22:24 01.03.2019
Բարձրագույն խմբի առաջնության 20-րդ տուրին ընդառաջ, «Արարատ-Արմենիա» ակումբի մամուլի քարտուղարությունը զրույց է ունեցել թիմի գլխավոր մարզիչ Վարդան Մինասյանի հետ` կիպրոսյան ուսումնամարզական հավաքի, Պետրոս Ավետիսյանի տրանսֆերի և առաջիկա հանդիպման մասին:
Ինչպե՞ս անցավ կիպրոսյան ուսումնամարզական հավաքը:
– Ինչպես ծրագրով պլանավորել էինք՝ այդպես էլ անցան հավաքները: Շատ էինք վախենում վնասվածքներից, բայց լինելով մեկ ամսից ավելի Կիպրոսում՝ ունեցանք ընդամենը մեկ վնասվածք, ինչը շատ ուրախալի է մեզ համար: Թիմի որակը ահագին բարձրացել է, եթե համեմատեմ անցած տարվա հետ:
Պետրոս Ավետիսյանի տրանսֆերի մասին լուրը բուռն քննարկումների առիթ հանդիսացավ հայկական ֆուտբոլասերների շրջանում, դուք ի՞նչ կարծիք ունեք այդ տրանսֆերի մասին:
– Իրեն վաղուց էինք ճանաչում, և շատ կարևոր է մեզ համար, որ մենք ձեռք ենք բերել հավաքականի ֆուտբոլիստ: Բացի դրանից՝ մենք մեր աշխատանքը միշտ բալանսավորված ենք տանում, աշխատում ենք հայ ֆուտբոլիստներին աջակցել և միևնույն ժամանակ ուժեղ լեգիոներներ բերել: Այդ առումով կարող եմ ասել, որ ձմեռային տրանսֆերները շատ լավն էին այս տարվա:
Եթե խոսենք ընկերական խաղերից, ամենահետաքրքիր հանդիպումը եղավ «Ուրալ»-ի հետ: Հատկանշական է, որ խաղից հետո «Ուրալ»-ի նախկին գլխավոր մարզիչ Ալեքսանդր Տարխանովը նշեց Ձեր թիմային ոգին: Ինչի՞ հաշվին ձեզ հաջողվեց այս կարճ ժամանակում հասնել դրան, և ինչքանո՞վ է դա կարևոր ֆուտբոլում:
– Շատ կարևոր է, մեր մարզիչների փիլիսոփայությունը հենց դրանում է, և ֆուտբոլիստների «դուխը» ամենակարևորն է՝ առանց դրա հնարավոր չէ: Մենք փորձում ենք անընդհատ դա մեր թիմ մտցնել և ժամանակի ընթացքում արդյունքը նկատելի է դառնում: Մենք պետք է նաև հաշվի առնենք, որ այս թիմը դեռ ընդամենը 8 ամսական է, բայց մենք ինչ ասում ենք մեր ֆուտբոլիստները հասկանում են և գիտեն, որ միայն թիմային մտածողությամբ կարող են լավ արդյունքների հասնել:
Ի՞նչ խնդիրներ և բարդություններ կարող են լինել ֆուտբոլիստների համար՝ երեք ամսյա ընդմիջումից հետո առաջին անգամ պաշտոնական խաղում հանդես գալուց:
– Միայն հոգեբանորեն կարող է լինել և միշտ էլ այդպես է՝ առաջին խաղը երկու թիմերի համար էլ դժվար է ստացվում: Կարող եմ ասել, որ ինչ վերաբերվում է ֆուտբոլիստների ֆունկցիոնալ վիճակին՝ մենք դեռ մեր բարձունքի վրա չենք, ընդամենը ընկերական վեց-յոթ խաղ ենք անցկացրել, ավելացնելու տեղ դեռ ունենք:
Այս գործոնները կարող են մի փոքր ազդել վաղվա խաղի վրա, բայց ամեն դեպքում թիմը լավ մոտիվացված է:
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
13:58 19.04.2025
Հռոմում մեկնարկել է ԱՄՆ-ի և Իրանի միջև բանակցությունների երկրորդ փուլըՀռոմում մեկնարկել է ԱՄՆ-ի և Իրանի միջև Թեհրանի միջուկային ծրագրի շուրջ ստեղծված ճգնաժամի կարգավորման բանակցությունների երկրորդ փուլը։ Այս մասին հայտնում է Իրանի պետական հեռարձակողը, փոխանցում է ՏԱՍՍ-ը: Խորհրդակցությունները անցկացվում են Օմանի դեսպանի նստավայրում։ Ավելի վաղ Իրանի ԱԳ նախարարության պաշտոնական ներկայացուցիչ Էսմայիլ Բաղային հայտնել էր, որ Իտալիայի մայրաքաղաքում անուղղակի բանակցություններ կանցկացվեն Օմանի ԱԳ նախարարի միջնորդությամբ։ ...
13:50 19.04.2025
Այսօր կկայանան վերջին տուրի հանդիպումները. Հոկեյի ԱԱԱյսօր Երևանում կկայանա տափօղակով հոկեյի Աշխարհի IV դիվիզիոնի առաջնության վերջին տուրը։ Հայաստանի հավաքականն ԱԱ-ի շրջանակում վերջին հանդիպումը կանցկացնի՝ մրցելով Ինդոնեզիայի հետ։ Հանդիպումը կմեկնարկի 17։00-ին։ Այսօրվա հանդիպումների ժամանակացույցը․ Մալայզիա — Ուզբեկստան / 14։00 Հայաստան — Ինդոնեզիա / 17։00 Իրան — Քուվեյթ / 20։00 Հայաստանի հավաքականն ունի 9 միավոր և երկրորդն է մրցաշարային աղյուսակում, իսկ առաջատարն Ուզբեկստանի […] ...
13:33 19.04.2025
Իրանի ԱԳ նախարարը ժամանել է ՀռոմԻրանի ԱԳ նախարար Աբբաս Արաղչին ժամանել է Իտալիայի մայրաքաղաք Հռոմ՝ մասնակցելու Միացյալ Նահանգների հետ բանակցությունների երկրորդ փուլին։ Ինչպես տեղեկացնում է իրանական IRNA գործակալությունը, Թեհրանն ու Վաշինգտոնը բանակցություններ են վարում Իսլամական Հանրապետության քաղաքացիական միջուկային ծրագրի և Իրանի դեմ ամերիկյան պատժամիջոցների դադարեցման շուրջ քննարկումների համար: ...
13:22 19.04.2025
Առաջիկա օրերի եղանակային կանխատեսումըՀանրապետության տարածքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին առանձին շրջաններում սպասվում է կարճատև անձրև և ամպրոպ։ Քամին՝ հարավարևմտյան՝ 2-5մ/վ: Ապրիլի 21-24-ին առանձին վայրերում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանն ապրիլի 19-ի ցերեկը, 20-22-ին աստիճանաբար կբարձրանա 3-5 աստիճանով։ Երևան քաղաքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին […] ...
