Սպասվում է Samsung vs. Apple իսկական հակամարտություն

Apple-ի և Samsung-ի նոր մոդելները իրենց գործունեության ամբողջ ընթացքում առաջին անգամ հասարակությանը կներկայացվեն միևնույն ժամանակ: Մասնագետները նշում են, որ սա պայմանավորված է նրանով, որ Samsung-ը երկար ժամանկ ռիսկի չէր դիմում և չէր փորձում կանգնել Apple-ի ճանապարհին, բայց ընկերության նոր Galaxy S9 սմարթֆոնը կարող է հավակնել կատարյալ սմարթֆոնի կոչմանը:

Անցած տարվա ընթացքում Samsung-ը լուրջ քայլեր ձեռնարկեց և դաշտում մեծ ակտիվություն ցուցաբերեց՝ տարեսկզբին հայտարարեցին նոր իդեալական սմարթֆոնի նոր կարողությունները այնուհետև կրքերը հանդարտեցնելու համար թողարկեցին Galaxy Note-ը, որը բարեհաջող անցավ թեստավորումը և լավ գնահատականների արժանացավ: Այս կերպ շուկայում հետաքրքիր պատկեր ձևավորվեց՝ ասիացիները տարվա կտրվածքով ավելի շատ գաջեթներ վաճառեցին, իսկ ամերիկացիները բավարարվեցին միայն սմարթֆոնների վաճառքով:

Ըստ պաշտոնական հաղորդագրության այդքան շատ քննարկված  iPhone X-ը կներկայացնեն նոյեմբերի 3-ին, իսկ Galaxy S9-ի պրեմիերան նախատեսվում է 2018-ի սկզբին: Ամեն ինչ տանում է նրան, որ երկու սմարթֆոններն էլ շուկայում կհայտնվեն հաջորդ տարվա սկզբից: Սա նշանակում է երկու ընկերութոթյունների միջև մրցակցությունը նոր մակարդակի վրա կբարձրանա՝ երկու սմարթֆոններն էլ թեստավորման կենթարկվեն հավասարապես և ընկերություններից ոչ մեկը «ավելի հաջողված» տարբերակ ստեղծելու ժամանակ ուղղակի չի ունենա այդ ժամանակ:

Այս քայլով Samsung-ը ռիսկի է գնում, որը կտանի կամ մեծ տապալման կամ մեծ հաղթանակի:

Ոլորտի մասնագետները կորեացի թոփ մենեջերներին խորհուդներ են տվել սմարթֆոնը կատարելության հասցնելու համար:

Հրաժարվել Bixby կոճակից

Սա համարյա նույն Apple-ի Siri-ն է, որը սկզբնական շրջանում Samsung-ի դեպքում  այնքան էլ  արդյունավետ չաշխատեց: Սկզբում հավելվածը հասկանում և խոսում էր միայն կորեերեն, բայց հետո ավելացվեց նաև անգլերենը, բայց դարձյալ իրեն այնքան էլ չարադարացրեց: Մասնագետներն առաջակում են կամ առհասարակ հրաժարվել Bixby ասիստենտից կամ մշակել մի նոր համակարգ, որը նախ իրեն կարադարացնի և հետո արժանի մրցակցություն կսեղծի Siri-ի և Google-ի ինտելեկտուալ ասիստենտների հետ:

Տեղադրել երկու տեսախցիկ

Այս հնարքը արդեն կորեացիները արել են Galaxy S7-ի դեպքում, ինը որոշակիորեն իրեն արդաացրել է: Այժմ նրանց գլխավոր խնդիրն է աշխատել կադրի որակի և ֆոկուսի վրա:

Տեղափոխել մատնահետքի սքաների տեղը

Galaxy S8-ի ժամանակ ներկայացրել էին սմարթֆոնը կոդավորումից հանելու մի քանի տարբերակ, սակայն դրանք իրենց չէին արդարացնում անվտանգության առումով, քանի որ շատ հեշտ էր կոտրել սմարթֆոնի կոդերը, իսկ մատնահետքի հնրավորությունը իրեն ամբողջովին չէր արդարացրել: Galaxy S9-ի դեպքում պետք բացառել վերոնշյալ պրոբլեմները, ինչպես նաև պետք է լուրջ աշխատել դեմքի ճանաչումով կոդավորումից հանելու հնարավորության վրա:  

Առաջարկել նաև մոդելի մինի տարբերակը

Աղբյուրները նշում են, որ Samsung-ը պատրաստում է թողարկել միանգամից երկու նոր մոդել Galaxy S9 և Galaxy S9+: Սա արվում է զուտ սմարթֆոնի օգտագործողների հարմարավետության համար, որը ողջունելի է:

Եվ վերջում մասնագետները Samsung-ին առաջարկում են աշխատել մաքեթինգային քաղաքականության վրա: «Սմարթֆոն առանց սահմանների» կարգախոսը ոչ մի ինֆորմացիա չի հաղորդում և փոխելու ժամանակն է:

Լիլիթ Խաչատրյան