17:19 16.01.2019
«Հանրության մոտ տարընկալում կա: Որևէ բան չի փոխվել: Անձինք, ովքեր մեքենա են ձեռք բերել երրորդ երկրից և ունեն ձեռքբերման արժանահավատ ինվոյսային արժեք, որևէ խնդիր չունեն դրա հիման վրա մաքսային ձևակերպում անելու»,- այս մասին այսօր` հունվարի 16-ին, լրագրողների հետ հանդիպման ժամանակ ասաց ՊԵԿ նախագահ Դավիթ Անանյանը:
Պարզաբանում ներկայացնելով՝ ՊԵԿ նախագահը նշեց, որ 2018-ի մայիսից անցում է կատարվել ինվոյսային արժեքով մաքսային ձևակերպման, որի արդյունքում Հայաստան է ներմուծվել 67 255 ավտոմեքենա` 2017-ի 39 282-ի փոխարեն: Մաքսայինի փոխարեն ինվոյսային արժեք կիրառելու արդյունքում մեքենայի մաքսազերծման արժեքը էականորեն նվազեց:
«Կային մարդիկ, ովքեր զանազան կազմակերպությունների միջոցով փորձում էին ձեռք բերել կեղծ ինվոյսային արժեքներ, և մենք ներդրեցինք մի գործիք, որի անունը դրեցինք հաշվիչ, որ այդ քայլին գնալուց առաջ այդ մարդիկ կարողանան ներմուծել ներկրվող մեքենայի տվյալները, ծանոթանալ, թե ինվոյս չունենալու կամ ոչ արժանահավատ ինվոյսային արժեք ունենալու դեպքում ինչպե՞ս է հաշվարկվելու մաքսային արժեքը»,- ասաց Դավիթ Անանյանը:
ՊԵԿ նախագահը նաև նշեց, որ ներկայացված ինվոյսային արժեքը համեմատվելու է հաշվիչում առկա արժեքի հետ, և եթե ինվոյսային արժեքն ավելի ցածր լինի, քան հաշվիչի արժեքը, ապա մաքսային ձևակերպումը կկատարվի համապատասխան վարչություն ուղարկվելուց հետո:
«Եթե վարչությունը զննման արդյունքում արժանահավատությունն ապահովող որևէ բան չհայտնաբերի, վճարումը կատարվում է ինվոյսով, սակայն պայմանով, որ հետո բացթողումային հսկողության շրջանակներում ավելի կոշտ գործիքի կիրառմամբ և այլ երկրների հետ ունեցած համագործակցության միջոցով կճշտվի ինվոյսի արժեքը և չհամապատասխանելու դեպքում կկիրառվի պատժի միջոցներ»,- ասաց Դավիթ Անանյանը:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
