Յուրաքանչյուր վարչական շրջանում կան «յուղոտ հողատարածքներ», որ շատ ցածր գներով գնվել են. Հայկ Մարության – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.22
  • RUBLE
    4.63
  • 431.28
WEATHER
+19.09 oC

Յուրաքանչյուր վարչական շրջանում կան «յուղոտ հողատարածքներ», որ շատ ցածր գներով գնվել են. Հայկ Մարության

14:40 28.03.2019

«Յուրաքանչյուր վարչական շրջանում կան հողատարածքներ, այսպես ասած՝ «յուղոտ տարածքներ», որ շատ ցածր գներով գնվել են թաղապետերի կամ իրենց մերձավորների կողմից և, ցավոք, այսօր գրանցված սեփականության վկայական ունեն»,- լրագրողների հետ զրույցում ասաց Երևանի քաղաքապետ Հայկ Մարությանը:

Նրա խոսքերով` այս պրոցեսը շարունակական է եղել և ոչ թե 5 կամ 10, այլ 20 տարի: Այսօր կան ծրագրեր, քաղաքապետարանը ցանկանում է իրականացնել, բայց այդ հանգամանքը խանգարում է: Քաղաքապետարանն այդ սեփականատերերի հետ բանակցում է և որ տարածքում հողն անհրաժեշտ է ծրագրերի իրականացման համար, սեփականատերերին առաջարկվում է համանման հողակտոր հատկացնել այլ վայրում:

«Ցավն այն է, որ սեփականաշնորհել են նաև այգիների տարածքներ: Մարդիկ գալիս են և փորձում են շինարարություն անել, շինթույլտվություն ստանալ, բայց մենք մերժում ենք: Սեփական հողեր կան Նոր Նորքի, Դավիթաշենի և գրեթե բոլոր այգիներում` տարբեր մարդկանց են պատկանում: Նախկին պաշտոնյաները խելացի են գտնվել և իրենց անունով չեն գրել հողերը՝ բարեկամի, ընկերոջ և այլ մարդկանց անունով են գրել»,- ասաց քաղաքապետը:

Քաղաքապետարանից հորդորել են սեփականացրած հողերն ինքնակամ հանձնել, իսկ չհանձնելու պարագայում նոր միայն իրավական գործընթաց սկսել: Քանի որ սեփականաշնորհված տարածքները շատ են, և Երևանը մեծ քաղաք է, գործընթացը ավելի երկար է տևում: Քաղաքապետարանը համագործակցում է դատախազության հետ:

«Առաջինը այգիների հարցերով ենք զբաղված, այս պահին գույքագրում ենք այգիները և դատախազության հետ տեսնում ենք, թե ինչ հիմքով է տրվել հողը, ինչ հիմքով է վաճառվել և երբ տարօրինակ բան ենք տեսնում, գործը փոխանցում ենք քննչական մարմիններին»,- նշեց քաղաքապետը:

Լրագրողները հետաքրքրվեցին նաև, թե արդյոք նախկին քաղաքապետ Տարոն Մարգարյանը ևս ունի սեփականաշնորհած հողեր, քաղաքապետը դրական պատասխան տվեց:

Նրա խոսքերով` Տարոն Մարգարյանը ևս ունի, բայց այդ հարցերով իրեն չպետք է դիմել:

«Դիմեք քննչական մարմիններին: Դա քննչական մարմինների գործն է»,- ասաց Հայկ Մարությանը՝ չցանկանալով խոսել Տարոն Մարգարյանի ունեցվածքի մասին:

Քաղաքապետն անդրադարձել է նաև վերելակների նորոգման, իր հասցեին հնչած դժգոհություններին ու ավտոբուսներում տեսախցիկներ տեղադրելու հարցին:

 

Բոլոր լուրերը

Կապակցված լուրեր

Գևորգ Պապոյանն ու Նուբար Աֆեյանը քննարկել են Հայաստանի ներդրումային միջավայրի բարելավման և գրավչության բարձրացման վերաբերյալ հարցեր

16:50 04.04.2025

Գևորգ Պապոյանն ու Նուբար Աֆեյանը քննարկել են Հայաստանի ներդրումային միջավայրի բարելավման և գրավչության բարձրացման վերաբերյալ հարցեր

ՀՀ էկոնոմիկայի նախարար Գևորգ Պապոյանն այսօր ընդունել է հայազգի գործարար և բարերար Նուբար Աֆեյանին: Հանդիպմանը ներկա է եղել նաև նախարարի տեղակալ Լիլյա Սիրականյանը։ Հանդիպման ընթացքում քննարկվել են պետություն-մասնավոր հատվածի արդյունավետ համագործակցության շրջանակներում մասնավոր ներդրումային ֆոնդ ստեղծելու հայեցակարգը, ինչպես նաև Հայաստանի ներդրումային միջավայրի բարելավման և գրավչության բարձրացման վերաբերյալ հարցեր։ Նախարարը նշել է, որ որ ներդրումները կարող […] ...

Գեղարքունիքի մարզի պարեկներն ապօրինի թմրաշրջանառության դեպքեր են բացահայտել

16:42 04.04.2025

Գեղարքունիքի մարզի պարեկներն ապօրինի թմրաշրջանառության դեպքեր են բացահայտել

Հանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...

Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացում

16:36 04.04.2025

Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացում

ԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...

Ալեքսանդր Օվեչկինը NHL-ում նետել է 891-րդ տափօղակը

16:33 04.04.2025

Ալեքսանդր Օվեչկինը NHL-ում նետել է 891-րդ տափօղակը

Հոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...

Ռյուտե. ԱՄՆ-ը կշարունակի զենք մատակարարել Ուկրաինային

16:27 04.04.2025

Ռյուտե. ԱՄՆ-ը կշարունակի զենք մատակարարել Ուկրաինային

ՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...

Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել է

16:24 04.04.2025

Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել է

ՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...

BACK_TO_TOP