12:14 05.03.2019
Այսօր ԱԺ-ում ԲՀԿ խմբակցության պատգամավոր Նաիրա Զոհրաբյանն անդրադարձել է Նիկոլ Փաշինյանի Բրյուսել կատարած այցին, խոսել Հայաստան-Եվրամիություն ճանապարհային քարտեզի գրեթե պատրաստ լինելու մասին: Զոհրաբյանը նշել է, որ այն քննարկման ընթացքում է և առաջիկայում կհաստատվի:
«Հանգամանալից քննարկում ենք Հայաստան-ԵՄ ճանապարհային քարտեզը, որը պիտի հաստատվի առաջիկայում, գործողությունների քարտեզը: Ըստ էության, կարելի է ճանապարհային քարտեզի աշխատանքներն ավարտած համարել, գիտեք, որ դեռ մեկ տարի առաջ՝ հունիսի 1-ին, ուժի մեջ էր մտել 80 տոկոսը, և հիմա պետք էր հստակ գործողությունների անցնել: Ես կրկին խոսել եմ «Ստեղծագործ Եվրոպա» ծրագրի մեդիաբաղադրիչին Հայաստանի անհապաղ միանալու մասին, որովհետև եթե չենք միանում, մեր կինոգործիչները զրկվում են այդ հսկայական բյուջեից դրամաշնորհներ ստանալու և այն հրաշալի պրոյեկտներից օգտվելու հնարավորությունից»,-ասաց Զոհրաբյանը:
Ինչ վերաբերում է Հայաստան-Եվրամիություն համաձայնագրի վավերացման ընթացքին, պատգամավորն այս հարցում խնդիր է տեսնում և կարծում է, որ ԱԳՆ-ը պետք է արագացնի համաձայնագրի վավերացման ընթացքն այն երկրների կողմից, որոնք դեռևս չեն հաստատել:
«Ես կարծում եմ՝ մեր դիվանագիտական ներկայացուցչությունները ևս պետք է շատ ավելի ակտիվ լինեին: Մայիսին Եվրապառլամենտի ընտրություն է նախատեսված, հասկանալի է, որ չեմ կարծում, որ երկրներն իրենց խորհրդարանական ընտրությունները թողած՝ մտածեին ՀՀ-ԵՄ համաձայնագրի մասին, այո՛, կարծում եմ՝ մեր արտաքին գերատեսչությունը մի քիչ ավելի նախաձեռնողական պետք է լիներ: Եվ մեր դեսպանները, ովքեր հիմա այլևս հույս ունեմ` չեմ կարող ասել, որ դեսպան աշխատում է մի իքս ծագման բիզնեսմենը, հույս ունեմ, որ կադրային դիվանագետները չեն շարունակի նախկին ավանդություները, երբ դեսպան էին դառնում մարդիկ, ովքեր զբաղվում էին ոչ թե ՀՀ արտաքին, այլ սեփական շահը պաշտպանելով: Հուսով եմ, որ մեր դիվանագիտական կորպուսը Հայաստան-ԵՄ համաձայնագրի վավերացման գործում կլինի շատ ավելի ակտիվ, այո՛, տեսնում եմ խնդիր»,-նշեց նա:
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
17:30 04.04.2025
Շրջանառության հարկի դաշտում գործող առք ու վաճառք իրականացնող տնտեսվարողները կկարողանան աջակցություն ստանալԱյս տարվա 1-ին և 2-րդ եռամսյակների համար շրջանառության հարկի դաշտում գործող առք ու վաճառք իրականացնող տնտեսվարողները Կառավարության որոշմամբ աջակցություն կստանան՝ վճարված շրջանառության հարկի և նույն ժամանակաշրջանում առևտրական գործունեությունից ստացված եկամտի 5%-ի տարբերության չափով։ Բացի այդ, որպես լրացուցիչ աջակցություն, շրջանառության հարկի դաշտում գործող առք ու վաճառք իրականացնող տնտեսվարողները կստանան նաև վճարված շրջանառության հարկի և իրացման շրջանառության 1.5%-ի տարբերության չափով […] ...
17:26 04.04.2025
Կարևորվել է Հայաստանի և Վիետնամի առողջապահական ոլորտների միջև համագործակցությունըՆախարար Անահիտ Ավանեսյանն ընդունել է աշխատանքային այցով Հայաստանում գտնվող վիետնամական պատվիրակության առողջապահության ոլորտի ներկայացուցչին: Վիետնամի Հանրապետության առողջապահության նախարարի տեղակալ Թրան Վան Թուանի հետ հանդիպմանը նախարարը կարևորել է երկու երկրների առողջապահական ոլորտների միջև համագործակցությունը` նշելով. «Սա նոր հնարավորություն է քննարկելու այն մարտահրավերները, որոնք մեր երկրների առողջապահական համակարգերի համար արդիական են: Շատ ենք կարևորում նաև փորձի փոխանակումը […] ...
17:23 04.04.2025
Ո՞րն է Զիդանի անգլիական սիրելի մարզադաշտը«Ռեալի» նախկին գլխավոր մարզիչ Զինեդին Զիդանը նշել է, որ իր ամենասիրելի անգլիական ստադիոնը «Էնֆիլդն» է: ««Էնֆիլդը» յուրահատուկ մթնոլորտ ունի: Այնտեղ խաղերն այլ կերպ են ընթանում: Ակումբային մակարդակում չեմ խաղացել այնտեղ, բայց ԵՎՐՈ-1996-ի քառորդ եզրափաիչում կարևոր հանդիպում անցկացրինք Նիդերլանդների ընտրանու դեմ: «Ռեալը» գլխավորելիս էլ հանդիպում ունեցանք «Էնֆիլդում»՝ Չեմպիոնների լիգայում», – ֆրանսիացու խոսքերն է մեջբերում Givemesport-ը: ...
