16:06 03.12.2018
Դեկտեմբերի 2-ին Դուբլինում կայացավ ԵՎՐՈ-2020-ի ընտրական մրցաշարի վիճակահանությունը: Հայաստանի հավաքականն ընդգրկվեց J խմբում, որտեղ մրցելու է Իտալիայի, Բոսնիայի և Հերցեգովինայի, Ֆինլանդիայի, Հունաստանի և Լիխտենշտեյնի հավաքականների հետ:
Հայաստանի ընտրանին իր պատմության ընթացքում հանդիպել է խմբում ընդգրկված բոլոր մրցակիցների հետ: Ավելի
շատ հանդիպումներ մեր ընտրանին անցկացրել է Հունաստանի և Ֆինլանդիայի ազգային հավաքականների հետ՝ չորսական հանդիպում: Իտալիայի, Բոսնիայի և Հերցեգովինայի և Լիխտենշտեյնի հետ մեր ընտրանին հանդիպել է երկուական անգամ:
Իտալիայի հավաքականի հետ Հայաստանի հավաքականը հանդիպել է աշխարհի 2014թ. առաջնության ընտրական փուլում: Երևանում կայացած առաջին խաղում իտալացիները առավելության են հասել 1-3 հաշվով, Հայաստանի ընտրանու կազմում միակ գոլը խփել է Հենրիխ Մխիթարյանը, պատասխան խաղում գրանցվել է ոչ-ոքի՝ 2-2 հաշիվը, մեր թիմից աչքի են ընկել Յուրա Մովսիսյանը և Հենրիխ Մխիթարյանը:
Բոսնիացիների հետ մեր ընտրանին հանդիպել է աշխարհի 2010թ. առաջնության ընտրական փուլում: Երկու խաղերում էլ բոսնիացիները առավելության են հասել: Բոսնիա և Հերցեգովինայում կայացած առաջին խաղում գրանցվել է 4-1 հաշիվը, Հայաստանի հավաքականի միակ գոլը խփել է Վահագն Մինասյանը, Երևանում բոսնիացիները հաղթել են 0-2 հաշվով:
Ֆինլանդիայի ազգային հավաքականի հետ Հայաստանի ընտրանին հանդիպել է չորս անգամ: 
Առաջին անգամ այս թիմերը հանդիպել են 2006թ. ԱԱ-ն ընտրական փուլում, որտեղ ֆինները կարողացել են երկու խաղերում առավելության հասնել: Երևանում կայացած առաջին խաղում հյուրերն առավելության են հասել 0-2 հաշվով, սեփական հարկի տակ ֆինները հաղթել են 3-1 հաշվով, մեր ընտրանու կազմում աչքի է ընկել Արմեն Շահգելդյանը:
Երկրորդ անգամ Ֆինլանդիայի ընտրանու հետ Հայաստանի հավաքականը հանդիպել է «Եվրո 2008»-ի ընտրական փուլի շրջանակներում: Երևանում գրանցվել է ոչ-ոքի՝ 0-0 հաշիվը, Հելսինկիում տանտերերը առավելության են հասել 1-0 հաշվով:
Հունաստանի ընտրանու հետ մեր հավաքականն առաջին անգամ մրցել է «Եվրո-2004»-ի ընտրական փուլում, որտեղ երկու խաղերում էլ առավելության են հասել մեր մրցակիցները: Առաջին խաղում սեփական հարկի տակ հույն ֆուտբոլիստները առավելության են հասել 2-0 հաշվով, Երևանում գրանցվել է 0-1 հաշիվը:
Այս թիմերը երկու անգամ հանդիպել են նաև ընկերական խաղերում: 2008 թվականին Գերմանիայում կայացած խաղում գրանցվել է ոչ-ոքի՝ 0-0 հաշիվը: Երկրորդ խաղում, որը տեղի է ունեցել 2012 թվականի մայիսին Ավստրիայում, Հունաստանի ընտրանին հաղթել է 1-0 հաշվով:
Լիխտենշտեյնի հավաքականը խմբում միակ թիմն է, որի հետ խաղերում մեր ընտրանին դրական ցուցանիշ ունի՝ մեկ 
հաղթանակ, մեկ ոչ-ոքի: Ազգերի լիգայի շրջանակներում անցկացրած առաջին խաղում հայ ֆուտբոլիստները սեփական հարկի տակ հաղթել են 2-1 հաշվով, Հայաստանի հավաքականի կազմում գոլերի հեղինակ են դարձել Մարկոս Պիզզելին և Տիգրան Բարսեղյանը: Պատասխան խաղում գրանցվել է ոչ-ոքի՝ 2-2 հաշիվը, մեր թիմից աչքի են ընկել Սարգիս Ադամյանը և Ալեքսանդր Կարապետյանը:
ԵՎՐՈ-2020-ի J խմբում ընդգրկված թիմերի հետ Հայաստանի ազգային հավաքականը իր պատմության ընթացքում անցկացրել է 14 հանդիպում, որոնցում տարել է մեկ հաղթանակ, չորս հանդիպում ավարտել է ոչ-ոքի և կրել ինը պարտություն
| ԱԼ | Լիխտենշտեյն | 2:2 | Հայաստան | 19.11.2018 | ||
| ԱԼ | Հայաստան | 2:1 | Լիխտենշտեյն | 06.09.2018 | ||
|
ԱԱ-14
|
Իտալիա | 2:2 | Հայաստան | 15.10.2013 | ||
|
ԱԱ-14
|
Հայաստան | 1:3 | Իտալիա | 12.10.2012 | ||
|
ԸՆԿ
|
Հունաստան | 1:0 | Հայաստան | 31.05.2012 | ||
|
ԱԱ-10
|
Հայաստան | 0:2 | Բոսնիա | 05.09.2009 | ||
|
ԱԱ-10
|
Բոսնիա | 4:1 | Հայաստան | 15.10.2008 | ||
|
ԸՆԿ
|
Հունաստան | 0:0 | Հայաստան | 01.06.2008 | ||
|
ԵԱ-08
|
Ֆինլանդիա | 1:0 | Հայաստան | 15.11.2006 | ||
|
ԵԱ-08
|
Հայաստան | 0:0 | Ֆինլանդիա | 07.10.2006 | ||
| ԱԱ-06 | Ֆինլանդիա | 3:1 | Հայաստան | 09.10.2004 | ||
|
ԱԱ-06
|
Հայաստան | 0:2 | Ֆինլանդիա | 08.09.2004 | ||
|
ԵԱ-04
|
Հայաստան | 0:1 | Հունաստան | 06.09.2003 | ||
| ԵԱ-04 | Հունաստան | 2:0 | Հայաստան | 06.10.2002 |
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
