19:55 26.02.2019
«Մեր քաղաքականության հիմնաքարային մոտեցումներից մեկն այն է, որ սոցիալական աջակցությունը և զբաղվածությունը չեն կարող լինել իրարից անջատ: Մեր ծրագրերն ուղղված են լինելու քաղաքացիների կարողությունների զարգացմանը, նրանց նպաստային համակարգից զբաղվածության դաշտ բերելու ջանքերին: Այս իմաստով մեզ համար չափազանց կարևոր են ձեր կողմից իրականացվող ծրագրերը, քանի որ դրանց հիմքում ևս նույն սկզբունքն է»,- այս մասին ՄԱԿ -ի պարենի և գյուղատնտեսության կազմակերպության կողմից իրականացվող «Կովկասի և Կենտրոնական Ասիայի ընտրված երկրներում պարենային անվտանգությանը և սնուցմանն ուղղված կարողությունների հզորացում» ծրագրի համակարգողների հետ հանդիպման ժամանակ ասել է ՀՀ աշխատանքի և սոցիալական հարցերի նախարար Զարուհի Բաթոյանը:
Ծրագիրը, որն անվանում են նաև «Նպաստ +», ուղղված է խոցելի (նպաստառու) տնային տնտեսությունների կենսապահովման պայմանների, արտադրական կարողությունների ու պարենային ապահովության բարելավմանը: «Նպաստ+» փորձնական ծրագրի իրականացման համար ՄԱԿ-ի ՊԳԿ-ի կողմից ընտրվել են Շիրակի մարզի Մարմաշեն խոշորացված համայնքի Մարմաշեն, Մայիսյան, Հացիկ, Վահրամաբերդ, Քեթի, Հովունի, Շիրակ, Սարիար գյուղական համայնքները և Լոռու մարզի Գյուլագարակ խոշորացված համայնքի Գյուլագարակ, Պուշկինո, Վարդաբլուր համայնքները: Շահառուների ընտրության հիմնական չափանիշները եղել են նպաստառու լինելու հանգամանքը և ընտանիքում առնվազն մեկ 0-5 տարեկան երեխայի առկայությունը:
Այսպիսով, կարիքների գնահատում է իրականացվել ըստ սահմանված չափորոշիչի ընտրված 176 տնային տնտեսություններում, որոնցից փորձնական ծրագրում ընդգրկվել են միայն 133-ը:
Շահառուների համար ձևավորվել է աջակցության երկու փաթեթ, որոնցից մեկը ներառում է մեկ հղի երինջ և մեկ տարվա կեր կենդանու համար, իսկ երկրորդը՝ երեսուն հավ, մեկ տարվա կեր և ազնվամորենու 100 տնկի:
Ծրագրի համակարգող Զարուհի Բեգլարյանի հավաստմամբ՝ հիմնական նպատակը նպաստառուներին ակտիվ զբաղվածության դաշտ բերելն է, աշխատանքի խրախուսումը:
«Մենք հույս ունենք, որ ծրագրի ամփոփումից հետո իրականացված մշտադիտարկումը և դրա արդյունքները թույլ կտան մեզ ակնկալել, որ այն շարունակական է լինելու, քանի որ դա կազդի շահառուների սոցիալական ինտեգրմանը, աշխատաշուկայում նրանց ներգրավվածությանը, ինչպես նաև արժեհամակարգային փոփոխությունների, ինչը պակաս կարևոր չէ»,- ասել է նա:
Նշենք, որ ծրագրի համաձայնագիրը ստորագրվել է 2017 թ. դեկտեմբերին և նախատեսված է եղել մինչ 2018 թ. ավարտը, սակայն հետագայում այն, առանց լրացուցիչ միջոցներ ներգրավելու, երկարաձգվել է մինչև 2019 թ. հուլիսի 31-ը:
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
