17:10 18.04.2019
Այսօր կառավարության նիստի ժամանակ քննարկվեց նաև Երևանի աղբահանության հարցը: Վարչապետը խնդիրը տեսնում է դեռ 2014թ. մրցույթի արդյունքներում, երբ 2 օպերատորի փոխարեն 1 օպերատոր է շահում:
«Եթե մենք ունենայինք 2 օպերատոր, նախ` մրցակցային վիճակ կլիներ, և եթե մի օպերատորը պրոբլեմ ուներ, մյուս օպերատորին կխնդրեինք քաղաքի մյուս հատվածում էլ գործառույթներ իրականացնել: Եվ մարդիկ կան, որ ժամանակին այդ մրցույթների հիմքում են եղել կանգնած, բայց այսօր սոցցանցերում փոթորիկներ են անում, թե բա էս ինչ ա, էս հարցը լուծված չի: Իսկ ինչի՞ էս հարցը լուծված չէ, որովհետև ժամանակին լիքը արիշ-վերիշներ եք ունեցել և պետք է խորանալ, էդ արիշ-վերիշները բացահայտել ու դնել սեղանին»:
Տիգրան Ավինյանը նաև հետաքրքրվեց վճարներից՝ արդյո՞ք դրանք բավարար են ու արդյո՞ք վճարները չեն խնդրի պատճառ: Քաղաքապետը նշեց` վճարներին անդրադառնալ պետք է, բայց այսօրվա խնդրի պատճառը վճարը չէ:
«Ընկերությունը բազմից նշել է, որ գումարը քիչ է և չեն կարող այդ գումարով նորմալ ծառայություն մատուցել, ես առաջարկեցի իրենց համաձայնությամբ 1 լոտը հանել մրցույթի, և եթե գումարը այդքան ցածր է, ապա, ըստ մրցույթի կանոնների, դուք այն էլի կշահեք: Եվ եթե պարզվի, որ այդպիսի գումար առաջարկող այլ ընկերություն չկա, իրավաբանական հարցերը կկարգավորենք և մենք ձեզ կվճարենք ձեզ հաջորդող թեկնածուի նշած վճարի չափով: Նրանք Լիբանանում սեփականատերերի հետ քննարկեցին այս առաջարկը և մերժեցին` պատճառաբանելով, որ կարող է, այնուամենայնիվ, այլ ընկերություն ավելի ցածր առաջարկի»:
Վարչապետը նաև մտահոգվեց՝ արդյո՞ք մեքենաների առկայության դեպքում քաղաքապետարանը կկարողանա իրականացնել աղբահանության բարդ գործընթացը: Հայկ Մարությանը տեղեկացրեց, որ դիմելու են ժամանակին գոյություն ունեցած սանսեկտորների աշխատակիցների օգնությանը ու փորձին`շեշտելով հետևյալը.
«Այստեղ չկա` կարո՞ղ ենք, թե՞ չենք կարող: Մենք պետք է դա անենք»:
Մարությանը նաև նշեց, որ ընկերության քայլերում դիտավորություն չի տեսնում, տեխնիկապես վատ վիճակն է միակ պատճառը: Իսկ դա էլ հետևանք է ներդրումային պարտավորությունների չկատարման:
«Օրինակ` 8000 աղբաման պետք է լիներ, ունենք 5000, հիմա ավելի քիչ, որոնցից 1000-ն է նորմալ վիճակում»:
Հարց հնչեց նաև, թե արդյոք գնված մեքենաները ենթադրում են, որ կստեղծվի աղբահանությամբ զբաղվող պետական մարմին, որին ի պատասխան` Մարությանը բերեց միջազգային փորձը.
«Մենք ուսումնասիրել ենք ոլորտը և եվրոպական փորձը ցույց է տվել, որ եվրոպական շատ երկրներում համայնքը տրանսպորտի ու աղբահանության հարցերը վերցնում է իր վրա՝ վերադառնալով նախկին մեթոդին, քանի որ մասնավորը հետապնդում է միայն շահույթ»:
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
16:15 04.04.2025
Մհեր Գրիգորյանն ու Մագդալենա Գրոնոն քննարկել են տարածաշրջանում հաղորդակցությունների և տնտեսական կապերի ապաշրջափակման համար առկա հնարավորություններըՓոխվարչապետ Մհեր Գրիգորյանն ընդունել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Վասիլիս Մարագոսը: Հանդիպման ընթացքում զրուցակիցները մտքեր են փոխանակել տարածաշրջանային զարգացումների շուրջ, քննարկվել են սահմանազատման գործընթացի ընթացքը և տարածաշրջանում բոլոր հաղորդակցությունների և տնտեսական կապերի ապաշրջափակման համար առկա հնարավորությունները: ...
