան հեռուստատեսության պատմության մեջ ամենաթանկարժեք նախագիծն է համարվել` արժանացել է ռեկորդային 38 փրայմթայմ «Էմմի» մրցանակի, այդ թվում` երկու տարի անընդմեջ՝ «Լավագույն հեռուստադրամա» անվանակարգում, և չորս անգամ առաջադրվել «Ոսկե գլոբուսի»՝ որպես «Լավագույն հեռուստադրամա»:

Նկարահանումները

Նկարահանումները տեղի են ունեցել Հյուսիսային Իռլանդիայում, Խորվաթիայում, Իսլանդիայում, Մարոկկոյում, Իսպանիայում, Մալթայում, Շոտլանդիայում և ԱՄՆ-ում։

Դերասանները

Սերիալում նկարահանվող դերասանների մեծ մասը Ջորջ Մարտինի հեղինակած գիրքը դիտավորյալ չի կարդացել: Նրանք չեն ցանկանում նախապես տեղեկանալ, թե ինչ ճակատագիր է սպասվում իրենց կերպարներին` այդկերպ խաղը դարձնելով ավելի բնական:

Արիա Սթարք

Սերիալում ամենասիրված կերպարներից մեկին՝ Արիա Սթարքին, մարմնավորող դերասանուհու համար «Գահերի խաղը» սերիալը դեբյուտային էր: Մեյսի Ուիլյամսը նախկինում երբեք չէր նկարահանվել: Եվ նա իր դերին շատ պատասխանատվությամբ էր վերաբերում: Օրինակ` գրքում նրա մարմնավորած հերոսուհին ձախլիկ է, իսկ ինքը՝ աջլիկ, բայց որպեսզի ավելի մոտ լինի իր կերպարին, առանց ռեժիսորների պարտադրանքի, նա մարզվում էր ձախ ձեռքով:

Ջոֆրի Բարատեոն

Ջեք Գլիսոնը, ով մարմնավորում էր Ջոֆրի Բարատեոնին, իր մարմնավորած կերպարի մահից հետո գրքի հեղինակից նամակ է ստացել. «Շնորհավորում եմ քեզ հրաշալի խաղի համար, քեզ բոլորը ատում են»:

Սերսեա Լաննիստեր

The Independent հանդեսում հրապարակել են սերիալային 35 գլխավոր չարագործ կերպարներին: Չար կերպարների վարկանշային ցուցակը գլխավորում է «Գահերի խաղի» Սերսեա Լաննիստերը, որին մարմնավորում է Լենա Հիդին: Նշվում է, որ Սերսեա Լաննիստերի կերպարի արարքներն անհանգստության մեջ են պահել նույնիսկ ամենահանգիստ մարդկանց: Դրանից բացի` նույն կադրում Սերսեայի հետ հայտնված հերոսների կյանքը գրեթե միշտ վտանգի տակ է եղել:

Լեզուն

Ֆիլմում օգտագործվող դոթրակերենը ստեղծվել է հենց այս հեռուստասերիալի համար. այն ներկայումս ավելի քան 3000 բառ ունի։ Լեզվի ստեղծման համար օգտագործվել են ռուսերենը, թուրքերենը, էստոներենը։

Միլիոնատերերը Վեսթերոսից

2014-ին, երբ սերիալն արդեն պաշտամունքային էր, Քիթ Հարինգտոնը, որը մարմնավորում է Ջոն Սնոուին, մեկ դրվագի համար ստանում էր 300.000 դոլար: Արդյունքում 5-րդ և 6-րդ եթերաշրջանների ընթացքում դերասանը վաստակել է 6 մլն դոլար: Իսկ արդեն 7-րդ և 8-րդ սեզոնի ընթացքում Քիթ Հարինգտոնը մեկ էպիզոդի համար ստացել է 500.000 դոլար: Ամբողջ սերիալի ընթացքում Հարինգտոնը վաստակել է 12,5 մլն դոլար:

Քիթ Հարինգտոնին եկամուտով չի զիջում Լինա Հիդին: Սկզբում նա նկարահանվում էր մեկ էպիզոդի համար՝ 300.000 դոլարով: Իսկ վերջին եթերաշրջանում արդեն 1 սերիայի համար նա ստացել է 500.000 դոլար: Այսպիսով, «Գահերի խաղը» սերիալի ընթացքում նա վաստակել է 20 մլն դոլար:

Սերիալի շնորհիվ միլիոններ է վաստակել նաև ամենավառ կերպարներից մեկը՝ Տիրիոն Լանիստերին մարմնավորող Փիթեր Դինքլեյջը, ով սերիալում նկարահանվելու համար ընտրվել էր առանց քասթինգի: Նա ևս ամեն մի դրվագի համար ստացել է 500.000 դոլար: Իսկ ընդհանուր վաստակել է 12,5 մլն դոլար:

Սերիալային մյուս միլիոնատերը Էմիլիա Կլարկն է՝ վիշապների մայրը, 12,5մլն դոլար ընդհանուր եկամուտով: Վերջին եթերաշրջանի համար նա ևս ամեն մի սերիայի համար ստացել է 500.000 դոլար:

Վերջին եթերաշրջանի նկարահանումներից առաջ Ջեյմի Լաննիստերին մարմնավորող Նիկոլայ Կոստեր-Վալդաուն ևս բանակցել է հոնորարի փոփոխման համար, արդյունքում` այսօր նա իր հաշվին ունի 16 մլն դոլար:

8-րդ եթերաշրջան

8-րդ եթերաշրջանի նկարահանումներն ավարտվել էին 2018թ. հուլիսի սկզբին։ Վերջին եթերաշրջանը բաղկացած է 6 էպիզոդից, որոնցից յուրաքանչյուրի համար HBO հեռուստաալիքը ծախսել է ռեկորդային` 15 միլիոն դոլար:

Ի դեպ, վերջին եթերաշրջանի երրորդ սերիայում նկարահանած էպիկական մարտի նկարահանումը տևել է 55 գիշեր, այսինքն` 11 շաբաթ՝ 3 տարբեր տեղանքում: Մինչ այդ սերիալի պատմության մեջ ամենաժամանակատար նկարահանումը եղել են 6-րդ եթերաշրջանի «Բաստարդների ճակատամարտը» և 7-րդ եթերաշրջանի «Ռազմական պարգևներ» էպիզոդները. այդ երկու էպիզոդների նկարահանումները  1 ամսից ավելի են տևել:

Հետաքրքիր է

1. Երևի շատերդ կհիշեք, թե ինչպես էր հղի Դեյներիսը Խալ Դրոգոյի ներկայությամբ ուտում ձիու սիրտ: Տեսարանը տպավորիչ էր ու սարսռացնող, մինչդեռ դերասանուհու համար այն բավական ախորժելի էր: Դեյներիսը ձիու սրտի փոխարեն այդ տեսարանի ընթացքում կերել է 1,5 կգ մարմելադ:

2. Ձիերի վրա նստած դերասանների զենքերը պատրաստված են բամբուկից և ռեզինից և ոչ մի մետաղական հատված: Եվ դա միայն այն բանի համար, որ պատահաբար չվնասեն կենդանիներին:
3. Նախկինում սերիալի ստեղծողները վաճառում էին Երկաթե գահի կրկնօրինակները՝ 20.000 ֆունտ-սթերլինգ արժեքով: Կրկնօրինակներն իրենց չափսերով չէին զիջում բնօրինակին՝ բարձրությունը 2 մետր, քաշը՝ 159 կգ:

4. Երկու տարի առաջ «Սիմփսոնների» ընտանիքի մասին պատմող անիմացիոն սերիալում հատուկ թեմատիկ էպիզոդում կանխատեսվել է «Գահերի խաղը» հեռուստասերիալի ավարտը: 2017-ին հրապարակված էպիզոդը կոչվում է «Սերֆսոններ», որը անիմացիոն սերիալի 29-րդ եթերաշրջանից է: Այդ սերիայում ներկայացվում է, թե ինչպես է վիշապներից մեկը հրո ճարակի մատնում քաղաքը, ու միևնույն ժամանակ Սիմփսոնների ընտանիքը ամրոցից հետևում է այդ ընթացքին:

5. Երգիչ, երգահան, System Of a Down հայտնի ռոք խմբի մենակատար Սերժ Թանկյանը գրառում է կատարել իր թվիթերյան էջում՝ հայտնելով «Գահերի խաղը» հեռուստասերիալի կոմպոզիտոր Ռամին Ջավադիի հետ համագործակցության մասին։


 

Եվ վերջում …

Rolling Stone-ի հետ հարցազրույցում գրքի հեղինակ Ջորջ Մարտինը հայտարարել է, որ սերիալի ստեղծողները բաց են թողել սյուժետային շատ կարևոր դրվագներ, որոնց հիման վրա կարելի է նկարահանել հեռուստասերիալի ևս մի քանի սեզոն: Այս ամենով հանդերձ, պրոդյուսերներ Դեյվիդ Բենիոֆն ու Դենիել Բրետ Ուայսը որոշել են, որ 8-րդ սեզոնը կլինի վերջինը:

Հեղինակը չի բացահայտել, թե արդյոք սերիալի ավարտը և գրքի ավարտը նման լինելու են՝ կոչ անելով.

«Երբ կհրատարակվեն իմ գրքի հաջորդ երկու հատորները, այդ ժամանակ դուք ստիպված այն կկարդաք և կիմանաք այս հարցի պատասխանը»:

Ի դեպ, մինչև 8-րդ եթերաշրջանի 6-րդ սերիայի ցուցադրությունը Ջորջ Մարտինը նույնպես չգիտեր, թե ինչպես է ավարտվելու սերիալը:

«Ինչ-որ առումով կռահում եմ, որ հիմնական պատմության հանգուցալուծումը կլինի այն, ինչ ես մոտ 5-6 տարի առաջ ասել եմ պրոդյուսերներին»:

Բոլոր լուրերը

Կապակցված լուրեր

Գևորգ Պապոյանն ու Նուբար Աֆեյանը քննարկել են Հայաստանի ներդրումային միջավայրի բարելավման և գրավչության բարձրացման վերաբերյալ հարցեր

16:50 04.04.2025

Գևորգ Պապոյանն ու Նուբար Աֆեյանը քննարկել են Հայաստանի ներդրումային միջավայրի բարելավման և գրավչության բարձրացման վերաբերյալ հարցեր

ՀՀ էկոնոմիկայի նախարար Գևորգ Պապոյանն այսօր ընդունել է հայազգի գործարար և բարերար Նուբար Աֆեյանին: Հանդիպմանը ներկա է եղել նաև նախարարի տեղակալ Լիլյա Սիրականյանը։ Հանդիպման ընթացքում քննարկվել են պետություն-մասնավոր հատվածի արդյունավետ համագործակցության շրջանակներում մասնավոր ներդրումային ֆոնդ ստեղծելու հայեցակարգը, ինչպես նաև Հայաստանի ներդրումային միջավայրի բարելավման և գրավչության բարձրացման վերաբերյալ հարցեր։ Նախարարը նշել է, որ որ ներդրումները կարող […] ...

Գեղարքունիքի մարզի պարեկներն ապօրինի թմրաշրջանառության դեպքեր են բացահայտել

16:42 04.04.2025

Գեղարքունիքի մարզի պարեկներն ապօրինի թմրաշրջանառության դեպքեր են բացահայտել

Հանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...

Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացում

16:36 04.04.2025

Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացում

ԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...

Ալեքսանդր Օվեչկինը NHL-ում նետել է 891-րդ տափօղակը

16:33 04.04.2025

Ալեքսանդր Օվեչկինը NHL-ում նետել է 891-րդ տափօղակը

Հոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...

Ռյուտե. ԱՄՆ-ը կշարունակի զենք մատակարարել Ուկրաինային

16:27 04.04.2025

Ռյուտե. ԱՄՆ-ը կշարունակի զենք մատակարարել Ուկրաինային

ՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...

Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել է

16:24 04.04.2025

Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել է

ՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...

BACK_TO_TOP