16:36 11.12.2018
«Ղեկը աջ» նախաձեռնության անդամները շարունակում են պայքարել հոկտեմբերի 1-ից ուժի մեջ մտած արգելքի դեմ, իսկ լրագրողներն այսօր հետաքրքրվել են նախաձեռնության ներկայացուցիչներից, թե ո՞րն է նրանց հստակ պահանջը՝ թույլատրել աջ ղեկով մեքենաների ներկրումն ընդմի՞շտ, թե՞ խոսքը միայն արդեն պատվիրվածների մասին է, որոնց թիվը, ըստ նախաձեռնության, հիմա արդեն ոչ թե 3000-ի, այլ մոտ 1000-ի է հասնում, քանի որ այս ընթացքում շատերի ղեկն աջից ձախ է փոխվել։
«Մենք շատ ուրախ կլինեինք, որ հետագայում էլ թույլ տային, մենք խնդրի մեջ ենք, գոնե այս մեքենաները, որ ձեռք ենք բերել, ցանկանում ենք ներմուծել գործարանային կառուցվածքով»,- ասել է նախաձեռնության անդամ Դավիթ Գասպարյանը:
«Ղեկը աջ» նախաձեռնության անդամները հիշեցրել են, որ խնդիրը ծագել է, քանի որ իրենց խաբեության մեջ են գցել, օրենքով արգելվել է, սակայն Բագրատաշենի անցակետի տեղեկատվական անկյունում փակցված է եղել մի գրություն, որտեղ ասվել է, որ արգելքը գործում է ապրիլի 1-ից հոկտեմբերի 1-ը, իրենք էլ պատվերները Ճապոնիայից կատարել են հոկտեմբերի 1-ից հետո բերելու համար:
«Վարչապետի հետ հանդիպման ժամանակ նա հարցրեց՝ ի՞նչ երաշխիքներ կան, որ էս մեքենաների հարցը լուծենք, էլ մեքենաներ չեն գա: Կառավարության վերջին որոշումից հետո, բացի «Ղեկը աջ» նախաձեռնության անդամներից, էլ ոչ մեկ չփորձեց էս որոշման դեմ խոսել: Մենակ «Ղեկը աջ» նախաձեռնությունն է դեմ, որ էս մեքենաների ղեկերը փոխվեն: Հիմա եթե մեր հարցը լուծվի, ես էլ ուրիշ ուժ կամ քաղաքացիական նախաձեռնություն չեմ տեսնում, որ կփորձի էդ հարցը նորից բարձրացնել, կամ մեքենա կբերի, որ ներկրի: Հիմա մենք ենք բերել, մենք ասում ենք՝ էլ չենք բերելու: Պատրաստ ենք վին կոդերը տալ, չգիտեմ՝ գնանք նկարահանվե՞նք, երդվե՞նք, ի՞նչ ասեմ՝ ասում ենք էսքան մեքենաների հարցը բերեք լուծենք, աջով մտցնենք, աջով շահագործենք, թույլ տաք, մեզ գրանցման իրավունք տաք, էլ դրանից հետո մենք չենք բերելու»,- հավելել է նախաձեռնության անդամներից Զոհրաբ Իգիթյանը:
Բանախոսներն ասել են, որ իրենք կառավարությանը ներկայացրել են պատվիրված մեքենաների կոդերը, բայց ներկայացվածի մեջ թիվն ավելի մեծ է, հիմա պատրաստ են այդ ցանկից հանել այն մեքենաները, որոնց դեպքում ղեկն արդեն փոխվել է, և նոր ցանկ ներկայացնել: Խոսքը մոտ 1000 մեքենայի մասին է:
14:57 11.04.2025
Մալխաս Ամոյանը մեկնարկել է վստահ հաղթանակով․ ըմբշամարտի ԵԱ
14:50 11.04.2025
Թեհրանն անուղղակի բանակցություններ է վարում Վաշինգտոնի հետ․ Իրանի դեսպանԻրանը ներկայումս անուղղակի բանակցություններ է վարում ԱՄՆ-ի հետ, ասել է Մոսկվայում հանրապետության դեսպան Քազեմ Ջալալին « Ռոսիա-24» հեռուստաալիքին տված հարցազրույցում։ Դիվանագետն ընդգծել է, որ Թեհրանը չի վախենում Վաշինգտոնի հետ երկխոսությունից։ «Բայց մեր գերագույն առաջնորդը նման թեզ ունի. նա ասել է, թե ինչու ուղղակի բանակցություններ չենք վարում: Պատճառը մեր փորձն է: Իրանի միջուկային գործարքի վերաբերյալ Գործողությունների […] ...
14:42 11.04.2025
Թրամփն ասել է, որ Մասկն իրեն պետք չէԱՄՆ նախագահ Դոնալդ Թրամփը Սպիտակ տան Օվալաձև աշխատասենյակում ասել է, որ իրեն պետք չէ Իլոն Մասկը, ով վերահսկում է ԱՄՆ կառավարության արդյունավետության դեպարտամենտի (DOGE) աշխատանքը։ Համապատասխան տեսանյութը հրապարակել է Fox News ալիքը։ «Ինձ Մասկը ոչ մի բանի համար պետք չէ, նա ինձ պարզապես դուր է գալիս։ Նա ֆանտաստիկ աշխատանք է կատարում: Նրա ինձ պետք չէ […] ...
14:33 11.04.2025
«Պորտուն» տուգանվել է «Բենֆիկայի» հանդերձարանի լույսն անջատելու համար«Պորտուն» տուգանվել է 1020 եվրոյով, քանի որ «Բենֆիկայի» դեմ Պորտուգալիայի առաջնության 28-րդ տուրի հանդիպման ժամանակ «Դրագան» ստադիոնում անջատված է եղել հյուրերի հանդերձարանի լուսավորությունը։ Այս մասին հաղորդում է A Bola-ն: «Մարզադաշտ ժամանելուն պես մենք նկատեցինք, որ հյուրերի հանդերձարանը բավարար լուսավորություն չունի: Դրա մասին անմիջապես ահազանգեցինք: Պատասխանատու անձն արձագանքեց, որ էլեկտրականության խնդիր է, որն արագորեն կլուծվի: Խնդիրը, […] ...
14:26 11.04.2025
Վրաստանը հետևում է Ռուսաստանի հետ հարաբերությունների խաղաղ տեսլականին՝ չնայած առկա տարածքային խնդիրներին․ ԿոբախիձեՎրաստանը հետևում է Ռուսաստանի հետ հարաբերությունների խաղաղ տեսլականին՝ չնայած առկա տարածքային խնդիրներին։ Այս մասին հայտարարել է հանրապետության վարչապետ Իրակլի Կոբախիձեն՝ ելույթ ունենալով Անթալիայի դիվանագիտական ֆորումում։ «Մենք խաղաղ տեսլական ունենք Ռուսաստանի Դաշնության նկատմամբ մեր քաղաքականության վերաբերյալ»,- ասել է նա։ Կոբախիձեի խոսքով՝ Վրաստանը դեռ տարածքային պահանջներ ունի Ռուսաստանից։ «Բայց նույնիսկ այս իրավիճակում մենք հետևում ենք շատ խաղաղ […] ...
14:19 11.04.2025
Հուլիսին կկայանա ԵՄ-Չինաստան գագաթնաժողովըԵՄ-Չինաստան հաջորդ գագաթնաժողովը տեղի կունենա հուլիսին Չինաստանում։ Այս մասին լրագրողներին հայտնել են Եվրոպական խորհրդից։ Ընդգծվել է, որ հանդիպումը նախատեսված է նշելու Բրյուսելի և Պեկինի միջև հարաբերությունների 50-ամյակը։ Սակայն գագաթնաժողովի հստակ ժամկետ դեռ չկա։ ԵՄ-Չինաստան վերջին գագաթնաժողովը տեղի է ունեցել 2023 թվականի դեկտեմբերին Պեկինում։ ...
14:10 11.04.2025
Սալահն ու «Լիվերպուլը» նոր պայմանագիր են կնքելԱնգլիական «Լիվերպուլն» ու Մոհամեդ Սալահը կնքել են նոր պայմանագիր։ Այս մասին հաղորդում է ակումբի պաշտոնական կայքը: Նոր պայմանագիրը նախատեսված է երկու տարով և կավարտվի 2027 թվականի ամռանը: «Հիանալի է: Ես իմ լավագույն տարիներն անցկացրել եմ այստեղ: 8 տարի խաղացել եմ այստեղ, հուսով եմ՝ կլինի 10 տարի: Վայելել եմ կյանքը, ֆուտբոլը. կարիերայիս լավագույն տարիները եղել են […] ...
