11:41 21.02.2019
ԵՊՀ-ում տեղի ունեցող հապճեպ զարգացումներին քիչ առաջ անդրադարձել է ՀՀ ԿԳ նախարար Արայիկ Հարությունյանը Facebook-ի ուղիղ եթերում: Նրան զարմացրել է հանգամանքը, թե այս օրերին, երբ բոլորն զբաղված էին Թումանյանի 150-ամյակի միջոցառումներով, ինչու է Արամ Սիմոնյանը, իր խոսքերով ասած, «խուճապահար» անցկացնում գիտխորհրդի նիստ:
«Արամ Սիմոնյանը ստում է, որ ԵՊՀ 100-ամյակի միջոցառումները մենք խափանում ենք: Հանձնաժողովը չի ստեղծվել մի պատճառով, որ ես գլխավորում եմ Թումանյանի 150 և Կոմիտասի 150-ամյակների հանձնաժողովները, զուտ տեխնիկական պատճառներով ստեղծված չի: Սիմոնյանի պնդումը, թե իր անձի հետ է կապված հանձնաժողով չստեղծելը, սուտ է և կեղծիք: Սիմոնյանն այս ամիսներին շատ լայն հնարավորություն է ստացել արժանապատիվ գործելու, որովհետև ինքնակառավարման այնպիսի լայն հնարավորություններ, որ այս իշխանության օրոք են ստացել, երբևէ չեն ունեցել, հետևաբար, կարող էր նման կեղծիքի չգնալ»,- հայտարարել է Հարությունյանը:
Նա նշում է, որ այս գործողություններով համոզվեց, թե ինչպիսի ղեկավար է եղել և ուզում լինել Սիմոնյանը, որը համալսարանը որպես վահան է փորձում օգտագործել՝ քրեական հետապնդումներից խուսափելու նպատակով: ԿԳ նախարարը պատմում է.
«Մենք ունեցել ենք Արամ Սիմոնյանի հետ զրույց, որի ժամանակ ես իմ մտահոգությունն եմ հայտնել, որ հարյուրամյակին չեմ պատկերացնում իր մասնակցությունը, որովհետև բոլոր այն խախտումները, նեգատիվը, որ կա համալսարանում, կապված են իր հետ»:
Նախարարը կարծում է, որ, Սիմոնյանը նաև գիտխորհուրդն օգտագործում է ինքնապաշտպանվելու համար: Հետևաբար, դիմում է գիտխորհրդին՝ ասելով.
«Որոշումը ձերն է, պատասխանատվությունը ձերն է, ԿԳՆ-ն ձեզ ոչինչ չի ասելու, բուհը լիարժեք ինքնավար է, դուք եք որոշում` մտնե՞լ Արամ Սիմոնյանի կեղծիքի և ստի տակ»:
Ըստ նրա՝ կեղծիք է նաև քաղաքական պատճառով Սիմոնյանի հետապնդման մասին հայտարարությունը: ՀՀԿ-ին անդամակցությունը, ըստ Հարությունյանի, չի կարող դրա պատճառ լինել:
08:20 11.04.2025
Հանրահատ Ջենիֆեր Լոպեսը հանդես կգա «Հանրապետական» ստադիոնումՀռչակավոր երգչուհի Ջենիֆեր Լոպեսը հրապարակել է իր Up All Night համերգային տուրի ժամանակացույցը: Ամերիկուհու շրջագայության վերջին համերգը կկայանա Երևանում: Համերգը տեղի կունենա օգոստոսի 3-ին «Հանրապետական» ստադիոնում: Երգչուհին 33 օրում ելույթ կունենա 17 քաղաքներում, որոնցից 7-ը՝ Իսպանիայում: ...
08:15 11.04.2025
CNN. ԱՄՆ-ը չի լինելու առաջինը, ով կապ ունի Չինաստանի հետ մաքսատուրքերի հարցումԱՄՆ-ը մտադիր չէ առաջինը կապ հաստատել Չինաստանի հետ մաքսատուրքերի շուրջ բանակցությունների համար, հայտնում է CNN-ը՝ վկայակոչելով ԱՄՆ վարչակազմի բարձրաստիճան պաշտոնյաներին։ Նրանց խոսքով՝ ԱՄՆ նախագահ Դոնալդ Թրամփն իր ենթականերին ասել է, որ Չինաստանը պետք է անի առաջին քայլը, քանի որ, Վաշինգտոնի կարծիքով, հենց Պեկինն է սրել առևտրային հակամարտությունը՝ իր պատասխան մաքսատուրքերով։ Միաժամանակ, CNN-ը մատնանշում է, որ […] ...
08:05 11.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
08:00 11.04.2025
Էմիլիանո Մարտինեսի սադրանքը ՊՍԺ-ի դեմ խաղից առաջ«Ասթոն Վիլայի» դարպասապահ Էմիլիանո Մարտինեսը ՊՍԺ-ի դեմ Չեմպիոնների լիգայի քառորդ եզրափակչի առաջին խաղից առաջ կրկին ծաղրել էր Ֆրանսիայի հավաքականին: Արգենտինացին Փարիզում զբոսնել էր մի գլխարկով, որի վրա Ֆրանսիայի հավաքականի խորհրդանիշն է, որը, սակայն, ծածկված է Արգենտինայի հավաքականի նվաճած տիտղոսներով՝ աշխարհի գավաթով, Ամերիկայի գավաթով ու Ֆինալիսիմայով: Մարտինեսը, մեղմ ասած, սիրված չէ Ֆրանսիայում, քանի որ աշխարհի առաջնության […] ...
23:59 10.04.2025
Ավտոտնակների փոխարեն՝ բարեկարգ բակԵրևանի բոլոր վարչական շրջաններում իրականացվում է բակերի բարեկարգում: Այս մասին հայտնել են Երևանի քաղաքապետարանից: Ապօրինաբար կառուցված ավտոտնակները քանդվում են, ընդլայնվում են բակային տարածքները: Մասնավորապես Արաբկիր վարչական շրջանում՝ Նիկողայոս Տիգրանյան փողոցի 10 հասցեում, հեռացվում է շուրջ 10 ավտոտնակ: Տեղում կառուցվելու է խաղահրապարակ, հարակից հատվածները կանաչապատվելու են: Կատարվող աշխատանքներին հետևել է Երևանի քաղաքապետի առաջին տեղակալ Արմեն Փամբուխչյանը: ...
23:54 10.04.2025
Թբիլիսին պատրաստ է աջակցել Երևանի և Բաքվի միջև կարգավորման գործընթացինՎրաստանը միշտ բաց է երկխոսության համար և պատրաստ է նպաստել Հարավային Կովկասում երկարատև խաղաղության հաստատմանը: Այս մասին հայտարարել է Վրաստանի արտաքին գործերի նախարար Մակա Բոճորիշվիլին Դելֆիի տնտեսական ֆորումի շրջանակներում կազմակերպված քննարկման ժամանակ: Բոճորիշվիլին նշել է, որ Թբիլիսին պատրաստ է աջակցել Ադրբեջանի և Հայաստանի միջև կարգավորման գործընթացին։ Նրա խոսքով՝ Վրաստանը ցանկանում է օգնել երկու կողմերին երկխոսության […] ...
