20:00 08.04.2019
Ավելացել են ծննդօգնությանը պետբյուջեից հատկացվող գումարները: Սովորական ծննդաբերության համար նախկին 109.000 դրամի փոխարեն կհատկացվի 140.000 դրամ, բարդ ծննդաբերությունը 117.000 դրամից դարձել է 165.000 դրամ, իսկ կեսարյան հատման համար պետբյուջեից 220.000 դրամ է վճարվում նախկին 198.000 դրամի փոխարեն:
Ավելացումը 30-40 տոկոսի չափով է, ըստ այդմ, համամասնորեն կբարձրանան բժիշկների և միջին բուժանձնակազմի աշխատավարձերը: Այս գումարներով բուժհաստատությունները նոր սարքավորումներ գնել չեն կարող, Գյումրիի ծննդատան` տարիներով կուտակած պարտքի նվազմանն էլ այն ուղղել չեն կարող։
Ծննդօգնությունում հավաստագրի ներդրումից հետո առաջին անգամ է ավելացում կատարվում ծննդաբերական ծառայությունների դիմաց: Հավաստագրի կիրառման 9 տարիների ընթացքում հանրապետությունում ծնունդների վիճակագրություն է փոխվել, դեղորայքի ու բուժսարքավորումների արդիականացում է կատարվել, բայց ծննդօգնության արժեքը մնացել էր անփոփոխ: Ավելի թանկ վճարելով ծննդօգնության համար` պետությունը լուծում է բժիշկների և միջին բուժանձնակազմի աշխատավարձերի հարցը և, ըստ էության, կոմպենսացնում քիչ ծնունդների թվի պատճառով առաջ եկած ֆինանսական խնդիրները: Բուժաշխատողների աշխատավարձերի բարձրացում նախատեսված է, բայց կախված է նաև ծնունդների թվից, որը Շիրակի մարզում աստիճանաբար նվազում է:
Նույն պատճառներով է, որ Գյումրիի ծննդատունը տարիներով կուտակված պարտքերից չի կարող ազատվել: Մոտ 10 տարի առաջ ծննդատանը տարեկան ավելի քան 1000 ծնունդ էր գրանցվում, հիմա ծնունդների թիվը 600-ի էլ չի հասնում: Ծնունդների թվի նվազումն այլ հանգամանքով ևս պայմանավորվեց, որ Գյումրիում սկսեց աշխատել երկրորդ ծննդատունը: Գյումրիի ծննդատան պարտքը հիմա մոտ 50 մլն դրամ է, գումարի մի մասն էլ տույժ ու տուգանքներն են։
Ու հիմա առաջնահերթ է փակել տույժ ու տուգանքներ հարուցող պարտքերը: Դրա հետ մեկտեղ էլ քաղաքային ծննդատունն ապահովելու է դեղորայքի ժամանակին մատակարարում ու այլ ծախսերի կատարում, այդ թվում` աշխատավարձերի վճարում:
Մինչև նոր տնօրենի ընտրությունը Գյումրիի ծննդատան պարտքերը թեթևացնելու տարբերակներ տնօրենի ժամանակավոր պաշտոնակատար Լիաննա Աբրահամյանն էր փնտրում, բայց խնդիրն այլ ուղղություն վերցրեց: Քրեական գործ հարուցվեց Լիաննա Աբրահամյանի նկատմամբ, գումարների յուրացման և վատնման հատկանիշներով: Բայց հայտնի է դառնում, որ գործը փակվել է փաստաթղթերի անբավարար լինելու պատճառով, այս մասին նշեց նաև ծննդատան տնօրեն Էդգար Սուքիասյանը։
Հիմա ծննդատան տնօրինության համար լուրջ խնդիրը պարտքերի մարումն է: Ունեցած հնարավորություններով ու մատուցվող ծառայություներով չեն կարող մեծ բեռից ազատվել: Ծնունդների թվի ավելացման սպասելու հույսեր էլ չունեն: Ըստ Լիաննա Աբրահմայանի` Գյումրիում ամսական 100 ծնունդ է լինում, ու 20 կմ հեռավորության վրա 3 ծննդատուն կա։ Բնականաբար, այս պայմաններում ծնունդների աճ ակնկալելն անիմաստ է։
20 կմ շառավղում գտնվող մյուս` Մոր և մանկան ավստրիական հիվանդանոցի տնօերնն էլ ասում է, եթե տարեկան 360 ծնունդ ունենան, ապա եկամուտով կաշխատեն: Սա միայն ծննդաբերական ծառայությունով չէ պայմանավորված, այլ որպես մանկական հիվանդանոց բազմապրոֆիլ է:
Հիվանդանոցի տնօրեն Աշոտ Կուրղինյանի խոսքերով` սա ձեռնտու տարբերակ է, որովհետև հիվանդանոցն այլ եկամուտներ ունի, ու ծննդօգնությունը բուժհաստատության բազմաթիվ ծառայություններից մեկն է։
Գյումրիի ծննդատան տնօրինությունը ժամանակին առաջարկել էր նոր բաժանմունքներ բացել, բայց դրանք չեն իրագործվել: Տնտեսվարման նոր մոտեցումներ են մշակվում ֆինանսական ճգնաժամից դուրս գալու համար:
00:00 17.04.2025
Սրտերի ջրվեժ․ Հայաստանի ամենագեղեցիկ ջրվեժներից մեկըՀայաստանի ամենագեղեցիկ ջրվեժներից մեկը՝ Շրջակա միջավայրի նախարարության «Զանգեզուր» կենսոլորտային համալիր» ՊՈԱԿ-ի «Արևիք» ազգային պարկի տարածքում գտնվող Սրտերի ջրվեժն է։ Սրտերի ջրվեժը գտնվում է Մեղրի գետի վրա՝ Լիճք գյուղից 5 կմ դեպի հյուսիս և ճանապարհի կեսն անցնում է անտառի միջով։ Մանրամասները՝ Կովկասի բնության հիմնադրամի տեսանյութում։ ...
23:58 16.04.2025
Հայաստանը, որպես տոնական արձակուրդն անցկացնելու, լավագույն ճամփորդական ուղղությունԶատկի տոնին ընդառաջ, Իտալիայի առաջատար լրատվական գործակալությունը Հայաստանը ներկայացրել է որպես տոնական արձակուրդն անցկացնելու լավագույն ճամփորդական ուղղություն։ Այս մասին հայտնել են ՀՀ զբոսաշրջության կոմիտեից։ ՀՀ ԷՆ Զբոսաշրջության կոմիտեի կողմից տարածված «Զատիկը Հայաստանում. ճանապարհորդություն՝ հոգևորի, համերի և հին ավանդույթների աշխարհով» վերնագրով մամուլի հաղորդագրությունը՝ ներկայացնելով Զատկի տոնի յուրահատուկ և խորաբովանդակ ավանդույթները Հայաստանում, գրավել է միջազգային լրատվականների ուշադրությունը։ […] ...
23:57 16.04.2025
Հայտնի է, թե ովքեր Հայաստանից կմասնակցեն ակրոբատիկ մարմնամարության ԵԱ-ինՀայաստանի մարմնամարզության ֆեդերացիայից հայտնել են, որ ապրիլի 14-ից 21 -ը Լյուքսեմբուրգում տեղի կունենա ակրոբատիկ մարմնամարության Եվրոպայի մեծահասակների առաջնությունը որին մեր թիմը կմասնակցի հետևյալ կազմով. Տղաների զույգ՝ Արտակ Ծատուրյան Ազատ Եղիազարյան Հավաքականի գլխավոր մարզիչ՝ Շուշանիկ Հարությունյան մարզիչ՝ Մարտին Հակոբյան մրցավար՝ Արմինե Հովսեփյան ...
23:55 16.04.2025
Արաբկիր վարչական շրջանում բակերը մաքրվում են ցանկապատված տարածքներիցԱրաբկիր վարչական շրջանի Վրացական 15 և 17 հասցեների բակերը մաքրվում են ցանկապատված տարածքներից: Այս մասին հայտնել են Երևանի քաղաքապետարանից։ Անօրինական զավթած տարածքների փոխարեն կկառուցվեն հանգստի հարմարավետ գոտիներ: Մանրամասները՝ տեսանյութում։ ...
23:52 16.04.2025
Քաղաքների մթնոլորտային օդում փոշու պարունակությունը ապրիլի 6-12-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է քաղաքների մթնոլորտային օդում փոշու պարունակությունը ապրիլի 6-12-ը (2025թ․)։ Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. ◾️ Վանաձոր քաղաքում՝ ✔ Ծատուրյան փողոցի հարակից տարածք՝ ամբողջ շաբաթ, ✔ Վարդանանց փողոցի հարակից տարածք՝ ապրիլի 7-ին, 11-ին և 12-ին, ✔ Հերացի փողոցի հարակից տարածք՝ ապրիլի 10-ին։ ◾️ Ալավերդի քաղաքում՝ ✔ […] ...
23:48 16.04.2025
Ապրիլի 17-ին կդադարեցվի Երևանի և Արարատի որոշ հասցեների գազամատակարարումըհայտնում են «Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ ապրիլի 17-ին ժամը 10:00-ից մինչև ժամը 15:00-ն, կդադարեցվի Երևան քաղաքի Էրեբունի վարչական շրջանի Սարի Թաղ թաղամասի 5-րդ և 6-րդ փողոցների առանձնատների գազասպառողների գազամատակարարումը։ Պլանային աշխատանքներ իրականացնելու նպատակով՝ ապրիլի 17-ին ժամը 10:00-ից մինչև ժամը 18:00-ն, կդադարեցվի Արարատի մարզի Այնթապ բնակավայրի մի հատվածի գազասպառողների գազամատակարարումը։ ...
