12:31 06.02.2019
Վենեսուելայի բանակը փակել է Կոլումբիայի հետ սահմանի անցակետի կամուրջը և թույլ չի տվել, որ հարևան Կոլումբիայից հումանիտար օգնություն ներմուծվի երկիր, ինչին ձգտում էր երկրի ընդդիմությունը։ ԱԺ նախագահ, իրեն նախագահի պաշտոնակատար հռչակած Խուան Գուաիդոն անձամբ էր համակարգում երկրին հումանիտար օգնություն տրամադրելու հարցերը։
Հումանիտար օգնություն խնդրելուն դեմ է արտահայտվում մի շարք երկրների կողմից մերժվող նախագահ Նիկոլաս Մադուրոն։ Նա հայտարարել է, որ իրենք ողորմություն չեն խնդրելու ոչ ոքից, եթե ուզում են իրենց օգնել, թող հանեն պատժամիջոցները։
Այս հարցը դարձել է երկիշխանության մեջ գտնվող Վենեսուելայում իշխող երկու ուժերի միջև ևս մեկ բաժանարար գիծ։ Գուաիդոն հայտարարել է, որ հումանիտար օգնությանը խանգարելն այն կարմիր գիծն է, որ Մադուրոյի իշխանությունը չպետք է անցնի։ Սակայն զինված ուժերի մեծ մասն առայժմ ենթարկվում է Մադուրոյին, ու նա փաստորեն անցել է այդ գիծը։
Ինչ վերաբերում է Վենեսուելայի ճգնաժամին, ապա այն սկսվել է այն բանից, որ այնտեղ այժմ հաստատված է երկիշխանություն՝ մի մասը նախագահ է համարում Նիկոլաս Մադուրոյին, որն ընտրվել է որպես նախագահ ու շարունակում է պաշտոնավարել, իսկ նախագահի պաշտոնը նրա հետ վիճարկում է խորհրդարանի ընտրված նախագահ Խուան Գուաիդոն, որն իրեն հռչակել է երկրի նախագահի պաշտոնակատար և որին աջակցում է հանրության զգալի հատվածը:
Խնդիրն ավելի է խորացել, երբ տարբեր պետություններ սկսել են կա՛մ Մադուրոյին, կա՛մ Գուաիդոյին ճանաչել որպես այդ երկրի ղեկավար: Միացյալ Նահանգները մեկն է այն պետություններից, որ որպես Վենեսուելայի նախագահ (պաշտոնակատար) ճանաչում է Գուաիդոյին։ Ռուսաստանը և փոքրաթիվ այլ երկրներ նախկինի պես որպես Վենեսուելայի նախագահ ընդունում են Մադուրոյին։
Հայաստանն առայժմ պաշտոնական տեսակետ չի հայտնել այս կապակցությամբ։
Ռուսական լրատվամիջոցների հարցերին պատասխանելիս վարչապետ Նիկոլ Փաշինյանը հայտարարել է, որ հայկական կողմը հետևում է իրադարձությունների զարգացմանը, նմանություն չի տեսնում Հայաստանում իրականացված խաղաղ գործընթացների հետ ու առայժմ հարկ չի համարում գնահատական տալ այդ ամենին։
18:11 04.04.2025
Հայտնաբերվել են հետախուզվողներՔրեական ոստիկանության գլխավոր վարչության ծառայողները ստացած օպերատիվ տեղեկությունն իրացրին Սյունիքի քրեական ոստիկանների հետ համատեղ: Ապրիլի 3-ին՝ ժամը 17:30-ին, մայրաքաղաքի Աճառյան փողոցում հայտնաբերվեց 53-ամյա դատապարտյալ, որը մեղավոր է ճանաչվել առանց իրացնելու նպատակի թմրամիջոցների շրջանառության և թմրամիջոցների մաքսանենգության համար: Մարտի 28-ից նա հետախուզվում էր պատժի կրումից խուսափելու համար, խափանման միջոցը` կալանք: Ապրիլի 4-ին՝ ժամը 1:10-ին, «Զվարթնոց» օդանավակայանի […] ...
18:05 04.04.2025
Գևորգ Պապոյանի գլխավորությամբ կայացել է ՓՄՁ զարգացման ենթախորհրդի հերթական նիստըՀՀ էկոնոմիկայի նախարար, ՓՄՁ զարգացման ենթախորհրդի նախագահ Գևորգ Պապոյանի գլխավորությամբ ապրիլի 4-ին կայացել է ՓՄՁ զարգացման ենթախորհրդի հերթական նիստը։ Օրակարգում ներառված էր «ՀՀ հարկային օրենսգրքում փոփոխություններ և լրացումներ կատարելու մասին» օրենքի նախագծի հարցը (վերաբերում է ՀՀ տարածքում գործող բոլոր ՓՄՁ սուբյեկտներին)։ Քննարկվել է ապրանքների վերադարձի դեպքում գործարքը/հաշվարկային փաստաթղթի ճշգրտման հնարավորության ընդլայնումը, շրջհարկ վճարողի կողմից չփաստաթղթավորված […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու, ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
