23:43 15.05.2019
Եվրոպա լիգայի՝ Բաքվում անցկացվելիք եզրափակչի ժամանակ «Արսենալի» հայ կիսապաշտպան Հենրիխ Մխիթարյանի մասնակցության համար առաջ քաշված պայմանները կատարելու համար Ադրբեջանն ունի 24 ժամ ժամանակ։ Եթե անվտանգության հավելյալ միջոցներ չձեռնարկվեն, հայ ֆուտբոլիստը չի մեկնի Ադրբեջանի մայրաքաղաք։
Իսկ ինչպիսի՞ պայմաններ են դրվել Բաքվի առաջ։ Լոնդոնի թիմը չի բավարարվել Բաքվի անվտանգության ներկա վիճակով ու պահանջել է լրացուցիչ միջոցներ ձեռնարկել։ Ադրբեջանի իրավապահ համակարգը լրացուցիչ անձնակազմեր պետք է տեղակայի մայրաքաղաքում՝ այն ճանապարհներին, որտեղով անցնելու է «Արսենալի» թիմը։ Լրացուցիչ քանակով իրավապահներ պետք է շրջեն նաև թիմին հյուրընկալող հյուրանոցի մոտ։ Այս ամենն արվելու է Մխիթարյանի ազատ տեղաշարժն ապահովելու համար։
«Արսենալը» արտագնա խաղերին սովորաբար մեկնում է սեփական անվտանգության անձնակազմով, սակայն այս անգամ դա բավարար չեն համարել թիմում։ Նրանք արդեն մեկ անգամ հայտարարել են, որ Բաքվից պատշաճ երաշխիքներ չեն ստացել, որ անվտանգությունը կլինի բարձր մակարդակի վրա։
Իսկ Եվրոպա լիգայի եզրափակչին մնացել է երկու շաբաթ։ Այն անցկացվելու է մայիսի 29-ին։
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
