12:44 23.04.2019
Երևան քաղաքի ավագանու ապրիլի 23-ի նիստի օրակարգում, ի թիվս այլ հարցերի, Ֆինանսավարկային և տնտեսական հարցերի մշտական հանձնաժողովի նախագահի տեղակալ ընտրելու հարցն է: Այդ պաշտոնին առաջադրված է «Իմ քայլը» խմբակցության անդամ Լուսինե Գևորգյանը: Երևանի ավագանու «Լույս» խմբակցության ղեկավար Դավիթ Խաժակյանը հարց ուղղեց՝ կապված Երևանի ՏԻՄ օրենքի՝ ավագանու անդամի լիազորությունների վաղաժամ դադարեցման հետ:
«Դուք ունեք ավագանու անդամ, ով նաև պետական պաշտոնյա է, ֆեյսբուքյան ակտիվ գործունեություն է ծավալում, հաճախ հարկ է համարում անդրադառնալ նաև մեր կուսակցության ղեկավարին: Ես նկատում եմ անընդհատ իր բացակայությունն այս նիստերից»,- ասաց նա՝ դիմելով «Իմ քայլը» խմբակցության ղեկավար Սուրեն Էյրամջյանին:
Խաժակյանն օրենքից մեջբերում արեց այն մասին, որ ավագանու անդամի լիազորությունները կարող են վաղաժամկետ դադարեցվել, եթե մեկ հերթական նստաշրջանի ընթացքում ոչ հարգելի պատճառով բացակայել է նիստերի կեսից:
«Այս նստաշրջանում նա առհասարակ չի եկել, ի՞նչ վերաբերմունք ունեք: Արդյո՞ք որպես խմբակցության ղեկավար հետամուտ եք լինում այդ խնդրին»,- նշեց ավագանու անդամը:
Էյրամջյանը հայտնեց, որ հարցին հասցրել է ծանոթանալ, բայց քանի որ կապ չունի օրակարգի հետ, առաջարկում է առանձին քննարկել:
«Բարգավաճ Հայաստան» խմբակցության անդամ Հռիփսիմե Առաքելյանը նշեց, որ պետք է ավելի շուտ մտածեին և ավելի կառուցողական գործընթացներ ծավալեին:
«Խոսքն այն վերաբերմունքի մասին է, որ վերջին մեկ շաբաթում ծավալվել է Ֆեյսբուք սոցցանցերում ավագանու մեր գործընկերների կողմից: Մեր խնդրանքն է, որ նրանք ավելի կոռեկտ և ճիշտ դրսևորեն իրենց սոցցանցերում: Քաղհասարակությունից բոլորը եկել են գործադիր և քաղաքային իշխանություն, որևէ կերպ չեն պատկերացնում՝ ինչ է նշանակում ավագանու անդամ լինելը, նրանք 24 ժամ ռեժիմով ակտիվ աշխատում են Ֆեյսբուքում, չեմ կարծում, թե նրանց Ֆեյսբուքից են ընտրել»,- ասաց նա:
Առաքելյանը նշեց՝ եթե այսպես շարունակեն, կլոր սեղաններ չկազմակերպվեն, նրանք պարզապես պետք է չլինեն ավագանու անդամ, վայր դնեն մանդատները:
Երևանի քաղաքապետ Հայկ Մարությանը հորդորեց շարժվել օրակարգով և կանոնակարգով, նաև նշեց՝ տեղյակ չէ՝ ինչ է կատարվում սոցցանցերում, քանի որ պարզապես դրա ժամանակը չունի:
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
16:15 04.04.2025
Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորություններըՓոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...
