ՀԱՊԿ ապագա գլխավոր քարտուղարը Ադրբեջանին բելառուսական «Պոլոնեզներ»-ի վաճառքի կնքահայրն է – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
05 04 2025
  • $
    391.22
  • RUBLE
    4.63
  • 431.28
WEATHER
+9.09 oC

ՀԱՊԿ ապագա գլխավոր քարտուղարը Ադրբեջանին բելառուսական «Պոլոնեզներ»-ի վաճառքի կնքահայրն է

14:00 09.11.2018

Նոյեմբերի 8-ին Աստանայում տեղի ունեցած ՀԱՊԿ գագաթնաժողովում անդամ պետությունների ղեկավարները մերժեցին մինչև 2020թ. մայիս ՀՀ ներկայացուցչին գլխավոր քարտուղար նշանակելու հայկական կողմի առաջարկը՝ նշելով, որ պաշտոնական Երևանն է հետ կանչել իր պաշտոնյային, հետևաբար պետք է այբբենական հերթականությամբ գլխավոր քարտուղարի պաշտոնը հանձնել Բելառուսի ներկայացուցչին:

Այդ մասին հայտարարելով՝ Ղազախստանի նախագահ Նուրսուլթան Նազարբաևը երեկ երեկոյան ասաց, որ դեկտեմբերին ՀԱՊԿ անդամ պետությունների ղեկավարները կհանդիպեն Սանկտ Պետերբուրգում և վերջնականապես կընտրեն նոր գլխավոր քարտուղարին, որը կլինի Բելառուսի ներկայացուցիչը:

Բելառուսը, որպես թեկնածու, ներկայացրել է այդ երկրի Ազգային անվտանգության խորհրդի քարտուղար Ստանիսլավ Զասին:

Այդ տարբերակը հավանություն է ստացել Ռուսաստանի, Ղրղզըստանի կողմից, սակայն առավել ոգևորություն է առաջացրել Ղազախստանի նախագահ Նուրսուլթան Նազարբաևի մոտ:

Ո՞վ է Ստանիսլավ Զասը

1964թ. Ուկրաինայում ծնված Ստանիսլավ Զասը 1985-ին ավարտել է Ադրբեջանի համազորային ռազմական ուսումնարանը, ապա մոտ մեկ տասնամյակ, այդ թվում՝ ԽՍՀՄ փլուզումից հետո, ապրել է Ադրբեջանում: Ռազմական գիտությունների թեկնածու, գեներալ-լեյտենանտ Ստանիսլավ Զասը 2008թ. նշանակվել է Բելառուսի Ազգային անվտանգության խորհրդի քարտուղարի տեղակալի պաշտոնում, իսկ 2015-ի հուլիսի 1-ից՝ գլխավոր քարտուղար:

Գործունեության ընթացքում Զասը երբեք չի թաքցրել իր դրական վերաբերմունքը արևմտյան ռազմական կառույցների, այդ թվում ՆԱՏՕ-ի նկատմամբ՝ այն համարելով միակ կենսունակ կազմակերպությունը ահաբեկչության դեմ պայքարում:

Հայաստանի համար առավել կարևոր է մեկ այլ հանգամանք: Ստանիսլավ Զասը Բելառուսի և Ադրբեջանի սերտ գործակցության ամենաակտիվ գործիչներից է: Դրա ապացույցներից մեկն այն է, որ 2018թ. մարտի 1-ին Բելառուսի Ազգային անվտանգության խորհրդի քարտուղար Ստանիսլավ Զասը Մինսկում հանդիպել է Ադրբեջանի նախագահի ռազմական հարցերով օգնական Ֆուադ Ալեսկերովի հետ և քննարկել միջպետական ռազմական գործակցության հարցեր՝ նշելով, որ պաշտոնական Մինսկն ու Բաքուն ունեն ոչ միայն տնտեսական ու քաղաքական ակտիվ կապեր, այլև ռազմական գործակցության մեծ պոտենցիալ:

Ստանիսլավ Զասը և Ֆուադ Ալեսկերովը՝ 2018թ. մարտի 1-ի հանդիպման ժամանակ:

Այդ հանդիպումից մեկ ամիս անց ռուսական «Կոմերսանտ» պարբերականը հայտնեց, որ Ադրբեջանը Բելառուսի հետ կնքել է բելառուսական արտադրության «Պոլոնեզ» համազարկային կրակի ռեակտիվ համակարգի մատակարարման վերաբերյալ արտահանման առաջին պայմանագիրը:

2018թ. հունիսի 11-ին Ադրբեջանի պաշտպանության նախարարության հրթիռային զորքերի զորամասի բացման ժամանակ բելառուսական «Պոլոնեզներ»-ն արդեն Ադրբեջանում էին և ներկայացվեցին նախագահ Իլհամ Ալիևին:

Ստացվում է՝ ՀԱՊԿ, այդ թվում նաև Հայաստանի անվտանգության ապահովման համար ստեղծված ռազմական կառույցի ղեկավար է դառնալու մի անձ, որի շնորհիվ համազարկային կրակի ռեակտիվ համակարգեր են վաճառվել Հայաստանի նկատմամբ թշնամաբար տրամադրված երկրի՝ այդ զենքը նախ և առաջ Հայաստանի դեմ կիրառելու համար:

Բոլոր լուրերը

Կապակցված լուրեր

Իրավիճակը Հայաստանի ճանապարհներին

00:59 05.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

100 հաղթանակ. «Լիվերպուլի» ուշագրավ ցուցանիշը

00:56 05.04.2025

100 հաղթանակ. «Լիվերպուլի» ուշագրավ ցուցանիշը

Անգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

00:53 05.04.2025

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

Պապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

00:44 05.04.2025

ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Ապրիլի 4-ին Չեխիայում ՀՀ դեսպանությունում աշխատանքային այցով Չեխիայի Հանրապետությունում գտնվող ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի քաղաքագիտական և այլ հետազոտական և վերլուծական կենտրոնների փորձագետների հետ: Այս մասին հայտնել են ԱԳՆ-ից: Գլխավոր քարտուղարը հանդիպման մասնակիցների հետ քննարկել է տարածաշրջանում խաղաղության և կայունության հաստատմանն ուղղված Հայաստանի ջանքերը՝ նրանց ներկայացնելով ՀՀ կառավարության կողմից մշակված «Խաղաղության […] ...

Էմինեմը պապիկ է դարձել

00:32 05.04.2025

Էմինեմը պապիկ է դարձել

Ամերիկացի ռեփեր Մարշալ Մեթերսը, ով հայտնի է Էմինեմ կեղծանվամբ, պապիկ է դարձել։ Ռեփերի դուստրը՝ Հեյլի Ջեյդ Սքոթը, հրապարակել է իր առաջնեկի լուսանկարները Instagram-ում: Հեյլիի նկարներից պարզ է դարձել, որ երեխան ծնվել է մարտի 14-ին: Տղային անվանել են Էլիոթ Մարշալ, երկրորդ անունը՝ ի պատիվ հայտնի պապիկի։ 52-ամյա երաժշտի դուստրը՝ Հեյլին, ամուսնացել է իր սիրելիի՝ Էվան ՄաքՔլինթոքի […] ...

Լարսը բաց է

00:21 05.04.2025

Լարսը բաց է

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...

BACK_TO_TOP