11:56 28.02.2019
ՀՀ ֆինանսների նախարար Ատոմ Ջանջուղազյանը փետրվարի 28-ին կառավարության նիստում ներկայացրեց ««Վիճակախաղերի մասին» Հայաստանի Հանրապետության օրենքում լրացումներ կատարելու մասին» Հայաստանի Հանրապետության օրենքի նախագծի վերաբերյալ կառավարության առաջարկության նախագիծը»: Նա նշեց՝ ակնկալիքն է, որ մոլախաղերով հրապուրվելը դառնա ավելի դժվար:
Նախագծով սահմանվում է, որ անձի տարիքի ստուգումից հետո միայն հնարավորություն տրվի մուտք գործել և խաղերին մասնակցություն ունենալ, բացի այդ, եթե մոլախաղերով տարված լինելու հիմքով կան նաև կայացված դատական վճիռներ, այդ անձանց մուտքը խաղային տարածքներ ևս կսահմանափակվի: Ջանջուղազյանն ասաց, որ կա նաև կարգավորումների թուլացում, խաղային բնագավառում գործունեության կազմակերպչին թույլ է տրվում կազմակերպել նաև հարակից ծառայություններ՝ ինտերնետ սպասարկում, ինտերնետ շահումով խաղերի կազմակերպման ծրագրային ապահովում, դրա սպասարկման ծառայությունների մատուցման գործունեություն, աշխատակիցների և տոմսերի վաճառքի կետերում հարմարավետությունն ապահովելու համար հանրային սննդի գործունեության կազմակերպում:
ՀՀ փոխվարչապետ Տիգրան Ավինյանը նշեց՝ կարո՞ղ է իրավիճակ ստեղծվել, որ ինտերնետ շահումով խաղերի օտարերկրյա կազմակերպիչներն առավելություն ունենան:
«Այդ հարցը ևս բալանսավորե՞լ ենք, թե՞ նման խնդիր չունենք»,- հետաքրքրվեց նա:
Ջանջուղազյանն ասաց, որ կազմակերպիչների առջև այդ խնդիրը դրված է, բայց մասնակիցների՝ այդ խաղերից օգտվելը սահմանափակելու խնդիրը լուծված չէ:
«Աշխարհում նման հաջողված փորձ չկա, որ հնարավոր լինի սահմանափակել մասնակիցների համար, բայց կազմակերպելու տեսակետից կա դրույթ, որ արգելվում է օտարերկրյա պետություններում կազմակերպված վիճակախաղերին մասնակցելու հնարավորության ստեղծումը, դա արգելվում է կազմակերպչի համար»,- ասաց նա:
Նախարարը նաև հայտնեց՝ այս նախագծով հանրային նշանակության օբյեկտներ (սրճարան, բար, ռեստորան, հյուրանոց, ինտերնետ ակումբ (սրահ), գազալցակայան, առևտրի սրահ, զվարճանքի և հանրային սպասարկման այլ վայրեր) շահագործող անձինք պարտավոր են արգելափակել ՀՀ տարածքում ինտերնետ շահումով խաղերի կազմակերպման լիցենզիա ստացած անձանց պաշտոնական կայքերի հասանելիությունը: Նախագիծն ընդունվեց:
16:50 04.04.2025
Գևորգ Պապոյանն ու Նուբար Աֆեյանը քննարկել են Հայաստանի ներդրումային միջավայրի բարելավման և գրավչության բարձրացման վերաբերյալ հարցերՀՀ էկոնոմիկայի նախարար Գևորգ Պապոյանն այսօր ընդունել է հայազգի գործարար և բարերար Նուբար Աֆեյանին: Հանդիպմանը ներկա է եղել նաև նախարարի տեղակալ Լիլյա Սիրականյանը։ Հանդիպման ընթացքում քննարկվել են պետություն-մասնավոր հատվածի արդյունավետ համագործակցության շրջանակներում մասնավոր ներդրումային ֆոնդ ստեղծելու հայեցակարգը, ինչպես նաև Հայաստանի ներդրումային միջավայրի բարելավման և գրավչության բարձրացման վերաբերյալ հարցեր։ Նախարարը նշել է, որ որ ներդրումները կարող […] ...
16:42 04.04.2025
Գեղարքունիքի մարզի պարեկներն ապօրինի թմրաշրջանառության դեպքեր են բացահայտելՀանցագործությունների, այդ թվում՝ ապօրինի թմրաշրջանառության դեմ Գեղարքունիքի պարեկների պայքարը շարունակում է դրական արդյունքներ տալ։ Ներկայացնենք մարտի 31-ից ապրիլի 3-ն ընկած ժամանակահատվածում բացահայտումներից մի քանիսը: Գեղարքունիքի պարեկները մարտի 31-ին Երևան-Սևան-Իջևան ճանապարհին ծառայություն իրականացնելիս, թմրամիջոց պահելու և օգտագործելու կասկածանքով, ձերբակալել ու մեքենայով հանդերձ՝ Համայնքային ոստիկանության Սևանի բաժին են ներկայացրել Ճամբարակի 24-ամյա մի բնակչի։ Բաժնում երիտասարդը ներկայացրել է […] ...
16:36 04.04.2025
Ռուբիոն կարծում է, որ ԱՄՆ Կոնգրեսը կպահանջի Ռուսաստանի դեմ պատժամիջոցների խստացումԱՄՆ պետքարտուղար Մարկո Ռուբիոն կարծում է, որ ԱՄՆ Կոնգրեսը ճնշում կգործադրի նախագահ Դոնալդ Թրամփի վարչակազմի վրա՝ Ռուսաստանի դեմ պատժամիջոցները խստացնելու համար։ «Կապիտոլիումից կավելացվի ճնշումը պատժամիջոցները մեծացնելու համար, և մենք չենք կարողանա կանխել դա, եթե առաջընթաց չգրանցենք խաղաղ կարգավորման հարցում (Ուկրաինայում)», – ասել է նա Բրյուսելում ՆԱՏՕ-ի արտաքին քաղաքականության ղեկավարների հանդիպման արդյունքներով կայացած մամուլի ասուլիսում։ Ռուբիոն […] ...
16:33 04.04.2025
Ալեքսանդր Օվեչկինը NHL-ում նետել է 891-րդ տափօղակըՀոկեյի ազգային լիգայի (NHL) կանոնավոր առաջնության հերթական խաղում «Վաշինգտոն Քեփիթալզը» հյուրընկալվելիս 4-3 հաշվով հաղթել է «Բոսթոն Բրյուինզին»: Մայրաքաղաքային թիմի կազմում այս մրցաշրջանում 38-րդ տափօղակն է նետել Ալեքսանդր Օվեչկինը: 39-ամյա ռուս հարձակվողը գոլերի քանակը հասցրել է 891-ի: Բոլոր ժամանակների գլխավոր ռմբարկու Ուեյն Գրեցկիի ռեկորդը գերազանցելու համար Օվեչկինին պետք է աչքի ընկնել ևս 4 անգամ: Լեգենդար Գրեցկին […] ...
16:27 04.04.2025
Ռյուտե. ԱՄՆ-ը կշարունակի զենք մատակարարել ՈւկրաինայինՆԱՏՕ-ի գլխավոր քարտուղար Մարկ Ռյուտեն հայտարարել է, որ ԱՄՆ-ից զենքի և հետախուզական տվյալների հոսքը Ուկրաինա կշարունակվի, չնայած այն բանին, որ ամերիկյան կողմը չի մասնակցի ապրիլի 11-ին Բրյուսելում Ուկրաինայի հարցով կոնտակտային խմբի հանդիպմանը։ «Ոչինչ չի փոխվի: ԱՄՆ-ի օգնության և հետախուզական տվյալների հոսքը կշարունակվի»,- ասել է նա ՆԱՏՕ-ի արտգործնախարարների հանդիպման արդյունքներով կայացած մամուլի ասուլիսում: Ավելի վաղ ՆԱՏՕ-ի […] ...
16:24 04.04.2025
Առանձնապես խոշոր չափերով կաշառք ստանալուն օժանդակելու և կաշառք տալու մեջ մեղադրվող դատավորի օգնականի ու համայնքի վարչական ղեկավարի վերաբերյալ վարույթով նախաքննությունն ավարտվել էՀՀ հակակոռուպցիոն կոմիտեում Ազգային անվտանգության ծառայությունից ստացված նյութերի հիման վրա նախաձեռնված քրեական վարույթով պարզվել է, որ ընդհանուր իրավասության դատարանի դատավորի օգնականը օժանդակել է ՀՀ դատական իշխանության ներկայացուցչի կողմից առանձնապես խոշոր չափերով կաշառք ստանալուն՝ նույն մարզի համայնքի վարչական ղեկավարի մատնանշած անձի օգտին բարենպաստ վճիռ կայացնելու համար: Մասնավորապես՝ նախաքննությամբ հիմնավորվել է, որ ՀՀ դատական իշխանության պաշտոնատար անձը, […] ...
