12:58 25.04.2019
ՀՀ փոխվարչապետ Տիգրան Ավինյանը կառավարությունում կրթական ոլորտի բարեփոխումներին վերաբերող նախագծի քննարկման ժամանակ նշեց, որ ոլորտում որոշ չափով բարելավում կա, բայց նաև շարունակվում է իներցիոն գործընթացը, և խորքային փոփոխությունների կարիք կա: Նրա կարծիքով՝ հիմնական ուղղությունը ոչ թե բուհերի վրա կենտրոնանալն ու տեղեր բաժանելն է, այլ շրջանավարտներին համապատասխան ոլորտներում սերտիֆիկատներ տալու վրա կենտրոնանալը. եթե պետությունը հարկ է համարում այս և այլ ոլորտներում ունենալ համապատասխան մասնագետներ, այդ սերտիֆիկատների միջոցով պետք է հնարավորություն տալ շրջանավարտներին դիմելու այն բուհը, որը կցանկանան:
ՀՀ վարչապետ Նիկոլ Փաշինյանը խնդրեց մանրամասնել ասվածը: Ավինյանը ներկայացրեց, որ հիմա տեղերը տալիս են բուհերին՝ տարբեր մասնագիտություններով, չափաքանակներով, առաջարկում են՝ այդ բաշխումը չարվի, առաջարկում է չկանխորոշել՝ որ բուհին ինչքան տեղ են տալիս, այլ այդ տեղերը տալ դպրոցների լավագույն շրջանավարտներին՝ այն ուղղություններով, որ պետության համար գերակա ու կարևոր են համարվում, իսկ ապագա ուսանողներն էլ պետական ծառայության անցնելու հետ կապված որոշակի պարտավորություններ ստանձնեն:
«Այսինքն՝ չվարենք համահարթեցված և համալսարաններին չնեղացնելու քաղաքականություն, կենտրոնանանք արդյունավետության ու այն ուղղությունների վրա, որ պետության համար են կարևոր, կարծում եմ՝ այս շրջանակում նաև այդ «Աշխատիր, Հայաստան» ծրագրի շրջանակներում աշխատաշուկայի վերլուծություններ ենք ունենալու: Դա կարելի է այս գլոբալ ռեֆորմի հիմքում դնել»,- ասաց նա:
Վարչապետը հետաքրքրվեց.
«Գաղափարը պարզ է, խնդիրը հետևյալն է՝ լավագույն շրջանավարտներին որոշելու մեխանիզմը ո՞րն է»:
Ավինյանն ասաց, որ կենտրոնացված քննությամբ է որոշվում, նաև շրջանավարտը պետք է որևէ մասնագիտությամբ ուսումնառությունը շարունակելու ցանկություն հայտնի:
«Այսինքն՝ դիմորդը բուհ է ընդունվում, մենք ասում ենք, որ ընդունված է, ինքն է ընտրում՝ որ բուհ, որ մասնագիտությամբ: Ենթադրվում է, որ ընթացքում էլ կարող է բուհը փոխել»,- նշեց վարչապետը:
ՀՀ ԿԳ նախարար Արայիկ Հարությունյանը հայտնեց, որ այս հարցը քննարկվում է նախարարությունում, դա ֆինանսական մոդելի փոփոխության հարց է, և այս մոդելն ինչ-որ չափով նաև այդ մոդելի տրամաբանության մեջ է:
«Այդ մոդելն էլ կա և քննարկելի է: Այստեղ հարցին որոշ առումով լուծում կտա բուհերի խոշորացման քաղաքականությունը, որ ունենք: «Աշխատիր, Հայաստան»-ը խնդիրներ կունենան, եթե նման վերլուծություն չլինի»,- ասաց նախարարը:
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
16:15 04.04.2025
Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորություններըՓոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...
