13:22 27.04.2019
ՀՀ ԱԳ նախարար Զոհրաբ Մնացականյանն ապրիլի 27-ին՝ ՀՀ քաղաքացու օրը, Մաշտոցի պուրակում հրավիրված քննարկման ժամանակ նշեց՝ որպես քաղաքացի` իրեն վստահ է զգում, առավել ևս, երբ տեսնում է՝ որքան հզոր է դարձել այդ զգացումը քաղաքացու մեջ, առավել ևս երիտասարդների մեջ:
«Ես շատ առիթներ եմ ունենում գնահատելու՝ շփվելով երիտասարդների հետ, իմ որդիների, իրենց շրջապատի հետ, որքան հետաքրքիր է այդ էվոլյուցիան, քաղաքացին ինչպես է կառուցում իր հարաբերությունները պետության հետ, ի՞նչ է պահանջում պետությունից՝ բարի՞ք, թե՞ պայման, որ ինքը բարեկեցություն ստեղծի: Այդ շարունակական տրանսֆորմացիան կարևոր է, քաղաքացին ինքն է տերը իր բարեկեցության, իրավունքների, և պետությունից պահանջում է պայմաններ, որ չխախտվի պայմանը, որի մեջ ինքը տեր է իր կյանքին»,- ասաց նա:
Մնացականյանն ասաց, որ որպես քաղաքացի առավել զգայուն է դրա նկատմամբ, առավել ոգոևորվում է, որ ավելի երիտասարդ սերնդի մեջ շատ ավելի արմատավորված է դառնում նման մոտեցումը՝ ազատ ստեղծագործելու, ապրելու և պահանջելու պայմանը՝ ունենալ այդ միջավայրը, որի մեջ կարողանա արտահայտել ստեղծագործելու իր ունակությունը:
ԱԺ նախագահ Արարատ Միրզոյանը ևս ժամանեց Մաշտոցի պուրակ՝ միանալու քննարկմանը: Քաղաքացու օրը տոնելու հետ կապված դժգոհություններին նա արձագանքեց, որ պետք է ողջախոհ սահմանը հասկանալ: Միրզոյանը հիշեցրեց՝ նույն սոցցանցերում մեծ քննարկում եղավ Քաղաքացու օրվա հետ կապված, գերիշխող կարծիք էր, որ պետք էր ունենալ նման տոն:
«Անվերջ կարելի է հնչեցնել մեղադրանքներ և պատասխանել դրանց, այդ քաղաքական ինտրիգը ստեղծել, փորձել ինչ-որ բան հյուսել դրա շուրջ: Դա անշնորհակալ ու սխալ գործ է, կարող եք վայելել ազատ պետություն ունենալը»,- ասաց նա:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
