13:10 12.02.2019
Շիրակի մարզի ընդհանուր իրավասության դատարանն այսօր քննել է Գյումրիում դեկտեմբերի 2-ին ռուս զինծառայողի ծեծի հետևանքով մահացած Ջուլիետա Ղուկասյանի իրավահաջորդի փաստաբանների բողոքը:
Հիշեցնենք, փաստաբաններ Արթուր Սաքունցը և Արայիկ Զալյանը նախաքննական մարմնին 2018թ. դեկտեմբերին միջնորդություն էին ներկայացրել ռուս զինծառայողին ՀՀ ՔԿՀ տեղափոխելու մասին, որը քննչական մարմինը մերժել էր: Մերժման որոշումը փաստաբանները դատարանում բողոքարկել են:
Այսօր մինչդատավարական վարույթի քննության առաջին նիստն էր, որին քննչական մարմնի ներկայացուցիչը ներկա չէր: Նա համապատասխան գրություն էր ուղարկել: Նախաքննական կառույցը նաև բողոքի նյութերը դատարանին չէր փոխանցել, իսկ առանց համապատասխան նյութերի դատարանը չի կարող բողոքը քննել:
«Մենք պնդում ենք, որ այդ նյութերն անպայման ներկայացնեն դատարան: Դրանք այն փաստաթղթերն են, որոնց հիման վրա դատարանը որոշում է կայացնելու, թե մեր բողոքը իրավաչա՞փ է, թե՞ ոչ»,- SHANTNEWS.am-ի հարցին ի պատասխան` ասել է Ջուլիետա Ղուկասյանի իրավահաջորդի ներկայացուցիչ Արայիկ Զալյանը:
Նշենք, որ նախաքննական մարմինը ռուս զինծառայողին ՀՀ ՔԿՀ տեղափոխելու միջնորդությունը, որպես մերժման հիմնավորում, ներկայացրել էր այն, որ խախտվում է ՌԴ օրենսդրությունը: Տուժողի իրավահաջորդի ներկայացուցիչն այս պնդումը անհիմն է համարում:
«Իրենց որոշումներում վկայակոչված է այդ մի նախադասությունը, որ խախտվում է ՌԴ օրենսդրությունը: Դա մեզ համար անհիմն պատճառաբանություն է: Նույնիսկ վկայակոչված չէ, թե ինչ օրենսդրություն է խախտվում: Ցանկացած հարցի մերժման նման հիմնավորում յուրաքանչյուրս կարող ենք տալ: Մենք ունենք փաստ, որ տվյալ անձը գտնվում է ՌԴ ռազմաբազայում, որը տեղակայված է Հայաստանում, ունենք փաստ, որ նրա նկատմամբ խափանման միջոց կիրառելու որոշումը կայացրել է ՀՀ ընդհանուր իրավասության դատարանը, ունենք փաստ, որ հանցագործությունը տեղի է ունեցել Հայաստանում`Գյումրիում»,- ասել է Արայիկ Զալյանը
Դատարանն այսօր արձանագրել է, որ մինչդատավարական վարույթի քննությունը դռնփակ անցկացնելու հիմքեր չկան և դատական նիստը հետաձգել է մինչև մարտի 15-ը: Այս ժամկետում դատարանն ակնկալում է քննչական մարմնից բողոքին վերաբերող նյութերը ստանալ:
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
