ԱՄՆ նախագահ Դոնալդ Թրամփը հայտարարել է, որ իր նախընտրական շտաբի և Ռուսաստանի միջև կապի հետաքննությունը պետական հեղաշրջման փորձ էր, փոխանցում է ТАСС-ը։
«Դա պետական հեղաշրջման փորձ էր։ Դա փորձ էր՝ նախագահին պաշտոնանկ անելու»,- ասել է նա։
Թրամփը հավելել է, որ այդ հետաքննությունն «անօրինական» էր։
«Ամենից շատ հետաքրքրված եմ վերադառնալ այն պահին, երբ այս ամենը սկսվեց, հետազոտել այն, քանի ոև դա վհուկների անօրինական որս է», – հավելել է նա։
Ավելի վաղ հայտնել էինք, որ Մյուլերն ավարտել է իր զեկույցը՝ կապված 2016 թվականի ԱՄՆ նախագահական ընտրություններին «Ռուսաստանի միջամտության» գործի հետ։
Մյուլերը չի կարողացել ապացուցել Ռուսաստանի հետ Թրամփի կապը։
