15:07 21.01.2019
Երևան քաղաքի ընդհանուր իրավասության դատարանի Աջափնյակի նստավայրում՝ դատավոր Աիդա Դավթյանի նախագահությամբ, այսօր՝ հունվարի 21-ին, տեղի ունեցավ «Սեդրակ Քոչարյանն ընդդեմ Արթուր Վանեցյանի» գործով նախնական դատական նիստը։
Հիշեցնենք՝ ՀՀ երկրորդ նախագահի որդին՝ Սեդրակ Քոչարյանը, հայց է ներկայացրել ԱԱԾտնօրեն Արթուր Վանեցյանի դեմ՝ պահանջելով «փոխհատուցել զրպարտության դիմաց և հրապարակայնորեն հերքել» 2018 թվականի սեպտեմբերի 11-ին մամուլի ասուլիսի ժամանակ Վանեցյանի հայտնած այն միտքը, թե «Ռոբերտ Քոչարյանը 6 միլիոն դոլար կաշառք պահանջելով՝ դարձել է «Կոնգրես» հյուրանոցի բաժնետեր»:
Հայցվոր կողմը հայցը պնդեց ամբողջությամբ, իսկ պատասխանող կողմը՝ առարկեց:
Նշենք, որ ո՛չ Սեդրակ Քոչարյանը, ո՛չ էլ Արթուր Վանեցյանը նիստին ներկա չէին:
Մինչ դատական նիստն սկսելը դատավորը կողմերին հարցրեց, թե արդյոք կո՞ղմ են, որ վեճը լուծվի հաշտությամբ: Սեդրակ Քոչարյանի շահերի ներկայացուցիչ Անի Ալավերդյանը հայտարարեց, թե հաշտությանը դեմ չեն, եթե պատասխանող կողմը հերքի տեղեկությունները, որոնք հրապարակվել են մամուլի ասուլիսի ժամանակ:
Արթուր Վանեցյանի ներկայացուցիչ Վահագն Գրիգորյանն էլ ասաց, թե չեն կարող հաշտվել, քանի որ հայցվոր կողմը հաշտությունը տեսնում է միայն հայցի բավարարման ձևով: Վանեցյանի հնչեցրած արտահայտությունները չեն վերաբերում Սեդրակ Քոչարյանին։ Պաշտպանը հավաստեց, թե ընդհանրապես Արթուր Վանեցյանն այս գործով ոչ պատշաճ պատասխանող է։ Ըստ նրա՝ այս գործով պատասխանող պետք է ճանաչվեր Հայաստանի Հանրապետությունը:
Ըստ Վահագն Գրիգորյանի՝ հայցը ենթակա է մերժման, քանի որ հայցվորը «միայն ենթադրել է, որ դրանք (այդ խոսքերը-խմբ.) ուղղված են իրեն, քանի որ օբյեկտիվորեն այդ հայտարարություններից նման բան չի բխում»:
«Ինձ համար այն հանգամանքը մնում է չհիմնավորված, որ այս արտահայտությունները լսելիս սովորական ընթերցողը պետք է մտածի առաջին հերթին Սեդրակ Քոչարյանի մասին: Ես կարծում եմ, որ նման մոտեցումն անհիմն է, արտահայտությունները ոչ մի կերպ չեն կարող ուղղված լինել հենց Սեդրակ Քոչարյանին»,- ասաց Արթուր Վանեցյանի ներկայացուցիչ Վահագն Գրիգորյանը:
15:50 04.04.2025
Մարտուն Գրիգորյանը որոշում է կայացրել․ կտա՞ քվե Վարդան ՂուկասյանինՄարտուն Գրիգորյանը որոշում է կայացրել անհրաժեշտ քանակությամբ քվե տալ Վարդան Ղուկասյանին, որպեսզի նա ընտրվի Գյումրու քաղաքապետ։ «Հարգելի գյումրեցիներ, շնորհակալ ենք Գյումրու ավագանու ընտրություններին ձեր մասնակցության համար, նախորդ օրերին ինձ ջերմ ու առանձնահատուկ ընդունելության, թիմիս աջակցելու և ‹‹Մեր քաղաքը›› դաշինքին ընտրելու համար։ Դուք տեսաք, թե ինչ կատարվեց և շարունակում է կատարվել իմ ընտանիքի անդամների և թիմակիցներիս […] ...
15:50 04.04.2025
Արմեն Ղազարյանն ընդունել է Վիետնամի հանրային անվտանգության փոխնախարարի գլխավորած պատվիրակությանըՆերքին գործերի նախարարի տեղակալ Արմեն Ղազարյանը ապրիլի 3-ին ընդունել է Վիետնամի Սոցիալիստական Հանրապետության հանրային անվտանգության նախարարի տեղակալ Չան Քուոկ Տոյի գլխավորած պատվիրակությանը: Հանդիպման ընթացքում կողմերն անդրադարձել են ներքին անվտանգության, թմրամիջոցների ապօրինի շրջանառության դեմ պայքարի, կիբեռանվտանգության, միգրացիայի և քաղաքացիության, մարդու իրավունքների պաշտպանության և մի շարք այլ հարցերի: Բարձր գնահատելով երկու երկրների միջև ձևավորված համագործակցությունը՝ Արմեն Ղազարյանը […] ...
15:40 04.04.2025
Հայտնի է Պարույր Հովհաննիսյանի աշխատանքից ազատման պատճառըՀայաստանի արտաքին գործերի նախարարի տեղակալ Պարույր Հովհաննիսյանն աշխատանքից ազատվել է՝ այլ պաշտոնի անցնելու նպատակով: «Արմենպրես»-ի տեղեկություններով՝ Պարույր Հովհաննիսյանը նշանակվելու է ՄԱԿ-ում ՀՀ մշտական ներկայացուցիչ: Նշենք, որ ՄԱԿ-ում Հայաստանի մշտական ներկայացուցիչն այս պահին Մհեր Մարգարյանն է: Նա նշանակվել է 2018 թվականի օգոստոսի 13-ին: Ավելի վաղ հայտնել էինք, որ ՀՀ վարչապետի հրամանով Հայաստանի արտաքին գործերի նախարարի տեղակալ […] ...
15:32 04.04.2025
Վերականգնվել է պետությանը պատճառված 181 մլն 591 հազար դրամըՀՀ քննչական կոմիտեի Երևան քաղաքի քննչական վարչությունում քննվող առանձնապես խոշոր չափերով գույքը հափշտակելու վերաբերյալ քրեական վարույթի նախաքննությունն ավարտվել է, որի արդյունքում վերականգնվել է պետությանը պատճառված 181 մլն 591 հզր ՀՀ դրամը: Նախաքննության ընթացքում առերևույթ փաստական տվյալներ են ձեռք բերվել այն մասին, որ Կ․Ա–ն պետական մասնակցությամբ ընկերությանը սեփականության իրավունքով հանձնված տրանսպորտային միջոցները շահադիտական նպատակով հափշտակելու դիտավորությամբ՝ Ն․Հ․–ին տվել է ընկերության անունից հանդես գալու լիազորագիր: Նշված լիազորագրի հիման վրա ընկերությունն իրեն վստահված՝ օրինական […] ...
15:23 04.04.2025
Հայաստանի Հանրապետությանը կվերադարձվի Երևանի հեռուստաաշտարակին հարող տարածքի՝ շուրջ 1 միլիոն 650 հազար ԱՄՆ դոլար արժեքով հողամասըԳլխավոր դատախազության՝ պետական շահերի պաշտպանության վարչության հերթական հայցը Հակակոռուպցիոն դատարանի 2025 թվականի ապրիլի 4-ի վճռով բավարարվել է. դատական ակտն օրինական ուժի մեջ մտնելուց հետո, Հայաստանի Հանրապետությանը կվերադարձվի Երևան քաղաքի Գ.Հովսեփյան փողոցի՝ հեռուստաաշտարակին հարող տարածքի՝ շուրջ 1 միլիոն 650 հազար ԱՄՆ դոլարին համարժեք 645 միլիոն 950 հազար դրամ կադաստրային արժեքին մոտարկված շուկայական արժեքով, «անտառային նպատակային նշանակության» […] ...
15:15 04.04.2025
Հակոբ Արշակյանը կարևորել է Հայաստանի ու Վիետնամի միջև բազմոլորտ կապերի խթանումըՀՀ ԱԺ նախագահի տեղակալ Հակոբ Արշակյանն ապրիլի 4-ին ընդունել է Վիետնամի Սոցիալիստական Հանրապետության Ազգային ժողովի փոխնախագահ Ճան Քուան Ֆընին եւ Վիետնամի խորհրդարանի պատգամավորներին: Նշենք, որ հյուրերը մեր երկրում են Վիետնամի ԱԺ նախագահ Չան Թան Մանի այցի շրջանակում: Ողջունելով նման ներկայացուցչական պատվիրակության պաշտոնական այցը Հայաստան՝ ՀՀ ԱԺ փոխնախագահն արձանագրել է, որ Վիետնամի հետ մեր երկիրն ունի […] ...
