15:04 08.05.2019
ԱԺ-ի մայիսի 8-ի նիստում քննարկվել է «Մի շարք վարչական իրավախախտումների և պետական տուրքի համար կիրառված տույժերի համաներման մասին» օրենքի նախագիծը, որը ներկայացրեց ՀՀ տրանսպորտի, կապի և ՏՏ նախարար Հակոբ Արշակյանը:
Նախագծով նախատեսվում է վարչական իրավախախտում կատարած անձանց ազատել մինչև 2018թ. օգոստոսի 31-ը Վարչական իրավախախտումների վերաբերյալ ՀՀ օրենսգրքի 150.3 հոդվածով և 137.2 հոդվածի 7-րդ մասով նախատեսված վարչական իրավախախտում կատարելու համար նախատեսված տուգանքի գումարը կամ դրա չվճարած մասը վճարելու պարտավորություններից:
«Այս մասը վերաբերում է բեռնատար մեքենաներին, որոնց նկատմամբ որոշակի ժամանակով կիրառվել էին սպոնտան տուգանքներ անցած տարի, և բեռնատար մեքենաների վերաբերյալ նոր օրինագիծ է մշակվել ու հավանության արժանացել ԱԺ-ում, այն ևս վերաբերում է նույն հարցին: Խոսքն առանց թույլտվության շատ բեռնվածքով մեքենաների երթևեկության մասին է»,- պարզաբանեց նախարարը:
Օրինագծի երկրորդ մասով առաջարկվում է տաքսի մեքենաներով ուղևորափոխադրումներ իրականացնելու նպատակով լիցենզիա ստանալու համար մինչև 2019թ. հունվարի 1-ը «Պետական տուրքի մասին» ՀՀ օրենքի 19, 15.5 և 15.6 կետերով նախատեսված պետտուրքի գծով պարտավորություններ ունեցող անձանց ազատել պետական տուրքի չվճարման համար հաշվարկած տույժերի վճարումից, եթե սույն օրենքը ուժի մեջ մտնելուց հետո մարվի եռամսյա ժամկետում պետական տուրքի մայր գումարը:
«Այստեղ երկու մաս կա. մեկը վերաբերում է առանց լիցենզիայի տաքսի մեքենաների շահագործման տույժերին: Մի պահ, եթե հիշում եք, տեսչությունը բոլոր տեսախցիկներով ֆիքսում էր այդ մեքենաներին և տուգանքների էին ենթարկվում: Այստեղ նաև իրավաչափության մաս կար, որ վիճարկելի է և այսպիսի տույժերի մեծ մասը կա´մ չեղարկվել է, կա´մ դատարաններ են գնացել՝ ծանրաբեռնելով դատարաններին և հաղթել են, երկրորդ, երբ լիցենզիան ստացվել է, բայց տուրքը չի վճարվել, այդ խմբին առաջարկում ենք վճարել տուրքը և ազատվել տույժ ու տուգանքներից, որ հետագայում առաջացել են»,- պարզաբանեց Հակոբ Արշակյանը:
Նախագծով նախատեսվում է ներել մոտ 681 մլն դրամի պարտավորություն:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
