17:18 14.12.2018
ՀՀ նախկին փոխվարչապետ Արմեն Գևորգյանը դեկտեմբերի 14-ին կայացած դատական նիստից հետո լրագրողների հետ զրույցում նշեց, որ այս պահի դրությամբ կայացվել է իրոք արդար որոշում` այնքանով, որքանով հաշվի են առել իրենց փաստարկները դատական նիստերի ժամանակ: Գևորգյանը, սակայն, նշել է` դա չի նշանակում, որ գործն ավարտվել է, իրենք շարունակելու են աշխատել, ներկայացնել նաև իրենց փաստարկները, մոտեցումները՝ հիմնավորելով իրենց անմեղությունը և ներկայացված մեղադրանքների անհիմն լինելը:
Գևորգյանը լրագրողներին հորդորեց թույլ տալ իրեն վերադառնալ աշխատավայր:
«Ես երկու օր է, ըստ էության, աշխատանքի վայրից բացակայում եմ, իմ գործատուն շատ վրդովված է այդ հանգամանքից, եթե դեմ չեք, ես, այնուամենայնիվ, գնամ գործի»,- ասաց նա:
Նախկին փոխվարչապետը, սակայն, ներկայացրեց, թե երեկ դատարանում եզրափակիչ ելույթի ժամանակ ինչ է ասել:
«Հայտարարությունը եղել է այն մասին, որ ես փորձել եմ ներկայացնել իմ անցած ճանապարհը, թե ինչով եմ զբաղված եղել վերջին 20 տարիներին ՀՀ-ում` վերադառնալով Ռուսաստանից, ինչ սկզբունքներով եմ կազմակերպել իմ աշխատանքը պետական համակարգում, թե, իմ կարծիքով, ինչ օգուտ եմ բերած եղել մեր պետությանը և խնդրել եմ դատարանին հաշվի առնել մի քանի հանգամանքներ, որոնք, ըստ իս, կալանավորման համար հիմք պետք է չհանդիսանան»,- ասաց Գևորգյանը:
Լրագրողները հետաքրքրվեցին` նախկին փոխվարչապետը Մարտի 1-ի իրադարձությունների հետ ի՞նչ առնչություն ունի, ինչին նա պատասխանեց.
«Ես կարծում եմ, որ քննությունը բոլոր հանգամանքները կպարզի, մինչ այդ կայացված դատական վճիռներ կան` օրինական ուժի մեջ մտած, որոնցով արձանագրված է` ով ինչ մեղք է ունեցել Մարտի 1-ի հանգամանքներում: Ինձ համար նույնպես անակնկալ է եղել, երբ 4 ամիս հետո մեղադրանքը փոխվել է՝ հաշվի առնելով, որ օգոստոսի 3-ին, երբ դատարանի վրա ազդելու մեղադրանքը ներկայացվեց, մեկ շաբաթ առաջ արդեն «Սահմանադրական կարգի տապալման» մեղադրանքն, ըստ էության, ուրիշներին ներկայացված է եղել: Թե ի՞նչ փոխվեց 4 ամսում, չգիտեմ»:
Գևորգյանը հայտնեց, որ անհրաժեշտության դեպքում ասուլիսով հանդես կգա, կպատասխանի լրագրողների հարցերին: Հարցին` ի՞նչ է կարծում, կա՞ր ճնշում դատարանի վրա, նա արձագանքեց.
«Համենայնդեպս, երեկ դատական քննության ժամանակ բոլոր կողմերը հնարավորություն են ունեցել իրենց փաստարկները ներկայացնելու, ես որևէ կողմնակալություն չեմ տեսել, քանի որ նիստը երեկ անցել է բավական անկաշկանդ` իրավական փաստարկները ներկայացնելու տեսակետից: Բոլոր հնարավորությունները կային, որ դատարանը պաշտպանական կողմի արգումենտները հիմք ընդուներ: Թե ինչով է դատարանն առաջնորդվել, չեմ ուզում ասել, որովհետև դեռ որոշումներ չունենք, մյուս կողմից էլ, երկրում ստեղծված իրավիճակը հուշում էր, որ շատ արագ պոտենցիալ այլ որոշում կարող էր լինել»:
«Ի վերջո, կա՞ր այն «զանգովի արդարադատությունը», որի մասին պարբերաբար խոսվում է» հարցին Գևորգյանը չպատասխանեց, միայն նշեց.
«Քննիչի պես հարց եք տալիս»:
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
13:58 19.04.2025
Հռոմում մեկնարկել է ԱՄՆ-ի և Իրանի միջև բանակցությունների երկրորդ փուլըՀռոմում մեկնարկել է ԱՄՆ-ի և Իրանի միջև Թեհրանի միջուկային ծրագրի շուրջ ստեղծված ճգնաժամի կարգավորման բանակցությունների երկրորդ փուլը։ Այս մասին հայտնում է Իրանի պետական հեռարձակողը, փոխանցում է ՏԱՍՍ-ը: Խորհրդակցությունները անցկացվում են Օմանի դեսպանի նստավայրում։ Ավելի վաղ Իրանի ԱԳ նախարարության պաշտոնական ներկայացուցիչ Էսմայիլ Բաղային հայտնել էր, որ Իտալիայի մայրաքաղաքում անուղղակի բանակցություններ կանցկացվեն Օմանի ԱԳ նախարարի միջնորդությամբ։ ...
13:50 19.04.2025
Այսօր կկայանան վերջին տուրի հանդիպումները. Հոկեյի ԱԱԱյսօր Երևանում կկայանա տափօղակով հոկեյի Աշխարհի IV դիվիզիոնի առաջնության վերջին տուրը։ Հայաստանի հավաքականն ԱԱ-ի շրջանակում վերջին հանդիպումը կանցկացնի՝ մրցելով Ինդոնեզիայի հետ։ Հանդիպումը կմեկնարկի 17։00-ին։ Այսօրվա հանդիպումների ժամանակացույցը․ Մալայզիա — Ուզբեկստան / 14։00 Հայաստան — Ինդոնեզիա / 17։00 Իրան — Քուվեյթ / 20։00 Հայաստանի հավաքականն ունի 9 միավոր և երկրորդն է մրցաշարային աղյուսակում, իսկ առաջատարն Ուզբեկստանի […] ...
13:33 19.04.2025
Իրանի ԱԳ նախարարը ժամանել է ՀռոմԻրանի ԱԳ նախարար Աբբաս Արաղչին ժամանել է Իտալիայի մայրաքաղաք Հռոմ՝ մասնակցելու Միացյալ Նահանգների հետ բանակցությունների երկրորդ փուլին։ Ինչպես տեղեկացնում է իրանական IRNA գործակալությունը, Թեհրանն ու Վաշինգտոնը բանակցություններ են վարում Իսլամական Հանրապետության քաղաքացիական միջուկային ծրագրի և Իրանի դեմ ամերիկյան պատժամիջոցների դադարեցման շուրջ քննարկումների համար: ...
13:22 19.04.2025
Առաջիկա օրերի եղանակային կանխատեսումըՀանրապետության տարածքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին առանձին շրջաններում սպասվում է կարճատև անձրև և ամպրոպ։ Քամին՝ հարավարևմտյան՝ 2-5մ/վ: Ապրիլի 21-24-ին առանձին վայրերում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանն ապրիլի 19-ի ցերեկը, 20-22-ին աստիճանաբար կբարձրանա 3-5 աստիճանով։ Երևան քաղաքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին […] ...
