19:59 23.04.2019
Երևանի ավագանու նիստի ժամանակ «Լույս» խմբակցությունից Անի Խաչատրյանը խոսեց մի միջադեպի մասին, երբ մայրաքաղաքի վարչական շրջաններից մեկի ղեկավարը 32-ամյա կին աշխատակցին հեռացնելու համար նրան նախ` նշանակել է մասնագիտությանը (իրավաբան) անհամապատասխան պաշտոնի (առևտրի բաժնում), ապա որոշ ժամանակ անց կանչել է, կեղծ պատրվակով պահանջել դիմում գրել ու ազատվել աշխատանքից։
Ավագանու անդամը մեջբերեց վարչական շրջանի ղեկավարի խոսքերը, երբ նա, ըստ Խաչատրյանի, ազատել է աշխատակցին, որն իր խնամքի տակ ունի մեծահասակ մայր ու անչափահաս զավակ։
«Հիմա վարչական շրջանի ղեկավարի բառապաշարից․ «Լսի´, ախչի´, 10 րոպեից դիմումդ սեղանիս լինի։ Քանի՞ երեխա ունեիր, – հեգնական տոնով հարցնում է վարչական շրջանի ղեկավարը։ Պատասխան լսելով, որ մեկ երեխա՝ վարչական շրջանի «հոգատար» ղեկավարը շարունակել է,- դե, գնացե´ք, ինչ, ինչ ուզում եք եղեք, սոված սատկեք»։ Այս ամենը տեղի է ունեցել երկու փոխթաղապետների ներկայությամբ»,- պատմեց Խաչատրյանը։
Նրա խոսքերով՝ վարչական շրջանի նոր ղեկավարությունը պարբերաբար ծաղրի է ենթարկել այդ աշխատակցին մինչև նրան ստիպելը, որ ազատվի աշխատանքից։ Խաչատրյանն իր հետ քաղաքապետարան էր բերել հենց այն կնոջը, որը, ըստ ավագանու անդամի, ենթարկվել էր այս ապօրինի արարքներին ու ազատվել աշխատանքից։
Խաչատրյանն իր հուզական ոճով ելույթից հետո հարցադրումներ ուղղեց Ավան վարչական շրջանի ղեկավար Արա Դանիելյանին, որին էլ ուղղված էր մեղադրանքը։ Քաղաքապետ Հայկ Մարությանի ուղղորդմամբ՝ Դանիելյանը անդրադարձավ խնդրին։ Նա ասաց, որ այդ աշխատակիցը իրոք 10 տարի գրանցված է եղել վարչական շրջանի իրավաբանական բաժնում ու վերջին մի քանի ամիսներին էլ զուգահեռ աշխատել է որպես նախորդ քաղաքապետ Տարոն Մարգարյանի օգնական։
Թաղապետը պատմեց, որ դեկտեմբերին իր նշանակվելուց հետո աշխատակցին կանչել է, հարցրել ու պարզել, որ երկու երեխա ու մայր ունի իր խնամքի տակ, ինչի հետո առաջարկել է առևտրի բաժնում աշխատել, մինչև որ այլ հաստիք կլինի ազատ։ Սրան, ըստ Դանիելյանի, աշխատակիցը համաձայնվել է ուրախությամբ, քանի որ հենց ինքն էր խնդրել աշխատանքից չազատել իրեն։
Դանիելյանն ասաց, որ իր դաստիարակությունը թույլ չէր տա նման խոսքեր ասել։ Իսկ ավագանու անդամի խոսքերին արձագանքելիս վարչական շրջանի ղեկավարն ասաց, որ նույն կարգավիճակում է եղել, երբ աշխատակիցն իրեն խաբել ու խղճահարություն է հարուցել։ Դանիելյանը հաստատեց նաև, որ աշխատակցին ազատելու ժամանակ իր սենյակում են եղել նաև տեղակալները, որոնք կարող են հաստատել իր խոսքերը։
«Իսկ նման արտահայտություններ, ինչպես ներկայացրեց տիկին Խաչատրյանը, չեն եղել, ամենայն ազնվությամբ»,- ասաց թաղապետը։
Ավագանու անդամը հարցրեց՝ եթե այդ աշխատակիցը չէր բավարարում պայմանները, ինչո՞ւ նրան չազատեց, այլ հորդորեց դիմում գրել։
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
16:15 04.04.2025
Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորություններըՓոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...
