14:22 04.05.2019
Քաղաքագետ Լևոն Շիրինյանը լրագրողների հետ հանդիպման ժամանակ, անդրադառնալով մայիսի 1-3-ն Ադրբեջանում անցկացված «Մուստաֆա Քեմալ Աթաթուրք 2019» խորագրով թուրք-ադրբեջանական համատեղ մարտավարական զորավարժություններին, ասաց, որ զորավարժություններին այդ անվանումը տված հեղինակները պետք է ասեին՝ «Քեմալ Աթաթուրք Լենին» զորավարժություններ, որովհետև, ըստ նրա, դրանց ակունքում, ըստ էության, 1920 թվականի ռուս-թուրքական սիրախաղերն էին, որի ստորագույն օղակը եղել և մնում է հայ բոլշևիզմը: Բանախոսի խոսքով՝ այս զորավարժություններն աննախադեպ էին:
«Ինչքան ես եմ հիշում, երբեք բաց հայտարարված նման կարգի զորավարժություն թյուրքական երկու պետությունների միջև Արցախի հայկական տարածքի շուրջ և Իրանի հարևանությամբ տեղի չի ունեցել: Երբ այդ վիճակը եղել է Առաջին համաշխարհային պատերազմի տարիներին, գոնե մենք՝ հայերս և պարսիկները, լավագույն ձևով դրան դիմակայել ենք և արդյունքներ ունեցել ենք: Մոսկվայի 21 թվականի պայմանագիրը պիտի ուսումնասիրվի: Ուսումնասիրվի ոչ միայն հետազոտողի կողմից, այլ արտգործնախարարությունը պետք է աշխատի այդ փաստաթղթի ուսումնասիրության հիմքի վրա, ոչ միայն հասկանա օրենքի տառը, այլև առկա գեոքաղաքական ենթատեքստը»,-ասաց Շիրինյանը:
Քաղաքագետը ենթադրում է, որ Հայաստանի պաշտպանության նախարարությունը շտապ կոնսուլտացիաների մեջ է ՌԴ-ի հետ, քանի որ կարծում է՝ այդ դաշնագրի տրամադրությունները Թուրքիայի կողմից խախտված են:
«Դա, եթե բառացիորեն պայմանագիր չդիտենք, Այսրկովկասը ժամանակին ռուս-թուրքական ազդեցության գոտու բաժանելու մասին է: Այդ պայմանագիրը պետք է ուսումնասիրվի, և ՌԴ-ն ունի ուղիղ պարտավորություններ: Թուրքիան, մենք հանդուրժեցինք, մտավ Նախիջևան, որ չպիտի մտներ` ըստ այդ պայմանագրի: Երկու գերատեսչությունները պիտի աշխատեն ՌԴ-ի հետ՝ հետևողականորեն պահանջելով, որ կատարի ոչ միայն այսօրվա պարտավորությունները, այլև 1920 թվականի դեկտեմբերի 2-ի Երևանի համաձայնագրի 7-րդ, թե 8 -րդ կետը, ըստ որի՝ Ռուսաստանը, եթե Հայաստանը սովետականանում է, իր վրա է վերցնում Հայաստանի հանդեպ բոլոր պարտավորությունների կատարումը»,-հայտարարեց Լևոն Շիրինյանը:
Բանախոսը կարծում է՝ հեղափոխությունը որակական փոփոխություններ է պահանջում այս ոլորտում, հետևաբար` Ռուսաստանի հետ պետք է հարաբերվել արժանապատվորեն, ինչն այսօր նկատում է` միևնույն ժամանակ հայտարարելով, որ դրա համար ռեսուրսն է քիչ:
«Գեոստրատեգիական վիճակը փոխվում է` ի վնաս մեզ: Հայաստանը պետք է միջազգային դատարաններ քարշ տա այս պայմանագիրը խախտող կողմերին: Պետք է պահանջվի աշխատեցնել Երևան-Նախիջևան-Թավրիզ երկաթգիծը»,-ասաց քաղաքագետը:
Դիտարկմանն էլ, թե դա անիրատեսական է, հայտարարեց, որ հատկապես քաղաքականության մեջ ֆանտաստիկ գաղափարներն ու մտքերը կատարվում են:
15:50 04.04.2025
Մարտուն Գրիգորյանը որոշում է կայացրել․ կտա՞ քվե Վարդան ՂուկասյանինՄարտուն Գրիգորյանը որոշում է կայացրել անհրաժեշտ քանակությամբ քվե տալ Վարդան Ղուկասյանին, որպեսզի նա ընտրվի Գյումրու քաղաքապետ։ «Հարգելի գյումրեցիներ, շնորհակալ ենք Գյումրու ավագանու ընտրություններին ձեր մասնակցության համար, նախորդ օրերին ինձ ջերմ ու առանձնահատուկ ընդունելության, թիմիս աջակցելու և ‹‹Մեր քաղաքը›› դաշինքին ընտրելու համար։ Դուք տեսաք, թե ինչ կատարվեց և շարունակում է կատարվել իմ ընտանիքի անդամների և թիմակիցներիս […] ...
15:50 04.04.2025
Արմեն Ղազարյանն ընդունել է Վիետնամի հանրային անվտանգության փոխնախարարի գլխավորած պատվիրակությանըՆերքին գործերի նախարարի տեղակալ Արմեն Ղազարյանը ապրիլի 3-ին ընդունել է Վիետնամի Սոցիալիստական Հանրապետության հանրային անվտանգության նախարարի տեղակալ Չան Քուոկ Տոյի գլխավորած պատվիրակությանը: Հանդիպման ընթացքում կողմերն անդրադարձել են ներքին անվտանգության, թմրամիջոցների ապօրինի շրջանառության դեմ պայքարի, կիբեռանվտանգության, միգրացիայի և քաղաքացիության, մարդու իրավունքների պաշտպանության և մի շարք այլ հարցերի: Բարձր գնահատելով երկու երկրների միջև ձևավորված համագործակցությունը՝ Արմեն Ղազարյանը […] ...
15:40 04.04.2025
Հայտնի է Պարույր Հովհաննիսյանի աշխատանքից ազատման պատճառըՀայաստանի արտաքին գործերի նախարարի տեղակալ Պարույր Հովհաննիսյանն աշխատանքից ազատվել է՝ այլ պաշտոնի անցնելու նպատակով: «Արմենպրես»-ի տեղեկություններով՝ Պարույր Հովհաննիսյանը նշանակվելու է ՄԱԿ-ում ՀՀ մշտական ներկայացուցիչ: Նշենք, որ ՄԱԿ-ում Հայաստանի մշտական ներկայացուցիչն այս պահին Մհեր Մարգարյանն է: Նա նշանակվել է 2018 թվականի օգոստոսի 13-ին: Ավելի վաղ հայտնել էինք, որ ՀՀ վարչապետի հրամանով Հայաստանի արտաքին գործերի նախարարի տեղակալ […] ...
15:32 04.04.2025
Վերականգնվել է պետությանը պատճառված 181 մլն 591 հազար դրամըՀՀ քննչական կոմիտեի Երևան քաղաքի քննչական վարչությունում քննվող առանձնապես խոշոր չափերով գույքը հափշտակելու վերաբերյալ քրեական վարույթի նախաքննությունն ավարտվել է, որի արդյունքում վերականգնվել է պետությանը պատճառված 181 մլն 591 հզր ՀՀ դրամը: Նախաքննության ընթացքում առերևույթ փաստական տվյալներ են ձեռք բերվել այն մասին, որ Կ․Ա–ն պետական մասնակցությամբ ընկերությանը սեփականության իրավունքով հանձնված տրանսպորտային միջոցները շահադիտական նպատակով հափշտակելու դիտավորությամբ՝ Ն․Հ․–ին տվել է ընկերության անունից հանդես գալու լիազորագիր: Նշված լիազորագրի հիման վրա ընկերությունն իրեն վստահված՝ օրինական […] ...
15:23 04.04.2025
Հայաստանի Հանրապետությանը կվերադարձվի Երևանի հեռուստաաշտարակին հարող տարածքի՝ շուրջ 1 միլիոն 650 հազար ԱՄՆ դոլար արժեքով հողամասըԳլխավոր դատախազության՝ պետական շահերի պաշտպանության վարչության հերթական հայցը Հակակոռուպցիոն դատարանի 2025 թվականի ապրիլի 4-ի վճռով բավարարվել է. դատական ակտն օրինական ուժի մեջ մտնելուց հետո, Հայաստանի Հանրապետությանը կվերադարձվի Երևան քաղաքի Գ.Հովսեփյան փողոցի՝ հեռուստաաշտարակին հարող տարածքի՝ շուրջ 1 միլիոն 650 հազար ԱՄՆ դոլարին համարժեք 645 միլիոն 950 հազար դրամ կադաստրային արժեքին մոտարկված շուկայական արժեքով, «անտառային նպատակային նշանակության» […] ...
15:15 04.04.2025
Հակոբ Արշակյանը կարևորել է Հայաստանի ու Վիետնամի միջև բազմոլորտ կապերի խթանումըՀՀ ԱԺ նախագահի տեղակալ Հակոբ Արշակյանն ապրիլի 4-ին ընդունել է Վիետնամի Սոցիալիստական Հանրապետության Ազգային ժողովի փոխնախագահ Ճան Քուան Ֆընին եւ Վիետնամի խորհրդարանի պատգամավորներին: Նշենք, որ հյուրերը մեր երկրում են Վիետնամի ԱԺ նախագահ Չան Թան Մանի այցի շրջանակում: Ողջունելով նման ներկայացուցչական պատվիրակության պաշտոնական այցը Հայաստան՝ ՀՀ ԱԺ փոխնախագահն արձանագրել է, որ Վիետնամի հետ մեր երկիրն ունի […] ...
