11:41 16.05.2019
ՀՀ կրթության և գիտության փոխնախարար Արևիկ Անափիոսյանը կառավարության մայիսի 16-ի նիստում խոսեց Երևանի պետական հանրակրթական դպրոցներում առաջին դասարանցիների հերթագրման առցանց համակարգի մասին, որը գործարկվել է մայիսի 15-ին՝ ժամը 9:00-ին: Երեկ համակարգի գործարկման հետ կապված խնդիրներ կային, ինչը քննադատությունների հիմք դրեց: Անափիոսյանն անդրադարձավ գրանցված խնդիրներին:
«Փորձել են գրանցվել, կա համակարգ, որը փորձում է կանխատեսել, որ գուցե սա ռոբոտ է, որ փորձում է տվյալ ՀԾՀ-ով գրանցվել, դրա համար առաջին գրանցված IP-ից բացի, մյուսները բլոկավորվել են: Էջը թարմացնելուց հետո հինգ րոպեից բլոկը բացվում է: Այդ մասով ուզում եմ ասել, որ մենք ունենք դպրոցներ, որտեղ 9:10-ի դրությամբ բոլոր տեղերն արդեն լցված են եղել, սակայն այդ դպրոցներից օրվա ընթացքում 1-2 բողոք է եղել, որ համակարգի տեխնիկական խնդիրների պատճառով չեն կարողացել գրանցվել»,- ասաց նա:
Անափիոսյանը հայտնեց նաև, որ կան դպրոցներ, որոնք նույն ժամանակահատվածում դեռ 4 տեղ ունեն, ասաց՝ վերլուծությունը ցույց է տալիս, որ տեխնիկական խնդիրների պատճառով բողոք ներկայացրած անձանց շուրջ 80 տոկոսը մեկ դպրոցի մասով է:
«Այսինքն՝ մեկ դպրոցի համար մենք ունենք ամբողջ տեխնիկական խնդիրների 80 տոկոսը, մենք այդ բոլոր տեխնիկական խնդիրներն առանձին, յուրաքանչյուրն ուսումնասիրում ենք, որ հասկանանք՝ ինչով են պայմանավորված այդ խնդիրները, որոնց մենք անհատական, յուրաքանչյուր ուսումնասիրություններից հետո լուծումներ կտրամադրենք»,- ասաց փոխնախարարը:
ՀՀ փոխվարչապետ Տիգրան Ավինյանը փորձեց ճշտել՝ ո՞ր տոկոսն է խափանվել, քանի որ տպավորություն է, որ բավական լուրջ քանակ է եղել:
«Եթե նայում ենք, տոկոսային հարաբերակցությամբ, 0․7 տոկոսն է, որ խնդիր է ունեցել, հնարավոր՝ կանխատեսվող առաջին դասարանցիներից 80 տոկոսն արդեն գրանցվել է, ինչը բավական լավ ցուցանիշ է: Մենք ստացել ենք բազմաթիվ շնորհակալություններ տարբեր դպրոցների և՛ ուսուցիչներից, և՛ ծնողներից, ովքեր կարողացան առանց հավելյալ անհարմարությունների, տնից դուրս չգալով՝ հայտագրել երեխաներին իրենց ցանկացած դպրոցում»,- նշեց նա:
Փոխնախարարը նաև ասաց՝ իրենք հաշվի էին առել, որ կարող են լինել դեպքեր, երբ խնամակալը չկարողանա ինքը լրացնել հայտը, ուստի կային ավագ դպրոցներ, որոնք աջակցում էին քաղաքացիներին, որ կարողանան երեխաներին գրանցել այս համակարգում:
«Սրանով վերջ տվեցինք «խնամի-ծանոթ-բարեկամ»-ով դպրոցում գրանցելու համակարգին, դրեցինք թափանցիկ ու հաշվետու մի համակարգ, որը նաև մշակույթ կփոխի»,- ասաց Անափիոսյանը:
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
16:15 04.04.2025
Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորություններըՓոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...
