09:54 30.04.2019
Թուրքիայի պաշտպանության նախարարությունը մանրամասներ է հրապարակել ռազմական ոլորտում երկրի կարևորագույն նախագծերի վերաբերյալ։ Այս մասին հայտնում է Ermenihaber-ը։
Ըստ այդմ՝ Թուրքիայում զինվորական ծառայության նոր համակարգի ներդրման աշխատանքներն արդեն վերջին փուլում են։ Այդ նախագծի հետ կապված առաջարկները ներառվել են համապատասխան օրենքի նախագծում։ Եթե նախարարությունները համաձայնության գան այդ առաջարկների շուրջ, ապա նախագիծը կներկայացվի նախագահ Էրդողանի ստորագրմանը։
Նախարարության հայտարարության մեջ նշվում է, որ առաջին С-400 ՀՕՊ համակարգերը Թուրքիան Ռուսաստանից կստանա ընթացիկ տարվա հունիս-հուլիս ամիսներին։ Իսկ ամերիկյան F-35 ռազմական ինքնաթիռները Թուրքիա կհասնեն նոյեմբերին և կտեղակայվեն Մալաթիայում։
Նշվում է նաև, որ ամերիկյան «Patriot» համակարգերի վաճառքի վերաբերյալ ԱՄՆ-ի կողմից Թուրքիային ուղղված առաջարկը այս պահին քննարկվում է Թուրքիայի պաշտպանական արդյունաբերության վարչության կողմից։
Պաշտպանության նախարարությունը նաև անդրադարձել է 2016թ․ հուլիսի 15-ի հեղաշրջման փորձից հետո գյուլենական համայնքի դեմ սկսված ակտիվ պայքարին: Թուրքական իշխանությունները գյուլենականներին համարում են ահաբեկիչներ և անվանում «Ֆեթհուլլահական ահաբեկչական խմբավորում» (FETÖ)։ Այդ համատեքստում արձանագրվել է, որ ձախողված հեղաշրջումից մինչ օրս FETÖ-ին անդամակցության մեջ մեղադրվող 16․540 անձ հեռացվել է զինված ուժերի համակարգից: Եվս 6․154-ի գործով քննությունը շարունակվում է։
2016-2018թթ․ Թուրքիայում կիրառված «արտակարգ դրության» ռեժիմի դադարեցումից հետո պաշտպանության նախարարի թույլտվությամբ աշխատանքից հեռացվել է 1425 զինվորական, իսկ թոշակի անցած 150 զինվորական զրկվել է նախկինում ստացած կոչումներից։
15:25 11.04.2025
Տիգրան Դադունցն ընդունել է Արժույթի միջազգային հիմնադրամի հայաստանյան առաքելության պատվիրակությանըԱրդարադատության նախարարի տեղակալ Տիգրան Դադունցն ընդունել է Արժույթի միջազգային հիմնադրամի (ԱՄՀ) հայաստանյան առաքելության ղեկավար Իվա Պետրովային, ով ավարտում է իր առաքելությունը Հայաստանում, Ալեքսանդր Թիմանին, ով շուտով ստանձնելու է ԱՄՀ հայաստանյան առաքելության նոր ղեկավարի պաշտոնը, ինչպես նաև առաքելության ներկայացուցիչներին: Հանդիպմանը նախարարի տեղակալը բարձր է գնահատել հաստատությունների միջև առկա համագործակցությունը՝ հատուկ ընդգծելով ԱՄՀ հետ համագործակցության նշանակությունն ու […] ...
15:18 11.04.2025
Կարեն Ասլանյանը հաղթել է 32 վայրկյանում և դուրս եկել կիսաեզրափակիչ․ ըմբշամարտի ԵԱՍլովակիայի մայրաքաղաք Բրատիսլավայում ընթացող ըմբշամարտի Եվրոպայի առաջնությունում Կարեն Ասլանյանը (63 կգ) պայքարի մեջ է մտել քառորդ եզրափակչից։ Հայ ըմբիշը ընդամենը 32 վայրկյանում 8-0 հաշվով հաղթել է Լեհաստանը ներկայացնող Մաիրբեկ Սալիմովին և դուրս է եկել կիսաեզրափակիչ։ Կարեն Խաչատրյանը (87 կգ) 1/8-ում մրցել է բուլղարացի Սեմյոն Նովիկովի հետ և պարտվել է 3-6 հաշվով։ ...
15:11 11.04.2025
Մեկնարկել է ՀՀ ԱԳ նախարար Արարատ Միրզոյանի աշխատանքային այցն ԱնթալիաՄեկնարկել է ՀՀ ԱԳ նախարար Արարատ Միրզոյանի աշխատանքային այցն Անթալիա: Ապրիլի 11-ին Անթալիայի դիվանագիտական ֆորումի շրջանակներում նախատեսված են նախարարի երկկողմ հանդիպումներ: ...
15:06 11.04.2025
Որևէ մեկին մի՛ տրամադրեք անձնական տվյալներ կամ գաղտնաբառեր, մի՛ անցեք անծանոթ հղումներով․ ՆԳՆՆԳՆ-ն հորդորում է որևէ մեկին չտրամադրել անձնական տվյալներ կամ գաղտնաբառեր։ «Վերջերս լայն տարածում են ստացել տարբեր բանկերի անունից սոցցանցերում տեղադրվող տարաբնույթ կեղծ հայտարարությունները, որոնք հանդիսանում են հաճախորդների բանկային տվյալներին տիրանալու, ապա նրանց անվամբ վարկեր ձևակերպելու և գումարները հափշտակելու միջոց։ Կանխարգելիչ թեմատիկ տեսանյութում անդրադարձել է կատարված Հայաստանում գործող բանկերից մեկի անունից տարածվող կեղծ հայտարարություններին և հափշտակության […] ...
14:57 11.04.2025
Մալխաս Ամոյանը մեկնարկել է վստահ հաղթանակով․ ըմբշամարտի ԵԱՍլովակիայի մայրաքաղաք Բրատիսլավայում մեկնարկած ըմբշամարտի Եվրոպայի առաջնությունում Մալխաս Ամոյանը (77 կգ) 1/8-ում հանդիպել է լեհ Մատեուժ Բերնատեկի հետ և փայլուն հաղթանակ տարել 9-0 հաշվով։ Գոտեմարտը տևել է 1 րոպե 59 վայրկյան։ Իսկ ահա Դավիթ Օվասապյանը (130 կգ) 1/8-ում մրցել է թուրք Մուհամեդ Համզա Բակիրի հետ: Համառ գոտեմարտում 1-1 հաշվով հաղթել է թուրք ըմբիշը։ ...
