16:37 18.02.2019
ՀՀ աշխատանքի և սոցիալական հարցերի նախարար Զարուհի Բաթոյանը փետրվարի 18-ին ընդունել է Հայաստանում Ռուսաստանի արտակարգ և լիազոր դեսպան Սերգեյ Կոպիրկինին: Նախարարը կարևորել է այն հանգամանքը, որ իր առաջին դիվանագիտական հանդիպումն հենց ՌԴ դեսպանի հետ է՝ հաշվի առնելով երկու երկրների ընդհանուր անցյալը, բարեկամական հարաբերությունները և համագործակցությունը տարբեր ոլորտներում: Այս մասին հայտնում են ՀՀ աշխատանքի և սոցիալական հարցերի նախարարությունից:
«Ես համոզված եմ, որ մեր երկրների միջև համագործակցության և համատեղ աշխատանքի շատ լայն հնարավորություններ կան, որոնք մենք կարող ենք իրացնել՝ սոցիալական ապահովության, զբաղվածության, հավասար հնարավորությունների ստեղծման ոլորտում: Այդ իմաստով ուրախ կլինենք քննարկել համագործակցության կամայական հնարավորություն և, քանի որ մեր համակարգերը և հասարակությունները շատ հարցերում միանման իրավիճակներում են, դա մեզ թույլ կտա առավել ճկուն լինել»,- ասել է նախարարը:
ՌԴ դեսպան Կոպիրկինը շնորհավորել է նախարար Բաթոյանին՝ բարդ և պատասխանատու նշանակման կապակցությամբ, և հույս հայտնել, որ համագործակցության՝ նախարարի պատրաստակամությունը կարճ ժամանակ անց արդյունք կտա՝ կոնկրետ ծրագրերի շրջանակում համատեղ աշխատանքի տեսքով:
«Մենք շատ ուրախ ենք տեսնել ՌԴ-ի հետ սոցիալական ոլորտում համագործակցությունն ընդլայնելու Ձեր պատրաստակամությունը: Այդ համագործակցությունը թելադրված է հենց կյանքի կողմից՝ հաշվի առնելով ՌԴ-ում աշխատող ՀՀ քաղաքացիների կամ թոշակառուների խնդիրները, որոնց մեր հյուպատոսական ներկայացուցչությունները բախվում են ամեն օր: Մեր երկու հասարակությունները սերտորեն կապված են սոցիալական ապահովության ոլորտի խնդիրներով: Այս համատեքստում սոցիալական ոլորտի համագործակցությունը կարևորագույն նշանակություն ունի մեր երկրների երկկողմ հարաբերություններում»,- ասել է դեսպանը:
Նախարար Բաթոյանը նշել է, որ երկու երկրների միջև սոցիալական ոլորտի համագործակցությունը պետք է համակարգային բնույթ կրի.
«ՌԴ տարբեր ֆոնդերի և կառույցների հետ ոլորտային բավականին սերտ համագործակցություն ունենք, այդ իսկ պատճառով կարևորում ենք նաև փորձի փոխանակումը: Մենք համոզված ենք, որ փորձի փոխանակման լավ օրինակ կարող է լինել հավասար հնարավորությունների ստեղծման ոլորտը, որտեղ բավականին լավ փորձ ունենք և կարող ենք մեր ներդրումն ունենալ»,- ասել է նախարարը:
Կողմերը կարևորել են նաև երկու երկրների համագործակցության որակապես նոր մակարդակը, որը պայմանավորված է ԵԱՏՄ անդամակցությամբ: ՌԴ դեսպանը նշել է, որ տնտեսական այս կառույցում Հայաստանի դերը խիստ կառուցողական է, իսկ սոցիալական ոլորտը կառույցի ինտեգրացիոն քաղաքականության կարևորագույն օղակներից է:
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
