15:40 05.12.2018
Ժուռնալիստների «Ասպարեզ» ակումբ ՀԿ խորհրդի նախագահ Լևոն Բարսեղյանը այսօր կազմակերպված «Նախընտրական հակակոռուպցիոն լսումներ»-ի ժամանակ հարցրել է մասնակից քաղաքական ուժերի ներկայացուցիչներին, թե ինչ են կարծում՝ այսօր դատավորների քանի՞ տոկոսն է «անպիտան»:
«Իմ անձնական ընկալմամբ՝ 30 տոկոսը»,- նման կարծիք է հայտնել ՔՈ սոցիալ-դեմոկրատական կուսակցության ներկայացուցիչ Միքայել Նահապետյանը:
ՀՅԴ ներկայացուցիչ Գեղամ Մանուկյանն ասել է, որ Հայաստանում երկու մարդ կարող է թվեր ներկայացնել՝ Հրանտ Բագրատյանը և Ստեփան Գրիգորյանը, իսկ «Իմ քայլ»-ը կուսակցության ներկայացուցիչ Հերիքնազ Տիգրանյանը հավելել է, որ տվյալներ ներկայացնող անձանց շարքին մեկին էլ կավելացներ, բայց կդժվարանա տվյալ ներկայացնել, թե դատավորների քանի տոկոսն է «անպիտան»:
«Դատական համակարգը հասարակության մեջ առանց կոռուպցիայի աչքի չի ընկնում»,- իր կարծիքն է հայտնել «Լուսավոր Հայաստան» կուսակցության ներկայացուցիչ Ատոմ Մխիթարյանը՝ դարձյալ դժվարանալով կոնկրետ թիվ նշել:
«Ազգային առաջընթաց» կուսակցության ներկայացուցիչ Հայկ Գրիգորյանն իր հերթին ասել է, որ հարցին պատասխանում է որպես փորձառու փաստաբան և այն կարծիքին է, որ «անպիտան» է դատավորների 30-50 տոկոսը:
«Դժվարանում եմ ասել, բայց ասում եմ՝ մեծ տոկոսն անպիտան է»,- եզրափակել է խոսքը «Սասնա ծռեր» համահայկական կուսակցության ներկայացուցիչ Ալեք Ենիգոմշյանը։
Հիշեցնենք, որ այսօր «Նախընտրական հակակոռուպցիոն լսումներ» թեմայով լսումներ են կազմակերպվել: Լսումներին մասնակցել են ԱԺ արտահերթ ընտրություններին առաջադրված կուսակցությունների և կուսակցությունների դաշինքների ներկայացուցիչները: Նախապես հրավերը մերժել է միայն ՕԵԿ-ը՝ առանց պատճառ նշելու: ՀՀԿ-ն և ԲՀԿ-ն նախապես չեն մերժել, բայց չեն ներկայացել: Չի մասնակցել նաև «Քրիստոնեա-ժողովրդական վերածնունդ» կուսակցության ներկայացուցիչը: Պատճառաբանությունը եղել է այն, որ մարզերում քարոզարշավ են իրականացնում: «Մենք» դաշինքն էլ, չնայած հաստատել է մասնակցությունը, բայց չի մասնակցել ու մինչև լսումների ավարտը որևէ բացատրություն չի ներկայացրել:
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
