| « | Ապրիլ 2025 | |||||
|---|---|---|---|---|---|---|
| Կ | Ե | Ե | Չ | Հ | Ու | Շ |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
14:50 14.12.2018
Դեկտեմբերի 20-ից կավարտվի ARM TVs հավելվածի անվճար ակցիան: Ինչո՞վ է պայմանավորված այս որոշումը և ի՞նչ պետք է իմանան օգտատերերը հավելվածից հետագայում օգտվելու համար:
Առաջիկա օրերին մենք կտանք ոչ միայն այս հարցերի պատասխանները, այլև կպատմենք «Շանթ»-ի այս նախաձեռնության շրջանակներում մասնագիտացված նոր ալիքների գործարկման ու այլ անակնկալների մասին:
Շուրջ մեկ տարի օգտատերերը հնարավորություն ունեին հավելվածն անվճար ներբեռնել, գրանցվել և դիտել ոչ միայն հայկական 4 համապետական ալիքները, այլև «Շանթ»-ի մասնագիտացված 4 ալիքները՝ դարձյալ առանց որևէ վճարի:
Հավելվածն անվճար էր, քանի որ գտնվում էր այսպես կոչված թեստային ռեժիմում, որպեսզի բաժանորդները ծանոթանային այս հավելվածին, տեխնիկական խնդիրների առնչվելիս դրանք ներկայացնեին մեզ, որպեսզի կարողանայինք լուծել հնարավոր խնդիրները, ստացվող արձագանքներից հետևություններ անեինք՝ այդպիսով բարելավելով տրամադրվող եթերի որակը, բազմազանությունն ու զարգացումը: Թեստային այս փուլն այսպիսով ավարտվում է:
Հիմա եկել է այն շրջանը, երբ մենք հետագա զարգացման համար կարիք ունենք գործակցել մեր բաժանորդների հետ իրական հարթությունում: Դեկտեմբերի 20-ից սկսվում է «Շանթ»-ի ARM TVs հավելվածի բաժանորդագրումը: Օգտատերերը կարող են բաժանորդագրվել armtvs.com կայքում:
Այժմ հավելվածի մատուցումը կլինի այլ եղանակով: Սա մի փուլ է, որն անհրաժեշտ է մատուցվող եթերի ոչ միայն որակն ավելի բարելավելու, այլև բովանդակությունն ընդլայնելու համար: Բնական է, որ հավելվածը չէր կարող մշտապես լինել անվճար: Հաջող փորձարկումից հետո որակական նոր մակարդակի հասցնելու համար պարզ տրամաբանությամբ ու զարգացման բոլոր կանոններով այն պետք է դառնար վճարովի: Այս քայլի արդյունքները երկար սպասեցնել չեն տա: Սա թվային մի այնպիսի հարթակ է, որտեղ երբեք չի դադարելու հարաճուն զարգացումը:
Շատ մոտ ապագայում «Շանթ»-ի մասնագիտացված ալիքների թիվը կավելանա ևս երկուսով, որոնց բովանդակությունն ամենամեծ անակնկալն է լինելու: Այդ ալիքները կգումարվեն արդեն գործող «Շանթ պրեմիում», «Շանթ սերիալ», «Շանթ մյուզիք» և «SHANTNEWS» ալիքներին:
Ի դեպ, SHANTNEWS-ը, որն արդեն երեք ամիս է, ինչ գործում է փորձնական եթերում, 24-ժամյա հեռարձակմամբ միակ լրատվական ալիքն է հայկական իրականությունում:
Որո՞նք են հավելվածի մյուս առավելությունները
Առաջին հերթին այն, որ ARM TVs-ն առաջին օրինական՝ հայկական HD որակով ալիքների հավելվածն է, որը հասանելի է աշխարհի ցանկացած անկյունում:
«Օրինական հավելված» ասվածն այստեղ շատ ավելի լայն իմաստ ունի: Գաղտնիք չէ, որ հատկապես վերջին տարիներին հայտնվել են մեծ թվով անորակ ու անօրինական հավելվածներ, որոնց տերերը, այսպես կոչված՝ «տեսահենները», բառացիորեն զբաղվել են հեռուստատեսային նյութի գողությամբ, յուրացրել են ուրիշի տարիների քրտնաջան աշխատանքի արդյունքն ու միջոցները՝ դրանով զրկելով օրինական արտադրողին զարգանալու հնարավորությունից, իսկ մի հարմար պահի էլ պարզապես անհետացել՝ իրենց հետ տանելով օգտատերերի վճարած դրամական ահռելի միջոցները:
Դեկտեմբերի 20-ից ARM TVs-ի բաժանորդագրման վճարովի դառնալը չի վերաբերում Հայաստանի տարածքում «Շանթ»-ի հիմնական եթերին: Շատ հաճախ նման տեղեկատվությունը սխալ է ընկալվում հեռուստադիտողների կողմից:
Ուշադրություն
Հայաստանում «Շանթ»-ի տեղական հեռարձակումն ու մնացած համապետական ալիքները կմնան անվճար:
21:15 09.04.2025
Ըմբշամարտիկ Արսեն Հարությունյանը՝ Եվրոպայի առաջնության արծաթե մեդալակիրԱրսեն Հարությունյանը Բրատիսլավայում ընթացող ըմբշամարտի Եվրոպայի առաջնությունում նվաճել է արծաթե մեդալ: Այս մասին հայտնել են Հայաստանի ըմբշամարտի ֆեդերացիայից: Ոսկե մեդալի համար պայքարում Հարությունյանը զիջել է Տոկիոյի Օլիմպիական խաղերի չեմպիոն, աշխարհի կրկնակի ոսկե մեդալակիր, ռուսաստանցի Զաուր Ուգուևին: Հարությունյանը աշխարհի եռակի բրոնզե մեդալակիր է, Եվրոպայի քառակի չեմպիոն։ ...
21:04 09.04.2025
Ապրիլի 10-ին ժամանակավորապես կդադարեցվի Երևանի և մարզերի որոշ հասցեների էլեկտրամատակարարումը«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 10-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10:00-16:00 Նոր Նորք 1-ին զանգ.՝ Նանսենի, Լվովյան, Ջուղայի փողոցներ մասնակի և հարակից ոչ բնակիչ-բաժանորդներ, Նորագավիթ 6, 12 փողոցների առանձնատներ, Նորագավիթ 2 փողոց 3-րդ նրբանցքի առանձնատներ, Արտաշատի խճուղու առանձնատներ, Արտաշատի խճուղու նրբանցքի առանձնատներ […] ...
20:41 09.04.2025
ՆԳՆ ներկայացուցիչները մասնակցել են ՆԳՆ-ԱԺ համատեղ աշխատանքային քննարկմանըԱպրիլի 8-ին Ներքին գործերի նախարարության ներկայացուցիչները՝ ՆԳ փոխնախարար Արմեն Ղազարյանի գլխավորությամբ մասնակցել են ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի ղեկավարությամբ տեղի ունեցած աշխատանքային քննարկմանը։ Հանդիպմանը քննարկվել են կառավարության կողմից առաջարկվող ոլորտին վերաբերող օրենսդրական նախագծեր: ...
20:24 09.04.2025
Կապելոն «Ինտերի» կիսապաշտպանությունը համարում է աշխարհում 3 լավագույններից մեկըԼեգենդար մարզիչ Ֆաբիո Կապելոն կարծիք է հայտնել «Ինտերի»՝ «Բավարիայի» հետ դիմակայության շանսերի մասին, հայտնում է La Gazzetta dello Sport-ը: Կապելոն կարծում է, որ միլանյան թիմը մյունխենցիներին կարող է հաղթել իր հզոր կիսապաշտպանության շնորհիվ: Նա «Ինտերի» կիսապաշտպանությունը համարում է աշխարհում 3 լավագույններից մեկը: Մարզիչն առանձնացրել է Հենրիխ Մխիթարյանի, Նիկոլո Բարելայի, Հական Չալհանօղլուի և Դավիդե Ֆրատեզիի անունները: […] ...
20:13 09.04.2025
Հայ-ադրբեջանական սահմանին ավելացվել է գիշերային պարեկության քանակը․ ԵՄ դիտորդական առաքելությունՀայաստանում ԵՄ դիտորդական առաքելությունը մարտ ամսից ավելացրել է գիշերային պարեկության քանակը հայ-ադրբեջանական սահմանի երկայնքով: Այս մասին նշվում է առաքելության X-ի միկրոբլոգում: «Մարտ ամսից սկսած՝ ավելացվել է գիշերային պարեկության քանակը հայ-արդբեջանական սահմանի երկայնքով՝ գիշերային անվտանգությունը բարելավելու և հնարավոր լարվածությունը թուլացնելու նպատակով: Մեր դիտորդները շուրջօրյա հերթապահություն են իրականացնում՝ գիշեր-ցերեկ ապահովելով իրենց մշտական ներկայությունը»,- նշվում է հաղորդագրության մեջ։ […] ...
