17:31 15.03.2019
Հայկական «Տարոն-Ավիա» ավիաընկերությունը ամիսներ առաջ դիմել էր ՀՀ Տնտեսական մրցակցության պաշտպանության պետական հանձնաժողովին՝ դժգոհելով ռուսական օդանավակայանների տարբերակված գնային քաղաքականությունից: Ըստ բողոքի, չնայած Հայաստանն ու Ռուսաստանը ԵԱՏՄ անդամ երկրներ են, սակայն ՌԴ օդանավակայանները հայկական փոխադրողներին դիտարկում են իբրև արտասահմանյան, ու սպասարկման և այլ ծառայությունների համար նրանց հանդեպ կիրառում են ավելի բարձր գներ, քան տեղական ավիափոխադրողների: Այս տեսանկյունից ՏՄՊՊՀ նախագահ Արտակ Շաբոյանը դրական լուր է հայտնել:
«Այս հարցը մենք քննարկել ենք ՌԴ հակամենաշնորհային ծառայության հետ, քանի որ այս պետական մարմինը զբաղվում է Ռուսաստանի տարածքում սակագնային կարգավորմամբ: Մենք իրավիճակը բացատրել ենք ռուս գործընկերներին, ասեմ, որ Ռուսաստանի հակամենաշնորհային ծառայությունն ընդունել է այս փաստարկները և որոշում է կայացրել, որ ռուսական օդանավակայանների կողմից մատուցվող ծառայությունների սակագները պետք է համահարթեցվեն առնվազն ԵԱՏՄ անդամ-պետությունների կտրվածքով: Սա դրական մոտեցում է և լուրջ ազդեցություն կթողնի հայկական ավիափոխադրողների գործունեության զարգացման վրա»,- ասաց Շաբոյանը:
Նա տեղեկացրել է նաև, ուսումնասիրություն է իրականացվել ավիավառելիքի շուկայում:
«Ավիավառելիքը մեծ տեսակարար կշիռ է կազմում ավիաընկերությունների ծախսերի կառուցվածքում: Այս պահի դրությամբ «Արմենիա» միջազգային օդանավակայաններ» ընկերությունն ինքնուրույն է իրականացնում ավիավառելիքի ներմուծումներ, շուկայում այլ մատակարար ընկերություններ չկան: Մեր տեղեկություններով՝ պատճառն այն է, որ Վրաստանի տարածքում որոշակի խնդիրներ, խոչընդոտներ են առաջանում: Մասնավորապես, վրացական բեռնափոխադրող ընկերություններ կան, որոնք մասնագիտացված են բեռնափոխադրումների իրականացմամբ: Այդ ընկերությունները որոշակի սահմանափակումներ են կիրառում, հեշտությամբ չեն համագործակցում Հայաստան վառելիք ներմուծող ընկերությունների հետ»,- ասաց նա:
ՏՄՊՊՀ նախագահը նշեց, որ դիմել են Վրաստանի մրցակցության պաշտպանության մարմնին, բացատրել իրավիճակը: Վրացի գործընկերները խոստացել են աջակցել:
«Նախատեսում են պատասխանատվության միջոցների կիրառել վրացական այն ընկերությունների և բեռնափոխադրողների նկատմամբ, ովքեր տարբերակված մոտեցում կկիրառեն»,- ասաց նա:
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
