00:21 30.04.2019
Ապրիլի 24-ի ԻԹ-ում ՀՀ դեսպանության անձնակազմը, Իսպանիայում և Պորտուգալիայում Հայ առաքելական եկեղեցու ներկայացուցիչ Տեր Շնորհք աբեղա Սարգսյանն ու իսպանահայ համայնքի ներկայացուցիչներն այցելեցին Տոլեդոյում բացված «Հայոց մշակութային ցեղասպանությունը. առաջ և հետո» լուսանկարչական ցուցահանդես, իսկ այնուհետև՝ Իսպանիայի կաթոլիկ եկեղեցու Տոլեդոյի թեմի Կարիտաս կազմակերպության նստավայրում հանդիպում ունեցան կազմակերպության տնօրինության հետ և երախտագիտություն հայտնեցին Իսպանիայում ՀՀ դեսպանության հետ համագործակցությամբ վերոնշյալ ցուցահանդեսի կազմակերպման համար:
Կարիտասի ներկայացուցիչները ներկայացրին կազմակերպության գործունեության ոլորտներն ու հիմնական նպատակը: Վերջիններիս և Տեր Շնորհք աբեղա Սարգսյանի միջև արդեն իսկ ձեռք է բերվել պայմանավորվածություն, համաձայն որի մայիսի 12-ին Տոլեդոյի Մայր տաճարում, ի հիշատակ Հայոց ցեղասպանության սուրբ նահատակների, Տոլեդոյի արքեպիսկոպոսի կողմից մատուցվելու է պատարագ, որին մասնակցելու է նաև Մադրիդի Հայ առաքելական եկեղեցու «Վերածնունդ» երգչախումբը, իսկ մայիսի 10-ին Կարիտասի ճեմարանի շենքում տեղի է ունենալու Հայոց ցեղասպանության թեմայով կոնֆերանս:
Ապրիլի 24-ին Հայոց ցեղասպանության 104-րդ տարելիցի հիշատակման միջոցառումներ են տեղի ունեցել իսպանական մի քանի քաղաքներում՝ մասնավորապես, «Արարատ» հայկական միության և նրա նախագահ Արարատ Ղուկասյանի նախաձեռնությամբ Հայոց ցեղասպանության 104-րդ տարելիցի ոգեկոչման արարողություն է տեղի ունեցել Միսլատայում տեղակայված «Կենաց Խաչ» հուշարձանի մոտ, որտեղ հավաքված հայերն ու իսպանացիները ծաղիկներ են խոնարհել և խնկարկել Եղեռնի զոհերի հիշատակը։ Միջոցառմանը ներկա են գտնվել միության նախագահ Արարատ Ղուկասյանը, Միսլատայի քաղաքապետարանի Ժողովրդական կուսակցության ներկայացուցիչները՝ Խայմե Բրոնչուդի գլխավորությամբ, «Կոնտիգո» կուսակցության և մի շարք կազմակերպությունների անդամներ, որոնք իրենց ելույթներում հորդորել են Իսպանիայի և Վալենսիայի կառավարություններին ճանաչել ցեղասպանությունը և դատապարտել մարդկության դեմ այդ ծանր հանցագործությունը։ Բարսելոնայում տեղի է ունեցել մոմավառության արարողություն խաչքարի հարևանությամբ, որտեղ մեծ թվով հայեր իրենց հարգանքի տուրքն են մատուցել Հայոց ցեղասպանության զոհերի հիշատակին:
Կատալոնիայի Յորետ դե Մառ քաղաքում տեղի հայ համայնքը՝ «Հայկական ասոցիացիայի» նախագահ Սամվել Բադալյանի նախաձեռնությամբ, համախմբված հիշատակել է Հայոց ցեղասպանության 104-րդ տարելիցը: Քաղաքի կաթոլիկ եկեղեցում քահանա Մարտիրիա Բրուգադան ընթերցել է աղոթք՝ ի հիշատակ Ցեղասպանության սուրբ նահատակների: Արարողությունից հետո համայնքի անդամները հավաքվել են քաղաքապետարանի կողմից քաղաքի կենտրոնական մասում հատկացված վայրում, որտեղ շուտով պետք է կառուցվի Հայոց ցեղասպանության նահատակների հիշատակին նվիրված հուշակոթող: Հավաքվածները ծաղիկներ են դրել հուշակոթողի կառուցման փաստն արձանագրող հուշաքարին, որն այնուհետև օծվել է կաթոլիկ քահանայի կողմից: Միջոցառումն ավարտվել է Սանտա Կոլոմայի «Արարատ» միության նախագահ Սարգիս Հակոբյանի ելույթով, որը կատալոնացի հյուրերին իրենց մայրենի լեզվով ներկայացրել է Հայոց ցեղասպանության մասին տեղեկություններ և նշել կատալոնյան այն քաղաքների անունները, որոնք ճանաչել են Հայոց ցեղասպանությունը՝ հույս հայտնելով, որ Յորետ դե Մառն էլ շուտով կհետևի նրանց օրինակին:
Հայոց ցեղասպանության 104-րդ տարելիցի հիշատակման միջոցառումներ տեղի են ունեցել նաև Ալիկանտեում՝ EL palmeral այգում տեղակայված խաչքարի մոտ:
16:30 09.04.2025
«Տրանսպորտի մասին» օրենքով նախատեսվող լիազորող նորմով Կառավարությունը կկարողանա հաստատել աջակցության ծրագիրՆախաձեռնությամբ առաջարկվում է «Տրանսպորտի մասին» օրենքով նախատեսել լիազորող նորմ, որի հիման վրա Կառավարությունը կարող է հաստատել աջակցության ծրագիր՝ ավտոմոբիլային, երկաթուղային, ջրային եւ օդային տրանսպորտի ոլորտներում ուղեւորափոխադրումների եւ բեռնափոխադրումների զարգացման նպատակով նոր տրանսպորտային միջոցներ ձեռք բերելու, ինչպես նաեւ ծավալներն ավելացնելու համար: Այս մասին ասել է ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանն ԱԺ տնտեսական […] ...
16:24 09.04.2025
Հայաստանի Հանրապետության սեփականության իրավունքն է վերականգնվել Եղեգնաձոր համայնքում գտնվող երկու հողամասերի նկատմամբ2025 թվականի ապրիլի 8-ին Հայաստանի Հանրապետության սեփականության իրավունքն է վերականգնվել Վայոց ձորի մարզի Եղեգնաձոր համայնքում գտնվող՝ 1 հա և 0,5 հա մակերեսներով «գյուղատնտեսական» նպատակային նշանակության հողամասերի նկատմամբ: Հիշեցնենք, որ Գլխավոր դատախազության՝ պետական շահերի պաշտպանության վարչության հերթական հայցադիմումը Հակակոռուպցիոն դատարանի՝ 2025 թվականի փետրվարի 26-ի վճռով բավարարվել էր: Գլխավոր դատախազության պետական շահերի պաշտպանության վարչությունը հայցապահանջով խնդրել էր դատարանին անվավեր […] ...
16:17 09.04.2025
Մբապեն գրառում է արել «Ռեալի» խոշոր հաշվով պարտությունից հետո«Ռեալի» հարձակվող Կիլիան Մբապեն Չեմպիոնների լիգայի քառորդ եզրափակչի առաջին խաղում Լոնդոնի «Արսենալին» խոշոր հաշվով պարտվելուց հետո Instagram-ի իր էջի stories բաժնում լուսանկար է հրապարակել ու գրառում կատարել։ «Ռեալի» երկրպագուներին կոչ եմ անում հավատալ մեզ մինչև վերջ»,-գրել է ֆրանսիացին։ ...
16:10 09.04.2025
Երևանում մթնոլորտային օդի որակը ապրիլի 2-8-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը ապրիլի 2-8-ը։ Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում և Շենգավիթում՝ ապրիլի 3-ին և 5-ին, Արաբկիրում՝ ապրիլի 2-ին և 5-ին։ Ազոտի երկօքսիդի պարունակությունը գերազանցել է․ Նոր Նորքում՝ ապրիլի 5-ին։ Ծծմբի երկօքսիդի պարունակությունը չի գերազանցել սահմանային […] ...
16:02 09.04.2025
Առողջ ապրելակերպի շաբաթ Փոքր Վեդիի միջնակարգ դպրոցումԴպրոցական սննդի միջազգային օրվա շրջանակում Արարատի մարզի Փոքր Վեդիի Մ. Հովհաննիսյանի անվան միջնակարգ դպրոցում իրականացվել է «Առողջ ապրելակերպի շաբաթ» միջոցառումը։ Այն կազմակերպվել է ՀՀ կրթության, գիտության, մշակույթի և սպորտի նախարարության, Հայաստանում ՄԱԿ-ի Պարենի համաշխարհային ծրագրի (ՊՀԾ), Ռուսաստանի ճյուղային սննդի ինստիտուտի (SIFI) համագործակցությամբ` ԿԳՄՍՆ Կրթության զարգացման և նորարարությունների ազգային կենտրոնի «Դպրոցական սնունդ և երեխաների բարեկեցություն» հիմնարկի կողմից: Ողջ […] ...
15:55 09.04.2025
Գլխավոր դատախազությունը պահանջում է ԱԺ նախկին պատգամավորից բռնագանձել անշարժ գույք, տրանսպորտային միջոցներ, գումարՀակակոռուպցիոն դատարանը 2025 թվականի ապրիլի 3-ին վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ԱԺ նախկին պատգամավոր Արկադի Համբարձումյանից և նրան փոխկապակցված անձանցից հօգուտ Հայաստանի Հանրապետության բռնագանձել՝ 8 անշարժ գույք Երևանում. 5 տրանսպորտային միջոց. 1 տրանսպորտային միջոցի […] ...
