19:34 21.01.2019
Հայաստանի ազգային հավաքականի ավագ, Լոնդոնի «Արսենալ»-ի կիսապաշտպան Հենրիխ Մխիթարյանն այսօր նշում է ծննդյան 30-ամյակը: Առաջին ակումբը, որտեղ հանդես է եկել Հենրիխ Մխիթարյանը, Երևանի «Փյունիկն» էր: Այնուհետև նա տեղափոխվել է Դոնեցկի «Մետալուրգ», ապա հանդես է եկել Դոնեցկի «Շախտյորում»: 2013-2016թթ. Հենրիխ Մխիթարյանը խաղացել է Գերմանիայում՝ Դորտմունդի «Բորուսիայում»: 2016-ին նա տեղափոխվել է անգլիական «Մանչեսթեր Յունայթեդ», իսկ հետո էլ Լոնդոնի «Արսենալ»:
SHANTNEWS.am-ը 10 հետաքրքիր փաստ է առանձնացրել Մխիթարյանի մասին:
1. Հենրիխ Մխիթարյանը 8 տարի անընդմեջ ճանաչվել է Հայաստանի ազգային հավաքականի լավագույն ֆուտբոլիստ:
2. Համարվում է Հայաստանի ազգային հավաքականի բոլոր ժամանակների լավագույն ռմբարկուն:
3. Գիտի 7 լեզու՝ հայերեն, ռուսերեն, ֆրանսերեն, անգլերեն, պորտուգալերեն, իտալերեն և գերմաներեն:
4. 13 տարեկանում ապրել է Բրազիլիայում, մարզվել «Սան Պաուլո»-ի մարզաբազայում: Մարզվել է Էռնանեսի ու Անդերսոնի հետ, որոնք խաղացել են «Ինտեր»-ում, «Յուվենթուս»-ում, «Լացիո»-ում:
5. Ֆուտբոլային կարիերան սկսել է «Փյունիկ» ակումբում: Նույն ակումբի կազմում չորս անգամ դարձել է Հայաստանի չեմպիոն:
6. Բացի ֆուտբոլից, սիրում է թենիսը, ծովափնյա ֆուտբոլը, ըմբշամարտը: Սովորել է տնտեսագիտություն, մանկության տարիներին երազել է դառնալ իրավաբան, չի բացառել՝ ֆուտբոլային կարիերայից հետո հնարավոր է՝ իրավաբանությամբ զբաղվի:
7. 2016 թվականին Մխիթարյանը դարձել է հետխորհրդային տարածքի ամենաթանկ ֆուտբոլիստը: «Մանչեսթեր Յունայթեդ»-ը Դորտմունդի «Բորուսիա»-ից հայ կիսապաշտպանին գնել էր 42 միլիոն եվրոյով: Այս պահին, ըստ transfermarket.com-ի, Մխիթարյանի տրանսֆերային արժեքը 35 միլիոն եվրո է:
8. Հատուկ Մխիթարյանի համար «Մանչեսթեր Յունայթեդի» երկրպագուները փոխել են Սթինգի հայտնի երգի բառերը: Երկրպագուների կատարմամբ այն այս տեքսն ունի. Whoa Mkhitaryan, Henrikh Mkhitaryan, he’s our midfield Armenian (Մխիթարյան, Հենրիխ Մխիթարյան, նա մեր հայ կիսապաշտպանն է):
9. Մանուկ հասակում Մխիթարյանի սիրված ֆուտբոլային ակումբը «Արսենալ»-ն է եղել:
10. Մխիթարյանի ֆեյսբուքյան հետևորդների քանակը գերազանցում է Հայաստանի բնակչության թիվը. նա ունի 3 միլիոն 261 149 հետևորդ:
18:11 04.04.2025
Հայտնաբերվել են հետախուզվողներՔրեական ոստիկանության գլխավոր վարչության ծառայողները ստացած օպերատիվ տեղեկությունն իրացրին Սյունիքի քրեական ոստիկանների հետ համատեղ: Ապրիլի 3-ին՝ ժամը 17:30-ին, մայրաքաղաքի Աճառյան փողոցում հայտնաբերվեց 53-ամյա դատապարտյալ, որը մեղավոր է ճանաչվել առանց իրացնելու նպատակի թմրամիջոցների շրջանառության և թմրամիջոցների մաքսանենգության համար: Մարտի 28-ից նա հետախուզվում էր պատժի կրումից խուսափելու համար, խափանման միջոցը` կալանք: Ապրիլի 4-ին՝ ժամը 1:10-ին, «Զվարթնոց» օդանավակայանի […] ...
18:05 04.04.2025
Գևորգ Պապոյանի գլխավորությամբ կայացել է ՓՄՁ զարգացման ենթախորհրդի հերթական նիստըՀՀ էկոնոմիկայի նախարար, ՓՄՁ զարգացման ենթախորհրդի նախագահ Գևորգ Պապոյանի գլխավորությամբ ապրիլի 4-ին կայացել է ՓՄՁ զարգացման ենթախորհրդի հերթական նիստը։ Օրակարգում ներառված էր «ՀՀ հարկային օրենսգրքում փոփոխություններ և լրացումներ կատարելու մասին» օրենքի նախագծի հարցը (վերաբերում է ՀՀ տարածքում գործող բոլոր ՓՄՁ սուբյեկտներին)։ Քննարկվել է ապրանքների վերադարձի դեպքում գործարքը/հաշվարկային փաստաթղթի ճշգրտման հնարավորության ընդլայնումը, շրջհարկ վճարողի կողմից չփաստաթղթավորված […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու, ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
