14:12 28.03.2019
ԱԺ-ում շարունակվող՝ կառավարության ծրագրի և ընթացքի մասին զեկույցի քննարկումների շրջանակում ԱԺ «Իմ քայլը» խմբակցության անդամ Բաբկեն Թունյանն անդրադարձել է կենսաթոշակների թեմային:
Հիշեցնենք, որ այս թեման օրեր առաջ ևս քննարկումների առարկա էր դարձել թե՛ խորհրդարանում, և թե՛ սոցցանցերում:
«Խոսքը վերաբերում է ոչ թե 18 հազարից մինչև 25 հազար, այլ 16 հազարից մինչև 25 հազ. դրամ բարձրացնելուն, այսինքն` ովքեր դրանց ցածր էին ստանում, բերում, հավասարեցնում են նվազագույն թոշակը այդ շեմին: Խոսքը վերաբերում է 81 հազար մարդու մոտավորապես, որոնցից մոտավորապես 17 հազարը թոշակառու է, մոտ 4 հազարը` զինվորական թոշակառու և 60 հազարը` ծերության նպաստ ստացողներ»,- մանրամասնել է նա:
Նախատեսվող նոր փոփոխությունների ընդհանուր ծախսը բյուջեի վրա 7 մլրդ դրամ է արժենալու (6.8 մլրդ դրամ-խմբ.):
Բաբկեն Թունյանը հայտարարել է, որ թոշակների՝ նախատեսվածից ավել բարձրացնելու համար ֆինանսական ռեսուրսները դեռևս չեն բավարարում:
«Բայց դա չի նշանակում, որ սրանով պետք է սահմանափակվել ու ինչպես նախորդ անգամ նշել էի, պետք է ձգտել հիմնական կենսաթոշակը բարձրացնել ու, ըստ այդմ, արդեն համապատասխանաբար մնացած թոշակները, որպեսզի այդ ստաժի առումով բալանսը չխախտվի: Ովքեր շատ են աշխատում՝ այսպես չլինի, որ քիչ աշխատողների հետ նույն չափի թոշակ ստանան»,- ասել է նա:
Բանախոսը խոսել է նաև պետական պարտքի մասին՝ ասելով, որ դրա մեծությունից վախենալու փոխարեն ավելի կարևոր է դրա ներգրավմամբ որևէ արդյունք արձանագրելը:
«2018 թվականի վերջի դրությամբ պետական պարտք-ՀՆԱ հարաբերակցությունը կազմել է մոտավորապես 51.4 տոկոս: Այսինքն` մենք թույլատրելի շեմից՝ 60 տոկոսից դեռ ահագին ցածր ենք գտնվում: Այս առումով դեռևս ռեսուրս ունենք, բայց համոզված եմ, որ անգամ 60 տոկոսը, եթե գերազանցելու լինենք, լավ ծրագրերի դեպքում կարելի է այդ օրենքը վերանայել»,- ասել է պատգամավորը:
20:58 10.04.2025
ՊԵԿ-ը Խոշոր հարկ վճարողների հարկային կարգապահության բարելավման ծրագրի շրջանակում բացահայտել է աշխատողի չձևակերպման ու ՀԴՄ-ի կիրառման կանոնների խախտման դեպքերՊետական եկամուտների կոմիտեն հետևողականորեն շարունակում է հսկողական աշխատանքները ՀԴՄ-ի կիրառման կանոնների խախտման և աշխատողի չձևակերպման դեպքերի բացահայտման ուղղությամբ։ Իրավախախտումների կանխարգելումը և դրանց նկատմամբ հանրային վերահսկողությունը կարևոր է յուրաքանչյուր քաղաքացու, ինչպես նաև օրինական դաշտում գործող բիզնեսի կայուն զարգացման համար։ Կոմիտեն հորդորում է հարկ վճարողներին գործել օրենքի դաշտում՝ նպաստելով վստահելի բիզնեսի իր վարկանիշի պահպանմանը։ Պետական եկամուտների կոմիտեն […] ...
20:44 10.04.2025
Լրացուցիչ հրատապ սոցիալական աջակցության միջոցառում՝ ԼՂ-ից բռնի տեղահանված կարիքավոր ընտանիքներինԼՂ-ից բռնի տեղահանված կարիքավոր ընտանիքների համար նախատեսվող լրացուցիչ հրատապ սոցիալական աջակցության միջոցառման մանրամասները ներկայացնում է ԱՍՀ նախարար Նարեկ Մկրտչյանը: Այս մասին հայտնել են Կառավարությունից: Մանրամասները՝ տեսանյութում: ...
20:31 10.04.2025
Ազատ ոճի ըմբշամարտի Հայաստանի հավաքականը ԵԱ-ի թիմային հաշվարկում 5-րդն էԱզատ ոճի ըմբշամարտի Հայաստանի հավաքականը երկու արծաթե և մեկ բրոնզե մեդալներով Եվրոպայի առաջնության թիմային հաշվարկում գրավել է 5-րդ տեղը: Հիշեցնենք, որ Հայաստանի հավաքականը առաջնությանը մասնակցել է 7 ըմբիշով։ Եվրոպայի փոխչեմպիոն են դարձել Արման Անդրեասյանը (70 կգ) և Արսեն Հարությունյանը (61 կգ), բրոնզե մեդալ է նվաճել Վազգեն Թևանյանը (65 կգ): ...
20:22 10.04.2025
Կոստանյանը թուրք պաշտոնակցի հետ քննարկել է ՀՀ-Թուրքիա հարաբերությունների կարգավորման հարցերՀՀ արտգործնախարարի տեղակալ Վահան Կոստանյանը X-ի իր միկրոբլոգում գրել է, որ հանդիպել է Թուրքիայի իր պաշտոնակից Բերիս Էքինջիի հետ: «Կարևոր քննարկում Թուրքիայի արտգործնախարարի տեղակալ Էքինջիի հետ Հայաստանի և Թուրքիայի հարաբերությունների կարգավորման խթանման և հնարավոր համագործակցության նոր ոլորտների սահմանման վերաբերյալ: Մտքեր են փոխանակվել նաև տարածաշրջանային և միջազգային խնդիրների վերաբերյալ»,- գրել է Կոստանյանը: Important discussion with Deputy […] ...
20:13 10.04.2025
Երևանում «Հյուսիս-հարավ» նոր կառուցվող, սակայն չգործող ճանապարհին բախվել են «BMW»-ն ու «Chevrolet»-նԱպրիլի 10-ին, խոշոր ավտովթար է տեղի ունեցել Երևանում։ Ժամը 11։45-ի սահմաններում «Հյուսիս-հարավ» նոր կառուցվող, սակայն դեռևս չշահագործվող ճանապարհին, ժողովրդին հայտնի «4-րդ գյուղից» դեպի Հարավարևմտյան թաղամաս տանող ճանապարհի սկզբնամասում, ճակատ ճակատի բախվել են Երևանի բնակիչներ 23-ամյա Նարեկ Կ․-ի վարած «BMW» մակնիշի և 25-ամյա Արտաշես Մ․-ի վարած «Chevrolet» մակնիշի ավտոմեքենաները։ Ինչպես հայտնել է shamshyan.com-ը, վթարի հետևանքով, ըստ […] ...
