16:22 09.02.2019
Սիրիա մեկնող հայկական առաքելությունը հումանիտար (մարդասիրական) է, ոչ թե խաղաղապահ, և սա շատ կարևոր է։ Այս մասին այսօր SHANTNEWS.am-ի հետ զրույցում ասաց արաբագետ Արմեն Պետրոսյանն ու նշեց՝ դրանք միջազգային իրավական եզրեր են։ Խաղաղապահ առաքելությունները պարունակում են նաև ռազմական գործառույթներ ու կարող են լինել հակամարտության գոտիներինում՝ հրադադարի պահպանության համար, իսկ հումանիտար առաքելություններում բացառվում է ռազմական դերակատարումը։
Հայաստանից ուղարկվող խումբը գործելու է ռուսական կողմի հետ համագործակցությամբ։ Արդյո՞ք սա ընկալելի է Հայաստանի արևմտյան գործընկերների համար։ Այս հարցին պատասխանելիս Արմեն Պետրոսյանը նշեց, որ Հայաստանը իր որոշումը կարող է բացատրել ցանկացած գործընկերոջ։
«Երևի թե երկրորդ երկիր չկա աշխարհում, որ ունի այնպիսի հետաքրքրություններ Սիրիայում, ինչպիսին Հայաստանի Հանրապետությունն է, և այդ շահերի, այդ հետաքրքրությունների իրացման ճանապարհին մենք կարող ենք բացատրել ցանկացած երկրի կամ ցանկացած դերակատարի, թե ինչու է Հայաստանի Հանրապետությունը գնում նման քայլի։ Այնպես չէ, որ միայն ռուսական կողմի հետ ենք գնում։ Համոզված եմ, որ պատրաստակամ ենք ցանկացած հնարավորության դեպքում նաև այլ շրջանակներում համագործակցել»,- ասաց արաբագետը։
Նա օրինակ բերեց փախստականների հարցը․ Հայաստանը բնակչության թվի համամասնությամբ ամենաշատ սիրիացի փախստականներ ընդունած երկիրն է։ Արաբագետի խոսքով՝ նաև Միացյալ Նահանգների հետ համագործակցության հնարավորություն կա, բայց Վաշինգտոնը նման նախաձեռնությամբ հանդես չի եկել։
Ինչ վերաբերում է մեկնողների անվտանգությամը, ապա հումանիտար առաքելության համար հավանաբար ապահովվել են անվտանգության ապահովման մեխանիզմներ։ Ընդ որում՝ արդեն իսկ նշվել է, որ անվտանգությունն ապահովվելու է նաև ռուսական ու սիրիական կողմերի օժանդակությամբ։ Բայց կա նաև անվտանգության ավելի հարազատ միջոց՝ հայկական միջավայրը։
«83 հոգին միլիոնից ավել բնակչություն ունեցող քաղաքի (Հալեպ – խմբ) համար բավական փոքր թիվ է, և նրանց աշխարհագրական արեալը խիստ սահմանափակ է լինելու։ Եվ նրանք հիմնականում տեղակայված են լինելու հայաբնակ շրջաններում, թաղամասերում, որտեղ, ես կարծում եմ, շատ ավելի հեշտ կլինի անվտանգության ապահովումը՝ հաշվի առնելով նաև անցյալ երկու տարիներին այս ուղղությամբ սիրիական կառավարության իրականացրած գործողությունները»,- ասաց արաբագետը։
00:00 06.04.2025
Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունըՄԱԿ-ում ՀՀ մշտական ներկայացուցչի պաշտոնավարման (2018թ. օգոստոսից) ժամկետի ավարտի կապակցությամբ` ՄԱԿ-ում ՀՀ դեսպան Մհեր Մարգարյանը հանդիպում է ունեցել ՄԱԿ գլխավոր քարտուղար Անտոնիո Գուտերեշի հետ։ Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը ՀՀ դեսպանը կարևորվել է միջազգային հարաբերությունների ներկայիս բարդ ժամանակահատվածում ՄԱԿ դերակատարությունը և Գլխավոր քարտուղարի առաջնորդությունը։ Ընդգծվել է բազմակողմ համագործակցության ձևաչափի ամրապնդման անհրաժեշտությունը` […] ...
23:53 05.04.2025
Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումըՍիրիայի հարավային Դարաա և Էս-Սուվեյդա նահանգներում էլեկտրաէներգիայի լայնածավալ անջատում է գրանցվել։ Այս մասին հայտնել է Al-Ikhbaria հեռուստաալիքը։ Աղբյուրի տվյալներով՝ էլեկտրամատակարարումը դադարեցվել է դիվերսիայի հետևանքով առաջացած անսարքության պատճառով։ Հաղորդվում է, որ տեխնիկական սպասարկման բրիգադները սկսել են վերանորոգման աշխատանքները: ...
23:48 05.04.2025
Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակըՖրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...
23:37 05.04.2025
Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...
23:24 05.04.2025
ՄԱԿ-ում ՀՀ պատվիրակությունը կարևորել է ռազմական ոլորտում արհեստական բանականության հավելվածների օգտագործման համար մարդկային պատասխանատվության պահպանման անհրաժեշտությունըԱպրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական բանականության կարողությունների զարգացումը պետք է կարգավորվի միջազգային […] ...
23:09 05.04.2025
«Դինամո Մինսկ»-«Նեման» հանդիպումը չեղարկվել է. հայտնի է պատճառըՖուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...
