12:36 28.02.2019
ՀՀ փոխվարչապետ Մհեր Գրիգորյանը կառավարության` փետրվարի 28-ի նիստում ներկայացրեց «Հայաստանի Հանրապետության կառավարության 2018 թվականի հունիսի 1-ի N 581-Ա որոշմամբ հաստատված Հայաստանի Հանրապետության կառավարության ծրագրի կատարման ընթացքի և արդյունքների զեկույցի մասին» նախագիծը:
Նա հայտնեց, որ յուրաքանչյուր տարի` մինչև մարտի 1-ը կառավարությունը ԱԺ է ներկայացնում նախորդ տարում իր ծրագրի կատարման ընթացքի և արդյունքների մասին զեկույց: Գրիգորյանը հայտնեց, որ ներկայացվում է 2018 թ. հավանության արժանացած կառավարության ծրագրի վերաբերյալ զեկույցի նախագիծը: Այն այսօր կներկայացվի ԱԺ:
«Զեկույցն ունի կառավարության ծրագրի կառուցվածքը, ըստ այդմ՝ բոլոր շահագրգիռ նախարարությունների և գերատեսչությունների ղեկավարներն, ըստ ոլորտների, ինտենսիվ աշխատել են հատվածների վրա, ընդհանուր առմամբ բոլորս նախագծի տեքստին ծանոթ ենք, բոլոր կետերը կամ դրույթները, որոնց անդրադարձ չի կատարվել, արտացոլված են նոր ծրագրում, և կառավարության հանձնառությունները վերահաստատվել են նոր ծրագրում, ըստ այդմ՝ կարծում եմ, որ բոլոր հարցերը և ամբողջ տեղեկատվությունն ամփոփված է: Խնդրում եմ հավանություն տալ զեկույցի նախագծին»,- ասաց նա:
ՀՀ առողջապահության նախարար Արսեն Թորոսյանը հիշեցրեց՝ նիստից կես ժամ առաջ խնդրել էր, որ մեկ-երկու խմբագրական փոփոխություն անեն, եթե հասցնում են: Գրիգորյանը խոստացավ անել այդ փոփոխությունները, ապա հայտնեց՝ Կառավարության նիստի ավարտից հետո ևս մեկ ժամ զուտ խմբագրական կամ տեխնիկական բնույթի առաջարկներ եթե լինեն, կհասցնեն խմբավորել:
ՀՀ մշակույթի փոխնախարար Նազելի Ղարիբյանը նկատեց՝ մշակույթի մասը բավական կարճ է, տվյալներ կան, որ ներառված չեն, բայց որոնք բխում են քաղաքականությունից, ռազմավարությունից, ուստի ցանկալի կլիներ, որ մի քանի տվյալներ ևս ընդգրկվեին:
Գրիգորյանն ասաց՝ զեկույցը պետք է ունենա որոշակի կառուցվածք, եթե բոլորը փորձեն այս զեկույցում արտացոլել այն ամենը, ինչ իրականացված է, զեկույցը կլինի անվերջ, չափելի և անչափելի: Նա խոստացավ կրկին նայել, բայց չխոստացավ ներառել այդ տվյալները, քանի որ չափի և ծավալի սկզբունքը կխախտեն:
Ղարիբյանը նկատեց՝ խոշոր իրադարձությունները համամասնորեն չեն ներկայացված:
«Մերը մի պարբերություն է, Սպորտի նախարարությանը՝ հինգ անգամ ավելի»,- ասաց նա:
«Սպորտն էլ կկրճատենք, խնդիր չկա»,- կատակով արձագանքեց Գրիգորյանը:
ՀՀ փոխվարչապետ Տիգրան Ավինյանն էլ հիշեցրեց՝ դեռ մեկ ժամ կա, կարելի է քննարկել, ապա խոստացավ, որ բոլոր խելամիտ առաջարկները կընդունվեն:
16:50 04.04.2025
Գևորգ Պապոյանն ու Նուբար Աֆեյանը քննարկել են Հայաստանի ներդրումային միջավայրի բարելավման և գրավչության բարձրացման վերաբերյալ հարցերՀՀ էկոնոմիկայի նախարար Գևորգ Պապոյանն այսօր ընդունել է հայազգի գործարար և բարերար Նուբար Աֆեյանին: Հանդիպմանը ներկա է եղել նաև նախարարի տեղակալ Լիլյա Սիրականյանը։ Հանդիպման ընթացքում քննարկվել են պետություն-մասնավոր հատվածի արդյունավետ համագործակցության շրջանակներում մասնավոր ներդրումային ֆոնդ ստեղծելու հայեցակարգը, ինչպես նաև Հայաստանի ներդրումային միջավայրի բարելավման և գրավչության բարձրացման վերաբերյալ հարցեր։ Նախարարը նշել է, որ որ ներդրումները կարող […] ...
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
