12:42 07.02.2019
Անցած գիշեր գողության հերթական փորձն է կատարվել Երևանում. այս անգամ գողերը որոշել են մուտք գործել Պետական կամերային երաժշտական թատրոն: Թե գողոնի ինչ ակնկալիք են ունեցել չարագործները մշակութային օջախից, պարզ չէ, քանի որ ազդանշանային համակարգի շնորհիվ ոստիկաններին հաջողվել է կանխել գողության դեպքը: Գողերը դիմել են փախուստի:
Դեպքի վերաբերյալ SHANTNEWS.am-ը տեղեկություններ ստացավ թատրոնի տնօրեն Հռիփսիմե Առաքելյանից, որը մասնավորապես նշեց.
«Օպերատիվ կերպով ոստիկանության աշխատակիցները հասել են դեպքի վայր, գողությունը կանխվել է, պարզապես այստեղ մի խնդիր կա. Գիտենք՝ համաներումից հետո գողության դեպքերը որքան են շատացել, մասնավորապես Երևանում, ու խնդրահարույց է այն, որ արդեն մշակութային օջախների վրա են գողության ձեռնարկները լինում, այսինքն՝ կարելի է մտնել թատրոններ: Ինչ էլ տանեն, լավ է, մոտեցումն է գործում»,- նշեց Հռիփսիմե Առաքելյանը:
Հարցին` եթե բանկերի թալանի տրամաբանությունը հասկանալի է, ապա հետաքրքիր է, թե ինչ են փնտրել գողերը թատրոնում. արդյո՞ք տոմսարկղի պարունակությունը դատարկելու հույսեր են ունեցել, տնօրենն ասաց.
«Եթե բանկերը թալանում են, էլի հասկանում ես, որ էնտեղ գումար կա, իհարկե, թատրոններում էլ կան այդ փողերը, ոչ այդ չափերի, բայց տոմսային տնտեսություն է թատրոնը վարում, և չհրկիզվող պահարաններ կան, որ այդ օրվա գումարը մուտքագրվում է, այնուհետ տեղափոխվում բանկ: Փառք աստծո, մեզ մոտ չի եղել գումար, որովհետև մենք օրվա շրջանառությունն անմիջապես մուտքագրում ենք մեր հաշվի վրա, թույլ չենք տալիս, որ գումար մնա շենքում` այսպիսի ռիսկերը հաշվի առնելով»:
Միայն վերջին շրջանում՝ համաներումից հետո տեղի ունեցող գողության դեպքերի մեծ թիվը հաշվի առնելով է, որ տնօրենը եզրակացնում է` գողերը դրա արդյունքում են գալիս թատրոն: Իսկ ինքը անվտանգության համակարգը խստացրել էր ավելի վաղ, դեռևս անցյալ տարվա ապրիլին:
«Սուղ միջոցներից ներդրում արեցինք և ոստիկանության հետ պայմանագիր կնքեցինք, որ ծառայություն մատուցեն և, փաստորեն, ամիսներ անց այդ խնդրին բախվեցինք, շատ լավ է, որ լուծեցինք, որովհետև եթե արած չլինեինք, հավատացեք, որ մեր թատրոնում այս գիշեր մեծ թալան էր լինելու»- վստահեցրեց Առաքելյանը:
Ինչ վերաբերում է ձեռնարկվելիք քայլերին, ապա կարծում է, որ յուրաքանչյուր կազմակերպության ղեկավար ինքը կարող է խստացնել անվտանգության համակարգերը, այս մասին կոչով ինքը հանդես է եկել նաև սոցցանցում.
«Թատրոնի գործընկերներ ջան, անվտանգության համակարգեր տեղադրեք շենքերին, գողերն արդեն հասել են թատրոն, սրանք նոր, հպարտ և մշակութային գողեր են»:
00:00 12.04.2025
Լարսը փակ է բեռնատարների համարՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար: ...
23:59 11.04.2025
ՀՀ նախագահի հրամանագիրը Ճապոնիայում ՀՀ արտակարգ և լիազոր դեսպան նշանակելու վերաբերյալՀՀ նախագահի հրամանագիրը Ճապոնիայում Հայաստանի Հանրապետության արտակարգ և լիազոր դեսպան նշանակելու վերաբերյալ Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 13-րդ հոդվածի 3-րդ մասի և 14-րդ հոդվածի. Մոնիկա ՍԻՄՈՆՅԱՆԻՆ նշանակել Ճապոնիայում Հայաստանի Հանրա-պետության արտակարգ և լիազոր դեսպան (նստավայրը՝ Տոկիո)։ ...
23:57 11.04.2025
Իրավիճակը ՀՀ ավտոճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:54 11.04.2025
Կանանց ՖԻԴԵ-ի վարպետ Աննա Խաչատրյանը բարելավել է իր միջազգային վարկանիշըԿանանց ՖԻԴԵ-ի վարպետ Աննա Խաչատրյանը լրացրեց կանանց միջազգային վարպետի իր երկրորդ նորման Հունաստանի Հռոդոս կղզում անցկացված շախմատի Եվրոպայի կանանց անհատական առաջնությունում: Այս մասին հայտնում են Հայաստանի շախմատի ֆեդերացիայից։ Աննան, բոլոր խաղերում խաղալով իրենից բարձր վարկանիշ ունեցող մրցակիցների դեմ, 11 հնարավորից վաստակեց 6.5 միավոր և 78.2 կետով բարելավեց իր միջազգային վարկանիշը։ ...
23:51 11.04.2025
ՀՀ ԱԳՆ-ում ԵՄ փորձագիտական առաքելության պատվիրակության հետ հանդիպմանը քննարկվել են մարդու հիմնարար իրավունքներին առնչվող հարցերԱպրիլի 11-ին ՀՀ ԱԳՆ Եվրոպայի վարչության պետ Սամվել Մկրտչյանն ընդունել է ՀՀ-ԵՄ մուտքի արտոնագրերի ազատականացման երկխոսության շրջանակներում Հայաստան ժամանած ԵՄ փորձագիտական երկրորդ առաքելության պատվիրակությանը։ Այս մասին հայտնել են ԱԳՆ-ից: Հանդիպմանը հայկական կողմից մասնակցել են ՀՀ արտաքին գործերի նախարարության Եվրոպայի, մարդու իրավունքների և հումանիտար հարցերի, միջազգային պայմանագրերի և իրավունքի, հյուպատոսական վարչությունների և ՀՀ ներքին գործերի նախարարության […] ...
23:48 11.04.2025
Զավթված հողատարածքները վերադարձվում են հանրությանըԵրևանի Աջափնյակ վարչական շրջանի մի քանի հասցեներում զավթված հողատարածքները վերադարձվում են քաղաքին: Բակերը մաքրվում են ցանկապատված տարածքներից։ Այս մասին հայտնել են Երևանի քաղաքապետարանից: Կառուցվելու են զրուցարաններ, խաղահրապարակներ, հարակից հատվածները կանաչապատվելու են: Մանրամասները՝ տեսանյութում: ...
