21:30 29.01.2019
«Գյումրին առանց տնակների» հիմնադրամի տնօրեն Մհեր Խաչատրյանը Գյումրիում բնակբաշխման ժամանակ տեղի ունեցած ապօրինությունների մասին խոսելիս անսպասելիորեն հայտարարել է նաև իր ղեկավարած հիմնադրամում հայտնաբերված չարաշահումների մասին և մեղադրել նախկին տնօրեն Ղարիբ Հարությունյանին:
Նա հայտնել է, որ 2017 թվականին Ղարիբ Հարությունյանը, լինելով «Գյումրին առանց տնակների» հիմնադրամի տնօրեն, կեղծ հաշվետվություն է ներկայացրել հիմնադրամի հոգաբարձուների խորհրդին, որտեղ ֆինանսական չարաշահումներ կան:
Ըստ Մհեր Խաչատրյանի՝ նա կեղծ աշխատող է ձևակերպել, ինչի մասին իր ձեռքի տակ փաստեր կան: Այս ամենը, ըստ նրա, ուսումնասիրված է և առաջիկայում հիմնադրամի հոգաբարձուների խորհրդի նիստ է կայանալու, որի ժամանակ կստեղծվի ներքին վերահսկողական հանձնախումբ և ուսումնասիրություններ կկատարվեն:
Ըստ Մհեր Խաչատրյանի՝ Գյումրիից 300 քաղաքացիներ, հիմնականում քաղաքապետարանի աշխատակիցներ, ամեն ամիս իրենց աշխատավարձի 1 տոկոսը փոխանցում են հիմնադրամին, որպեսզի գյումրեցի անօթևան ընտանիքները օր առաջ բնակարան ունենան: Սա է նաև պատճառը, որ ըստ Մհեր Խաչատրյանի, հիմնադրամը պետք է հաշվետվություններով հանդես գա:
Ասուլիսի վերջում, անսպասելի ներկայացել է նաև «Գյումրին առանց տնակների» հիմնադրամի նախկին տնօրեն Ղարիբ Հարությունյանը և հայտարարել, որ Մհեր Խաչատրյանը ինքնագործունեությամբ է զբաղվում, քանի որ հիմնադրամի 21 անդամներից ոչ մեկին այս ասուլիսի մասին տեղյակ չի պահել, ասուլիսն էլ, ըստ հիմնադրամի նախկին տնօրենի, ունի քաղաքական ենթատեքստ և իրեն հայտնի է, թե ովքեր են Մհեր Խաչատրյանին ուղղորդողները: Բայց նա այդպես էլ, իր բնորոշմամբ, քաղաքական պատվիրատուների անուններ չտվեց: Իրեն ներկայացված մեղադրանքը զրպարտություն համարեց, ասուլիսն էլ՝ իր դեմ կազմակերպված: Ղարիբ Հարությունյանը նաև նշեց, որ նախկին և ներկա տնօրենների միջև ընդունում-հանձնում դեռ չի կատարվել, ուստի, որևէ տեղեկության հրապարակումն ապօրինի է:
10:30 11.04.2025
Տարադրամի փոխարժեքներն ապրիլի 11-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 390 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 438․50 դրամ, վաճառքի նվազագույն արժեքը՝ 439 դրամ: Ռուսական ռուբլու առքի առավելագույն արժեքն է 4․63 դրամ, վաճառքի նվազագույն արժեքը՝ 4․68 դրամ: ...
10:15 11.04.2025
Բիչախչյանի «Լեգիան» պարտվել է «Չելսիին»․ կայացել են ՈՒԵՖԱ-ի Կոնֆերենցիաների լիգայ 1/4 եզրափակչի առաջին խաղերըՈՒԵՖԱ-ի Կոնֆերենցիաների լիգայում կայացան քառորդ եզրափակչի առաջին խաղերը: Լոնդոնի «Չելսին» հյուրընկալվելիս 3-0 հաշվով հաղթել է Վարշավայի «Լեգիային»: Լեհական ակումբի պահեստայինների թվում էր Հայաստանի ազգային հավաքականի կիսապաշտպան Վահան Բիչախչյանը, ով խաղադաշտ է դուրս եկել 83-րդ րոպեին: Իսպանական «Բետիսը» տանը 2-0 հաշվով հաղթել է լեհական «Յագելոնիային», իտալական «Ֆիորենտինան» հյուրընկալվելիս 2-1 հաշվով առավելության է հասել սլովենական «Ցելյեի» դեմ […] ...
10:00 11.04.2025
Թրամփը Մեքսիկային սպառնացել է պատժամիջոցներով՝ 1944 թվականի պայմանագրի խախտման պատճառովԱՄՆ նախագահ Դոնալդ Թրամփը թույլ է տվել խստացնել Մեքսիկայի նկատմամբ մաքսատուրքերը և պատժամիջոցները՝ ԱՄՆ-ին ջրամատակարարման մասին 1944 թվականի պայմանագիրը խախտելու համար։ «Մեքսիկան Տեխասի նահանգին պարտք է 1,3 միլիոն ակր-ֆուտ (1,6 միլիարդ խորանարդ մետր) ջրի՝ 1944 թվականի ջրային պայմանագրով, բայց Մեքսիկան, ցավոք, խախտում է իր պարտավորությունները: Մենք կշարունակենք խստացնել հետևանքները, ներառյալ՝ սակագները, և, հավանաբար, նույնիսկ պատժամիջոցները, […] ...
09:50 11.04.2025
Tasnim. Գազայի հիվանդանոցները սպառվում են դեղերի և դեղերի մեծ մասիԳազայի հատվածի հիվանդանոցները բախվում են դեղերի և բժշկական պարագաների զգալի պակասի: Այս մասին հայտնում է իրանական Tasnim գործակալությունը՝ վկայակոչելով պաղեստինյան անկլավի առողջապահության նախարարության տվյալները։ Գազայի հիվանդանոցներում առաջին անհրաժեշտության դեղամիջոցների պաշարներն ամբողջությամբ սպառվել են, մասնավորապես, «սպառվել են առաջին անհրաժեշտության բժշկական պարագաների 59 տոկոսը, քաղցկեղի ու արյան հիվանդությունների համար նախատեսված դեղամիջոցների 54 տոկոսը»։ Շաքարային դիաբետով ավելի քան […] ...
09:46 11.04.2025
Առաջարկվող փոփոխությունը ոչ թե վերաբերում է տուգանքի վճարմանը, այլ վարչական ակտի դատական կարգով բողոքարկման հարցերին․ ԱՆՉնայած նախարարության մի քանի պարզաբանումներին` շարունակվում են հայտարարությունները, թե վարչական դատավարության օրենսգրքի փոփոխությունները նպատակ ունեն պարտադրել տնտեսվարողներին կատարել դրամական պահանջները՝ վճարել տուգանքները, և միայն հետո դիմել դատարան, հայտնում են ՀՀ արդարադատության նախարարությունից։ «Հայաստանյան դեղագործական ընկերություններից մեկի հիմնադիրը ԶԼՄ-ներում անդրադարձ էր կատարել՝ Վարչական դատավարության օրենսգրքում փոփոխություններ նախատեսող փաթեթի կարգավորումներին: Շահարկումներից խուսափելու համար, ցանկանում ենք ևս մեկ […] ...
09:45 11.04.2025
Դահուկավազքի Ռուսաստանի հավաքականը մարզական հավաք կանցկացնի ՀայաստանումԴահուկավազքի Ռուսաստանի հավաքականի գլխավոր մարզիչ Եգոր Սորինը տեղեկացրել է, որ թիմը ամառային մարզական հավաքներից մեկը կանցկացնի Հայաստանում, հաղորդում է Sport24-ը: «Ուսումնամարզական հավաքների վայրերի վերաբերյալ փոխըմբռնում կա, բայց ամեն ինչ դեռ հստակ չէ, մարզումների պլանը դեռ հաստատված չէ: Բայց Հայաստանն ու Իտալիան անպայման այդ ցուցակում են։ Մենք կընտրենք, թե որ ամսին ենք գնալու Իտալիա, որ ամսին՝ […] ...
